ಮುಂಬೈ : 12ನೇ ಐಪಿಎಲ್ ಪೈನಲ್ನಲ್ಲಿ ಚಾಂಪಿಯನ್ ಚೆನ್ನೈಗೆ 1 ರನ್ ಸೋಲುಣಿಸಿ ನಾಲ್ಕನೇ ಬಾರಿ ಟ್ರೋಫಿ ಎತ್ತಿ ಹಿಡಿದ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಅಂಬಾನಿ ಕುಟುಂಬ ಗೆಲುವಿನ ಸಂಭ್ರಮವನ್ನು ಹಂಚಿಕೊಳ್ಳಲು ತಮ್ಮ ಮನೆಯಲ್ಲಿ ಆಟಗಾರರಿಗೆ ಭರ್ಜರಿ ಪಾರ್ಟಿ ನೀಡಿದ್ದರು.
ಮುಂಬೈ ಇಂಡಿಯನ್ಸ್ ತಂಡದ ಒಡತಿಯಾದ ನೀತಾ ಅಂಬಾನಿ ತಂಡದ ಆಟಗಾರರಿಗೆ ಹಾಗೂ ಅವರ ಕುಟುಂಬಸ್ಥರಿಗೆ ಪಾರ್ಟಿ ಏರ್ಪಡಿಸಿದ್ದರು. ಈ ಪಾರ್ಟಿಗೂ ಮುನ್ನ ದೈವ ಭಕ್ತೆಯಾದ ನೀತಾ ಅಂಬಾನಿ ಟ್ರೋಪಿಯೊಂದಿಗೆ ಕೃಷ್ಣನ ದೇವಾಲಯಕ್ಕೆ ತೆರಳಿ ಟ್ರೋಫಿ ಗೆಲ್ಲಿಸಿಕೊಟ್ಟಿದ್ದಕ್ಕೆ ಧನ್ಯವಾದ ಸಮರ್ಪಿಸಿದ್ದಾರೆ.
- " class="align-text-top noRightClick twitterSection" data="
">
ತಮ್ಮ ಮನೆಯ ಒಳಗೆ ಇರುವ ಕೃಷ್ಣನ ದೇವಾಲಯದಕ್ಕೆ ತಮ್ಮ ಕೈಯ್ಯಾರೆ ಟ್ರೋಫಿಯನ್ನ ತೆಗೆದುಕೊಂಡು ಹೋಗಿ ಪೂಜೆ ಸಲ್ಲಿಸಿದ್ದಾರೆ. ಈ ಸಂದರ್ಭದಲ್ಲಿ 'ಜೈ ಶ್ರೀ ಕೃಷ್ಣ' ಎಂದು ಕೂಗು ಹಾಕಿದ್ದಾರೆ.
ಮುಂಬೈ ಇಂಡಿಯನ್ಸ್ ರೋಹಿತ್ ಶರ್ಮಾ ನಾಯಕತ್ವದಲ್ಲಿ ನಾಲ್ಕನೇ ಬಾರಿ ಟ್ರೋಪಿಯನ್ನು ಗೆದ್ದಿದ್ದು ಈ ಮೂಲಕ ಐಪಿಎಲ್ ಟೂರ್ನಿಯಲ್ಲಿ ಮುಂಬೈ ಅತ್ಯಂತ ಸಕ್ಸಸ್ಫುಲ್ ತಂಡ ಎನ್ನುವ ಕೀರ್ತಿಗೂ ಪಾತ್ರವಾಗಿದೆ.
