ಮುಂಬೈ: ಭಾರತ ಕಂಡಂತಹ ಸ್ಫೋಟಕ ಬ್ಯಾಟ್ಸ್ಮನ್ ವಿರೇಂದ್ರ ಸೆಹ್ವಾಗ್ ತಮ್ಮ ಅತ್ಯುತ್ತಮ ಐಪಿಎಲ್ ತಂಡದಲ್ಲಿ ಭಾರತ ತಂಡದ ಪ್ರಮುಖರಾದ ರೋಹಿತ್, ಕೊಹ್ಲಿ ಹಾಗೂ ಧೋನಿಗೆ ಸ್ಥಾನ ನೀಡದೆ 11ರ ಬಳಗವನ್ನು ಪ್ರಕಟಿಸಿದ್ದಾರೆ.
12ನೇ ಆವೃತ್ತಿಯಲ್ಲಿ ಉತ್ತಮ ಪ್ರದರ್ಶನ ತೋರಿರುವ ಆಧಾರದ ಮೇಲೆ 11 ಸಧಸ್ಯರ ತಂಡವನ್ನು ಆಯ್ಕೆ ಮಾಡಿರುವ ವೀರೂ ಬೆಸ್ಟ್ ಫಿನಿಶರ್ ಧೋನಿ, ಆರ್ಸಿಬಿ ನಾಯಕ ಕೊಹ್ಲಿ, ಮುಂಬೈ ನಾಯಕ ರೋಹಿತ್ ಶರ್ಮಾರನ್ನು ತಮ್ಮ ತಂಡದಿಂದ ಕೈಬಿಟ್ಟಿದ್ದಾರೆ.
ಓಪನರ್ ಸ್ಥಾನಕ್ಕೆ ಧವನ್ ಹಾಗೂ ಬ್ಯಾರ್ಸ್ಟೋವ್, 3 ನೇಕ್ರಮಾಂಕಕ್ಕೆ ಕೆಎಲ್ ರಾಹುಲ್,4 ನೇಸ್ಥಾನಕ್ಕೆ ಡೇವಿಡ್ ವಾರ್ನರ್ ಮಧ್ಯಮಕ್ರಮಾಂಕದಲ್ಲಿ ಪಂತ್, ಹಾರ್ದಿಕ್ ಹಾಗೂ ರಸೆಲ್ರನ್ನು ಆಯ್ಕೆ ಮಾಡಿದ್ದಾರೆ. ಬೌಲರ್ಗಳ ವಿಭಾಗದಲ್ಲಿ ಜಸ್ಪ್ರೀತ್ ಬುಮ್ರಾ,ರಬಡಾ ಹಾಗೂ ಸ್ಪಿನ್ನರ್ ವಿಭಾಗದಲ್ಲಿ ಶ್ರೇಯಸ್ ಗೋಪಾಲ್,ರಾಹುಲ್ ಚಹಾರ್ರನ್ನು ಆಯ್ಕೆ ಮಾಡಿದ್ದಾರೆ. 12ನೇ ಆಟಗಾರನಾಗಿ ಇಮ್ರಾನ್ ತಾಹೀರ್ರನ್ನು ಆಯ್ಕೆ ಮಾಡಿದ್ದಾರೆ.
ಈ ತಂಡಕ್ಕೆ ನಾಯಕನನ್ನಾಗಿ ಡೇವಿಡ್ ವಾರ್ನರ್ರನ್ನು ಆಯ್ಕೆ ಮಾಡಿದ್ದಾರೆ. ಜೊತೆಗೆ ವಾರ್ನರ್ರನ್ನು ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ ಎಂದು ಪರಿಗಣಿಸಿ, ಯಶಸ್ವಿ ನಾಯಕರಾದ ರೋಹಿತ್ ಹಾಗೂ ಧೋನಿಯನ್ನು ತಂಡದಿಂದ ಕೈಬಿಟ್ಟಿದ್ದಾರೆ. ಇದರ ಜೊತೆಗೆ ರನ್ಮಿಷನ್ ಕೊಹ್ಲಿ,ಮಿ.360 ಎಬಿಡಿಯನ್ನು ಸಹಾ ವೀರೂ ತಮ್ಮ ತಂಡದಲ್ಲಿ ಪರಿಗಣಿಸಿಲ್ಲ.
ರೋಹಿತ್ ಹಾಗೂ ಕೊಹ್ಲಿ ಈ ಸೀಸನ್ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡದಿರುವುದರಿಂದ ಅವರನ್ನು ತಮ್ಮ ತಂಡದಿಂದ ಕೈಬಿಟ್ಟಿರುವುದ ಉತ್ತಮ ನಿರ್ಧಾರವಾಗಿರಬಹುದು, ಆದರೆ ಸಿಎಸ್ಕೆ ತಂಡದ ಬ್ಯಾಟ್ಸ್ಮನ್ಸ್ಗಳು ರನ್ಗಳಿಸಲು ಪರದಾಡಿದರು ಹಲವು ಪಂದ್ಯಗಳಲ್ಲಿ ಏಕಾಂಗಿಯಾಗಿ ಹೋರಾಡಿ ಫೈನಲ್ಗೆ ತಂದಿರುವ ಧೋನಿಯನ್ನು ಹಾಗೂ ಆರ್ಸಿಬಿ ಒಬ್ಬ ಆಟಗಾರನನ್ನು ಆಯ್ಕೆ ಮಾಡಿರುವುದನ್ನು ಕ್ರಿಕೆಟ್ ಅಭಿಮಾನಿಗಳು ಕಂಡಿಸಿದ್ದಾರೆ.
ಸೆಹ್ವಾಗ್ ಇಲೆವೆನ್:
ಶಿಖರ್ ಧವನ್, ಜಾನಿ ಬೈರ್‌ಸ್ಟೋವ್, ಕೆಎಲ್ ರಾಹುಲ್, ಡೇವಿಡ್ ವಾರ್ನರ್(ನಾಯಕ), ರಿಷಬ್ ಪಂತ್, ಆಂಡ್ರೆ ರಸೆಲ್, ಹಾರ್ದಿಕ್ ಪಾಂಡ್ಯ, ಶ್ರೇಯಸ್ ಅಯ್ಯರ್, ಕಗಿಸೋ ರಬಾಡ, ರಾಹುಲ್ ಚಹಾರ್ ಮತ್ತು ಜಸ್ಪ್ರೀತ್ ಬುಮ್ರಾ.
