ABD ಅಭಿಮಾನಿಗಳಿಗಿಲ್ಲ ನಿರಾಸೆ,ಅಬ್ಬರಿಸಲಿದ್ದಾನೆ ಈ 'ಜೂನಿಯರ್​ 360' ಬ್ಯಾಟ್ಸ್​ಮನ್​

ಭಾರತ ಸೇರಿದಂತೆ ಹಲವು ದೇಶಗಳಲ್ಲಿ ಕ್ರಿಕೆಟ್‌ ಅಭಿಮಾನಿಗಳು ಎಬಿಡಿಯನ್ನು ತಮ್ಮ ತವರು ತಂಡದ ಆಟಗಾರರಿಗಿಂತ ಹೆಚ್ಚು ಪ್ರೀತಿಸುತ್ತಾರೆ. ಮೈದಾನದಲ್ಲಿ ಜಿಂಕೆಯಂತೆ ಒಡಾಡಿ ಕ್ಷೇತ್ರ ರಕ್ಷಣೆ ಮಾಡುವ ಅವರು ಬ್ಯಾಟಿಂಗ್‌ಗೆ ನಿಂತರೆ ಯಾವುದೇ ಮಾದರಿ ಕ್ರಿಕೆಟ್​ ಆದರೂ ಬೌಂಡರಿ, ಸಿಕ್ಸರ್​ಗೆ ಕೊರತೆಯಿಲ್ಲದ ರೀತಿಯಲ್ಲಿ 360 ಕೋನದಲ್ಲಿ ರನ್​ ಕಲೆ ಹಾಕುತ್ತಾರೆ.

ಮುಂಬೈ: ವಿಶ್ವದಾದ್ಯಂತ ಕ್ರಿಕೆಟ್​ ಅಭಿಮಾನಿಗಳನ್ನು ಹೊಂದಿರುವ ದ.ಆಫ್ರಿಕಾದ ಎಬಿಡಿ ವಿಲಿಯರ್ಸ್​ ಕ್ರೀಸ್​ನಲ್ಲಿದ್ದರೆ ಟೆಸ್ಟ್​, ಏಕದಿನ ಅಥವಾ ಟಿ20 ಯಾವ ಆಟ ಎಂಬುದು ತಿಳಿಯದ ರೀತಿಯಲ್ಲಿ ಬ್ಯಾಟಿಂಗ್​ ನಡೆಸುತ್ತಿದ್ದರು. ಅವರ ಸಾಲಿಗೆ ಇದೀಗ ಆಂಗ್ಲರ ನಾಡಿನ ಕ್ರಿಕೆಟಿಗನೊಬ್ಬ ಸೇರಿಕೊಂಡಿದ್ದಾನೆ.

ಭಾರತ ಸೇರಿದಂತೆ ಹಲವು ದೇಶಗಳಲ್ಲಿ ಅಭಿಮಾನಿಗಳು ಎಬಿಡಿಯನ್ನು ತಮ್ಮ ತವರು ತಂಡದ ಆಟಗಾರರನ್ನು ಪ್ರೀತಿಸುವುದಕ್ಕಿಂದ ಹೆಚ್ಚು ಪ್ರೀತಿಸುತ್ತಾರೆ. ಮೈದಾನದಲ್ಲಿ ಜಿಂಕೆಯಂತೆ ಒಡಾಡಿ ಕ್ಷೇತ್ರರಕ್ಷಣೆ ಮಾಡುವ ಅವರು ಬ್ಯಾಟಿಂಗ್​ ನಿಂತರೆ ಯಾವುದೇ ಮಾದರಿ ಕ್ರಿಕೆಟ್​ ಆದರೂ ಬೌಂಡರಿ ಸಿಕ್ಸರ್​ಗೆ ಕೊರತೆಯಿಲ್ಲದ ರೀತಿಯಲ್ಲಿ 360 ಕೋನದಲ್ಲಿ ರನ್​ ಸೂರೆ ಮೂಡುತ್ತಾರೆ.

ಆದರೆ ಇಂದು ಎಬಿಡಿ ಆಟ ಕೇವಲ ಟಿ20 ಲೀಗ್​ಗಳಿಗೆ ಸೀಮಿತವಾಗಿದೆ. ಅಂತಾರಾಷ್ಟ್ರೀಯ ಕ್ರಿಕೆಟ್‌​ಗೆ ನಿವೃತ್ತಿ ಘೋಷಣೆ ಮಾಡಿರುವುದರಿಂದ ಅವರ ಆಟ ವಿಶ್ವಕಪ್​ನಲ್ಲಿ ಕಾಣಸಿಗುತ್ತಿಲ್ಲ. ಆದರೆ ಅವರ ಜಾಗದಲ್ಲಿ ನಿಂತಿರುವ ಇಂಗ್ಲೆಂಡ್​ನ ಜೋಸ್​ ಬಟ್ಲರ್​ ಎಬಿಡಿ ಮಾದರಿಯ ಆಟವನ್ನು ತೋರುವ ಮೂಲಕ ಅಭಿಮಾನಿಗಳಿಗೆ ಹತ್ತಿರವಾಗುತ್ತಿದ್ದಾರೆ.

