ಪಾಕಿಸ್ತಾನದ ವಾಯುಮಾರ್ಗವೂ ಬೇಡ..! ಶಾಂಘೈ ಶೃಂಗಸಭೆಗೆ ಮೋದಿ ರೂಟ್ ಚೇಂಜ್​!

ಮೋದಿ ಬಿಶ್ಕೆಕ್​ಗೆ ತೆರಳಲು ವಾಯುಮಾರ್ಗ ತೆರವುಗೊಳಿಸಲು ಭಾರತ ಮನವಿ ಸಲ್ಲಿಸಿತ್ತು. ಇದಕ್ಕೆ ಪಾಕಿಸ್ತಾನ ಸಮ್ಮತಿ ಸೂಚಿಸಿತ್ತು. ಪಾಕ್​​ನಿಂದ ಗ್ರೀನ್ ಸಿಗ್ನಲ್​ ಸಿಕ್ಕ ಎರಡನೇ ದಿನದಲ್ಲಿ ಬಿಶ್ಕೆಕ್​ಗೆ ತೆರಳುವ ಮಾರ್ಗದಲ್ಲಿ ಬದಲಾವಣೆ ಮಾಡಲಾಗಿದೆ.

ನವದೆಹಲಿ: ಕಿರ್ಗಿಸ್ತಾನದ ಬಿಶ್ಕೆಕ್​ನಲ್ಲಿ ಜೂನ್ 13-14ರಂದು ನಡೆಯಲಿರುವ ಶಾಂಘೈ ಶೃಂಗಸಭೆಯಲ್ಲಿ ಭಾರತದ ಪರವಾಗಿ ಭಾಗವಹಿಸುತ್ತಿರುವ ಪ್ರಧಾನಿ ಮೋದಿ, ಪಾಕ್​ ವಾಯುಮಾರ್ಗದ ಮೂಲಕ ತೆರಳುವುದಿಲ್ಲವೆಂದು ವಿದೇಶಾಂಗ ಇಲಾಖೆ ಸ್ಪಷ್ಟಪಡಿಸಿದೆ.

ಈ ಮೊದಲು ಪ್ರಧಾನಿ ಮೋದಿ ಪಾಕಿಸ್ತಾನದ ವಾಯುಮಾರ್ಗದ ಮೂಲಕ ಬಿಶ್ಕೆಕ್​ಗೆ ಹೋಗಲಿದ್ದಾರೆ ಎನ್ನುವ ಮಾತು ಕೇಳಿ ಬಂದಿತ್ತು. ಬಾಲಕೋಟ್ ವಾಯುದಾಳಿಯ ಬಳಿಕ ಪಾಕಿಸ್ತಾನ ತನ್ನ ವಾಯುಮಾರ್ಗವನ್ನು ಭಾರತೀಯ ವಿಮಾನಗಳ ಹಾರಾಟಕ್ಕೆ ನಿರ್ಬಂಧ ಹೇರಿತ್ತು.

ಮೋದಿ ಬಿಶ್ಕೆಕ್​ಗೆ ತೆರಳಲು ವಾಯುಮಾರ್ಗ ತೆರವುಗೊಳಿಸಲು ಭಾರತ ಮನವಿ ಸಲ್ಲಿಸಿತ್ತು. ಇದಕ್ಕೆ ಪಾಕಿಸ್ತಾನ ಸಮ್ಮತಿ ಸೂಚಿಸಿತ್ತು. ಪಾಕ್ ಗ್ರೀನ್ ಸಿಗ್ನಲ್​ ಹೊರಬಿದ್ದ ಎರಡನೇ ದಿನದಲ್ಲಿ ಮೋದಿ ತೆರಳುವ ಮಾರ್ಗದಲ್ಲಿ ಬದಲಾವಣೆ ಮಾಡಲಾಗಿದೆ.

"ಸದ್ಯ ಮೋದಿ ತೆರಳುವ ಮಾರ್ಗವನ್ನು ಅಂತಿಮಗೊಳಿಸಲಾಗಿದ್ದು, ಮೋದಿಯವರುವ ವಿವಿಐಪಿ ವಿಮಾನ ಒಮನ್​, ಇರಾನ್​ ಹಾಗೂ ಮಧ್ಯ ಏಷ್ಯಾ ದೇಶಗಳ ಮೂಲಕ ಬಿಶ್ಕೆಕ್​ಗೆ ತೆರಳಲಿದ್ದಾರೆ" ಎಂದು ವಿದೇಶಾಂಗ ಇಲಾಖೆ ಸ್ಪಷ್ಟನೆ ನೀಡಿದೆ.