ಮೈಸೂರು: ಲೋಕಸಭಾ ಸಮರದಲ್ಲಿ 2ನೇ ಬಾರಿ ಗೆಲುವಿನ ನಗೆ ಬೀರಿದ ಪ್ರತಾಪ್ ಸಿಂಹ ಕೊಡಗಿನ ಸಾಂಪ್ರದಾಯಿಕ ಉಡುಗೆ ತೊಟ್ಟು ಸಂಸತ್ ಪ್ರವೇಶ ಮಾಡಿದರು.
ಇಂದಿನಿಂದ 17 ನೇ ಲೋಕಸಭೆಯ ಅಧಿವೇಶನ ಆರಂಭವಾಗಿದೆ. ಮೈಸೂರು-ಕೊಡಗು ಲೋಕಸಭಾ ಕ್ಷೇತ್ರದ ಸಂಸದ ಪ್ರತಾಪ್ ಸಿಂಹ ಕೊಡಗಿನ ಉಡುಗೆ ತೊಟ್ಟು ಸಂಸತ್ ಪ್ರವೇಶಿಸಿದ್ದು ಎಲ್ಲರ ಗಮನ ಸೆಳೆಯುವಂತಿತ್ತು.
ಸೊಂಟದ ಬಳಿ ಕೊಡಗಿನ ವೀರ ಪ್ರತೀಕ ಖಡ್ಗವನ್ನು ಧರಿಸಿ ಸಂಸತ್ ಪ್ರವೇಶ ಮಾಡಿದರು. ನಂತರ ತಮ್ಮ ಆತ್ಮೀಯರೊಂದಿಗೆ ಸಂಸತ್ ಮುಂಭಾಗ ಕೊಡಗಿನ ಉಡುಗೆಯಲ್ಲೇ ಫೋಟೋಗೆ ಪೋಸ್ ನೀಡಿದರು. ಶೋಭಾ ಕರಂದ್ಲಾಜೆ, ಯುವ ಸಂಸದ ತೇಜಸ್ವಿ ಸೂರ್ಯ, ಡಿ.ಕೆ.ಶಿವಕುಮಾರ್ ಸೇರಿದಂತೆ ಅನೇಕರ ಜೊತೆ ಫೋಟೋ ಕ್ಲಿಕ್ಕಿಸಿಕೊಂಡಿದ್ದಾರೆ.
