ಜೈಪುರ್: ಐಪಿಎಲ್ 12 ಆವೃತ್ತಿಯ ತಮ್ಮ ಮೊದಲ ಪಂದ್ಯದಲ್ಲಿ ರಾಜಸ್ತಾನ್ ರಾಯಲ್ಸ್ ತಂಡ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡವನ್ನು ಜೈಪುರದಲ್ಲಿ ಎದುರಿಸಲಿದೆ.
ಕನ್ನಡಿಗರೇ ಹೆಚ್ಚಿರುವ ಈ ಎರಡೂ ತಂಡಗಳ ನಡುವೆ ಸಮಬಲದ ಹೋರಾಟ ಕಂಡು ಬರಲಿದೆ. ಕಳೆದ ಆವೃತ್ತಿಯಲ್ಲಿ ಆರಂಭದಲ್ಲಿ ಅಬ್ಬರಿಸಿದ್ದ ಕಿಂಗ್ಸ್ ಇಲೆವೆನ್ ಪಂಜಾಬ್ ನಂತರ ದ್ವೀತಿಯಾರ್ಧದಲ್ಲಿ ಮಧ್ಯಮ ಕ್ರಮಾಂಕದ ಬ್ಯಾಟಿಂಗ್ ವೈಫಲ್ಯದಿಂದ ಕ್ವಾಲಿಫಯರ್ ಹಂತ ತಲುಪುವಲ್ಲಿ ವಿಫಲವಾಯಿತು.
ಇನ್ನು ಆರಂಭದಲ್ಲಿ ನೀರಸ ಪ್ರದರ್ಶನ ತೋರಿದ್ದ ರಾಜಸ್ಥಾನ್ ರಾಯಲ್ಸ್ ದ್ವಿತೀಯಾರ್ಧದಲ್ಲಿಜೋಸ್ ಬಟ್ಲರ್ ಅವರ ಅದ್ಭುತ ಪ್ರದರ್ಶನದಿಂದ ಕ್ವಾಲಿಫಯರ್ ಹಂತ ತಲುಪಿತಾದರೂ ಬಟ್ಲರ್ ಹಾಗೂ ಬೆನ್ಸ್ಟೋಕ್ಸ್ ಕ್ವಾಲಿಫಯರ್ ಪಂದ್ಯಕ್ಕೆ ಅಲಭ್ಯರಾದ್ದರಿಂದ ಕೋಲ್ಕತ್ತಾ ಎದುರು ಎಲಿಮಿನೇಟರ್ ಪಂದ್ಯದಲ್ಲಿ ಸೋಲನುಭವಿಸಿ ನಾಲ್ಕನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿತು.
ಕ್ರಿಸ್ಗೇಲ್, ಕೆಎಲ್ ರಾಹುಲ್, ಅಗರ್ವಾಲ್ ಬ್ಯಾಟಿಂಗ್ ವಿಭಾಗದಲ್ಲಿದ್ದರೆ, ಆಲ್ರೌಂಡರ್ ಹೆನ್ರಿಕ್ಸ್,ಅಶ್ವಿನ್,ಇದ್ದಾರೆ. ಇನ್ನು ಬೌಲಿಂಗ್ನಲ್ಲಿ ಕಳೆದ ಬಾರಿಯ ಆ್ಯಂಡ್ರ್ಯೂ ಟೈ, ಮುಜೀಬ್,ಮಹಮ್ಮದ್ ಶಮಿಯಂತಹ ಅಂತಾರಾಷ್ಟ್ರೀಯ ಮಟ್ಟದ ಬೌಲರ್ಗಳ ಬಲವನ್ನು ಕಿಂಗ್ಸ್ ಹೊಂದಿದೆ.
ಇನ್ನು ರಾಯಲ್ಸ್ ಕಡೆ ರಹಾನೆ, ಸ್ಟಿವ್ ಸ್ಮಿತ್, ಬಟ್ಲರ್, ಸಂಜು ಸ್ಯಾಮ್ಸನ್ ಬ್ಯಾಟಿಂಗ್ ವಿಭಾಗದ ಆಧಾರ ಸ್ಥಂಭವಾದರೆ, ಜೋಪ್ರಾ ಆರ್ಚರ್,ಉನಾದ್ಕಟ್ ,ಶ್ರೇಯಸ್ ಗೋಪಾಲ್,ಕೆ.ಗೌತಮ್, ದವಳ ಕುಲಕರ್ಣಿ ಬೌಲಿಂಗ್ನಲ್ಲಿ ಮಿಂಚಲು ಸಿದ್ದರಾಗಿದ್ದಾರೆ. ಆದರೆ ಕಿಂಗ್ಸ್ಗೆ ಹೋಲಿಸಿದರೆ ರಾಯಲ್ಸ್ ತಂಡ ಬಲಿಷ್ಟವೇನಲ್ಲ. ಆದರೂ ಕಳೆದಬಾರಿ ಬಲಿಷ್ಠ ತಂಡಗಳನ್ನ ಮಣ್ಣುಮುಕ್ಕಿಸಿ ಸೆಮಿ ಹಂತಕ್ಕೆ ತಲುಪಿದ ರೀತಿ ನೋಡಿದರೆ ಗೆಲುವು ಅಸಾಧ್ಯವೂ ಅಲ್ಲ.
