ನವದೆಹಲಿ: ಪಂಜಾಬ್ ನ್ಯಾಷನಲ್ ಬ್ಯಾಂಕ್ಗೆ ಕೋಟ್ಂತರ ರೂ. ವಂಚಿಸಿ ವಿದೇಶಕ್ಕೆ ಪರಾರಿಯಾಗಿರುವ ವಜ್ರೋದ್ಯಮಿ ನೀರವ್ ಮೋದಿ ಲಂಡನ್ ಬೀದಿಗಳಲ್ಲಿ ಭಾರಿ ಮುಜುಗರ ಎದುರಿಸಿದರು.
ಈಚೆಗಷ್ಟೆ ಅಂತಾರಾಷ್ಟ್ರೀಯ ಮಾಧ್ಯಮದವರ ಪ್ರಶ್ನೆ ಎದುರಿಸಲಾಗದೆ ನೋ ಕಮೆಂಟ್ಸ್ ಎಂದಷ್ಟೇ ಹೇಳಿದ್ದ ನೀರವ್ ಮೋದಿ, ಭಾರತದ ರಾಷ್ಟ್ರೀಯ ಮಾಧ್ಯಮದ ಪ್ರತಿನಿಧಿಯೊಬ್ಬರಿಗೆ ಲಂಡನ್ ಬೀದಿಯಲ್ಲಿ ಸಿಕ್ಕಿದ್ದು, ಅವರ ಪ್ರಶ್ನೆ ತಡೆಯಲಾರದೆ ಓಡಿಹೋದ ಪ್ರಸಂಗವೂ ಎದುರಾಯಿತು.
ವೆಸ್ಟ್ಮಿನಿಸ್ಟರ್ ಕೋರ್ಟ್ನಲ್ಲಿ ಬಂಧನ ವಾರೆಂಟ್ ಕೂಡ ಎದುರಿಸುತ್ತಿರುವ ನೀರವ್ ಮೋದಿ, ಈ ಸಾರಿಯೂ ಕೂಡ ತಮ್ಮ ನೋ ಕಮೆಂಟ್ಸ್ ಉತ್ತರದ ಸರಣಿಗಳನ್ನು ಮುಂದುವರಿಸಿದರು.
ನೀವು ಭಾರತಕ್ಕೆ ವಾಪಸ್ ಹೋಗುತ್ತೀರಾ ಎಂದು ಕೇಳಿದ್ದಕ್ಕೆ ನೋ ಕಮೆಂಟ್ಸ್ ಎಂದ ನೀರವ್ ಮೋದಿ, ನಿಮ್ಮ ವಿರುದ್ಧ ಅರೆಸ್ಟ್ ವಾರೆಂಟ್ ದಾಖಲಾಗಿದೆಯಲ್ಲಾ ಎಂದು ಕೇಳಿದ್ದಕ್ಕೆ ರಸ್ತೆ ಬಿಟ್ಟು ಇನ್ನೊಂದು ಬದಿಗೆ ಓಡಿಹೋದರು.
ಹೋಟೆಲ್ಗೆ ಹೋದ ಅವರನ್ನು ಬಿಡದೆ ತಮ್ಮ ಪ್ರಶ್ನೆಗಳನ್ನು ಮುಂದುವರಿಸಿದ ಪತ್ರಕರ್ತ ಈಗ ಅರೆಸ್ ವಾರೆಂಟ್ ಬಂದಿದೆ, ನೀವು ಭಾರತಕ್ಕೆ ಹೋಗುತ್ತೀರಾ ಅಥವಾ ಬೇರೆ ಎಲ್ಲಿಗಾದರೂ ಹೋಗುವ ಪ್ಲಾನ್ ಇದೆಯಾ ಎಂದು ಕೇಳಿದಾಗ ಅದಕ್ಕೂ ಕೂಡ ನೋ ಕಮೆಂಟ್ಸ್ ಎಂದಷ್ಟೇ ಅವರು ಉತ್ತರಿಸಿದರು.