ಇಂದು ಸೌತಂಪ್ಟನ್​ನಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ವಿರುದ್ಧದ ಅಭ್ಯಾಸ ಪಂದ್ಯದಲ್ಲಿ ಕೇವಲ 31 ಎಸೆತಗಳಲ್ಲಿ 52 ರನ್ ಚಚ್ಚಿದರು. ಆವರ ಈ ಸ್ಫೋಟಕ ಇನಿಂಗ್ಸ್​ನಲ್ಲಿ 5 ಬೌಂಡರಿ ,3 ಸಿಕ್ಸರ್​ ಸೇರಿತ್ತು.

ಕಳೆದ 2-3 ವರ್ಷಗಳಿಂದ ಇಂಗ್ಲೆಂಡ್​ನ ರನ್​ಮಷಿನ್​ ಆಗಿರುವ ಬಟ್ಲರ್​ ಯಾವುದೇ ಕ್ರಮಾಂಕದ ಬ್ಯಾಟಿಂಗ್​ ಆದರೂ , ಯಾವುದೇ ಸನ್ನಿವೇಶಕ್ಕಾದರೂ ಒಗ್ಗಿಕೊಳ್ಳುವುದನ್ನು ರೂಢಿಸಿಕೊಂಡಿದ್ದು ರನ್​ಗಳ ಶಿಖರ ಕಟ್ಟುತ್ತಿದ್ದಾರೆ.

• Absolute scenes from @josbuttler the last time our ODI team played the Aussies! 🙌#ExpressYourself pic.twitter.com/3OdorsNBk6

  — England Cricket (@englandcricket) May 24, 2019 " class="align-text-top noRightClick twitterSection" data="

  Absolute scenes from @josbuttler the last time our ODI team played the Aussies! 🙌#ExpressYourself pic.twitter.com/3OdorsNBk6

  — England Cricket (@englandcricket) May 24, 2019

  ">

  Absolute scenes from @josbuttler the last time our ODI team played the Aussies! 🙌#ExpressYourself pic.twitter.com/3OdorsNBk6

  — England Cricket (@englandcricket) May 24, 2019

130 ಏಕದಿನ ಪಂದ್ಯವನ್ನಾಡಿರುವ ಬಟ್ಲರ್​ 108 ಇನಿಂಗ್ಸ್​ನಲ್ಲಿ ಬ್ಯಾಟಿಂಗ್​ ನಡೆಸಿದ್ದು 2953 ರನ್​ ಗಳಿಸಿದ್ದಾರೆ. ಇವರ ಸ್ಟ್ರೈಕ್​ ರೇಟ್​ 119 ಇದೆ. 8 ಶತಕಗಳಿಸಿದ್ದು ಇದರಲ್ಲಿ ಎಲ್ಲಾ ಶತಕಗಳಲ್ಲೂ 100 ಕ್ಕಿಂತ ಹೆಚ್ಚು ಸ್ಟ್ರೈಕ್​ರೇಟ್​ ಕಾಪಾಡಿಕೊಂಡಿದ್ದಾರೆ.

ಇವರ ಈ ಪ್ರದರ್ಶನ ವಿಶ್ವಕಪ್​ನಲ್ಲಿ ಮುಂದುವರಿದರೆ ಎಬಿಡಿ ಆಟವನ್ನು ಮಿಸ್​ ಮಾಡಿಕೊಳ್ಳುವ ಅಭಿಮಾನಿಗಳಿಗೆ ನಿಜಕ್ಕೂ ಸಂತೋಷವಾಗಲಿದೆ. ತವರಿನಲ್ಲಿ ವಿಶ್ವಕಪ್​ ನಡೆಯುವುದರಿಂದ ಬಟ್ಲರ್​ ನಿಜಕ್ಕೂ ಅಬ್ಬರಿಸಲಿದ್ದಾರೆ ಎಂಬುದು ಇಂದು ನಡೆದ ಅಭ್ಯಾಸ ಪಂದ್ಯದಲ್ಲಿ ಸಾಬೀತಾಗಿದೆ. ಪಾಕಿಸ್ತಾನದ ವಿರುದ್ಧ ಕಳೆದ ವಾರ ಮುಕ್ತಾಯಗೊಂಡ ಏಕದಿನ ಸರಣಿಯಲ್ಲಿ ಬಟ್ಲರ್​ ಕೇವಲ 50 ಎಸೆತಗಳಲ್ಲಿ ಶತಕ ಸಿಡಿಸಿದ್ದರು.