ಐಪಿಎಲ್ ಬಲಾಬಲ:ರಾಜಸ್ಥಾನ ರಾಯಲ್ಸ್ ತಂಡ ಇದುವರೆಗೂ 9 ಐಪಿಎಲ್ ಟೂರ್ನಿಗಳಲ್ಲಿ ಪಾಲ್ಗೊಂಡಿದ್ದು, ಒಂದು ಬಾರಿ ಚಾಂಪಿಯನ್ ಮೂರು ಎರಡು ಬಾರಿ 4ನೇ ಸ್ಥಾನ, ಒಂದು ಬಾರಿ 3ನೇ ಸ್ಥಾನ ಪಡೆದುಕೊಂಡಿದೆ. ಕಿಂಗ್ ಇಲೆವೆನ್ ಪಂಜಾಬ್ ತಂಡ ಮೊದಲ ಸೀಸನ್ ನಲ್ಲಿ ಸೆಮಿಫೈನಲ್ ಹಾಗೂ 7ನೇ ಸೀಸನ್ನಲ್ಲಿ ಫೈನಲ್ಗೇರಿರುವುದೇ ಅದರ ಗರಿಷ್ಠ ಸಾಧನೆಯಾಗಿದೆ.
ತಂಡದ ವಿವಿರ:
ರಾಜಸ್ಥಾನ್ ರಾಯಲ್ಸ್: ಅಜಿಂಕ್ಯ ರಹಾನೆ(ನಾಯಕ),ಸ್ಟಿವ್ ಸ್ಮಿತ್,ಬೆನ್ಸ್ಟೋಕ್ಸ್, ಜೋಫ್ರಾ ಆರ್ಚರ್, ಜೋಸ್ ಬಟ್ಲರ್,ಆಶ್ಟನ್ ಟರ್ನರ್, ಇಶ್ ಸೋಧಿ, ಓಸಾನೆ ಥಾಮಸ್,ಲೈಮ್ ಲಿವಿಂಗ್ಸ್ಟನ್,ಸಂಜು ಸ್ಯಾಮ್ಸನ್, ಶುಭಂ ರಂಜನ್, ಸ್ಟುವರ್ಟ್ ಬಿನ್ನಿ, ಶ್ರೇಯಸ್ ಗೋಪಾಲ್,ಜಯದೇವ್ ಉನಾದ್ಕಟ್,ಪ್ರಶಾಂತ್ ಚೊಪ್ರಾ,ಮಹಿಪಾಲ್ ಲಾಮ್ರೋರ್, ಆರ್ಯಮನ್ ಬಿರ್ಲಾ, ರಿಯಾಗ್ ಪರಾಗ್,ದವಳ್ ಕುಲಕರ್ಣಿ,ಕೃಷ್ಣಪ್ಪ ಗೌತಮ್,ವರುಣ್ ಆ್ಯರೋನ್, ಶಶಾಂಕ್ ಸಿಂಗ್,ಮನನ್ ವೊಹ್ರಾ,ರಾಹುಲ್ ತ್ರಿಪಾಠಿ.
ಕಿಂಗ್ಸ್ ಇಲೆವೆನ್ ಪಂಜಾಬ್:
ಆರ್. ಆಶ್ವಿನ್(ನಾಯಕ), ಮಯಾಂಕ್ ಅಗರ್ವಾಲ್ ,ಕೆ.ಎಲ್ ರಾಹುಲ್, ಕರುಣ್ ನಾಯರ್, ಮಂದೀಪ್ ಸಿಂಗ್,ಮುಜೀಬ್ ಉರ್ ರೆಹಮಾನ್,ಡೇವಿಡ್ ಮಿಲ್ಲರ್, ಸಾಮ್ ಕರ್ರನ್,ವರುಣ್ ಚಕ್ರವರ್ತಿ,ಕ್ರಿಸ್ ಗೇಲ್,ನಿಕೋಲಸ್ ಪೂರನ್,ಮೊಯಿಸಸ್ ಹೆನ್ರಿಕ್ಸ್,ಹಾರ್ಡಸ್ ವಿಲ್ಜೋನ್,ಸರ್ಫರಾಜ್ ಖಾನ್,ಮೊಹಮ್ಮದ್ ಶಮಿ,ಮುರುಗನ್ ಅಶ್ವಿನ್,ಆ್ಯಂಡ್ರ್ಯೂ ಟೈ,ಅರ್ಶದೀಪ್ ಸಿಂಗ್,ಅಂಕಿತ್ ರಜಪೂತ್, ದರ್ಶನ್ ನೀಲಕಂಡೆ, ಹರ್ಪ್ರೀಪತ್ ಬ್ರಾರ್
