ಲಂಡನ್: ಆಸ್ಟ್ರೇಲಿಯಾ ವಿರುದ್ಧ ಭರ್ಜರಿ ಶತಕ ಸಿಡಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಶಿಖರ್ ಧವನ್ ಹೆಬ್ಬೆರಳು ಮುರಿತಕ್ಕೆ ಒಳಗಾಗಿರುವುದರಿಂದ ಆರಂಭಿಕನಾಗಿ ಕೆ.ಎಲ್.ರಾಹುಲ್ರನ್ನು, 4ನೇ ಸ್ಥಾನಕ್ಕೆ ದಿನೇಶ್ ಕಾರ್ತಿಕ್ರನ್ನು ಕಣಕ್ಕಿಳಿಸಿ ಎಂದು ಮಾಜಿ ಕ್ರಿಕೆಟಿಗ ಕಿರಣ್ ಮೋರೆ ಸಲಹೆ ನೀಡಿದ್ದಾರೆ.
ಧವನ್ ಗಾಯಗೊಂಡಿರುವುದು ಭಾರತ ತಂಡದಕ್ಕೆ ದೊಡ್ಡ ಹೊಡೆತವಾಗಿದೆ. ಆದರೆ ಭಯಪಡುವ ಅಗತ್ಯವಿಲ್ಲ. ಏಕೆಂದರೆ ತಂಡದಲ್ಲಿ ಫಿಟ್ ಇರುವ ಆಟಗಾರರು ಬ್ಯಾಕ್ ಇರುವುದರಿಂದ ಅವರನ್ನು 11ರ ಬಳಗದಲ್ಲಿ ಆಡಿಸಬಹುದು ಎಂದಿರುವ ಮಾಜಿ ವಿಕೆಟ್ ಕೀಪರ್ ಮೋರೆ, ಧವನ್ ಸ್ಥಾನಕ್ಕೆ ರಾಹುಲ್ ಹೆಸರು ಸೂಚಿಸಿದ್ದಾರೆ.
