ಹೈದರಾಬಾದ್: ಮಿಲಿಯನ್ ಡಾಲರ್ ಟೂರ್ನಿ ಐಪಿಎಲ್ಗೆ ತೆರೆಬಿದ್ದಿದೆ. ಕ್ರಿಕೆಟ್ ಅಭಿಮಾನಿಗಳು ಮಾತ್ರ ಫೈನಲ್ ಪಂದ್ಯದ ಗುಂಗಿನಿಂದ ಇನ್ನೂ ಹೊರಬಂದಿಲ್ಲ. ಐಪಿಎಲ್ ವೀಕ್ಷಣೆಗಾಗಿ ಲಕ್ಷಾಂತರ ಮಂದಿ ನೆಚ್ಚಿಕೊಂಡಿದ್ದ ಹಾಟ್ಸ್ಟಾರ್ ಇದೇ ಪಂದ್ಯದ ವೇಳೆ ದಾಖಲೆ ಬರೆದಿದೆ.
ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಮುಂಬೈ ಇಂಡಿಯನ್ಸ್ ನಡುವಿನ ಫೈನಲ್ ಪಂದ್ಯವನ್ನು 1 ಕೋಟಿ 80 ಲಕ್ಷ ಮಂದಿ ಏಕಕಾಲಕ್ಕೆ ಕಣ್ತುಂಬಿಕೊಂಡಿದ್ದಾರೆ ಎಂದು ಹಾಟ್ಸ್ಟಾರ್ ಅಧಿಕೃತವಾಗಿ ಪ್ರಕಟಿಸಿದೆ. ಪ್ರಸಕ್ತ ಐಪಿಎಲ್ ಟೂರ್ನಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಮುಂಬೈ ಇಂಡಿಯನ್ಸ್ ನಡುವಿನ ಪಂದ್ಯವನ್ನು 1 ಕೋಟಿಯ 2 7 ಲಕ್ಷ ಮಂದಿ ಏಕಕಾಲಕ್ಕೆ ವೀಕ್ಷಣೆ ಮಾಡಿದ್ದರು. ಫೈನಲ್ ಪಂದ್ಯದ ವೇಳೆ ಈ ದಾಖಲೆ ಮೂಲೆ ಸೇರಿದೆ.
ಹೆಚ್ಚಿನ ಓದಿಗಾಗಿ:
ಬಿಡ್ಡಿಂಗ್ನಲ್ಲಿ ಜೇಬಿಗಿಳಿಸಿದ್ದು ಕೋಟಿ ಕೋಟಿ ಹಣ... ಟೂರ್ನಿಯಲ್ಲಿ ಮಾತ್ರ ಫ್ಲಾಪ್ ಶೋ...!
ಕಳೆದ ವರ್ಷದ ಐಪಿಎಲ್ಗೆ ಹೋಲಿಕೆ ಮಾಡಿದಲ್ಲಿ ಹಾಟ್ಸ್ಟಾರ್ನಲ್ಲಿ ಈ ಬಾರಿ ವೀಕ್ಷಕರ ಸಂಖ್ಯೆ ಗಣನೀಯ ಏರಿಕೆಯಾಗಿದೆ. 30 ಕೋಟಿ ವೀಕ್ಷಕರು ಹಾಟ್ಸ್ಟಾರ್ನಲ್ಲಿ ಭಾರತದ ಜನಪ್ರಿಯ ಕ್ರಿಕೆಟ್ ಲೀಗ್ ವೀಕ್ಷಣೆ ಮಾಡಿದ್ದಾರೆ. ಇದು ಕಳೆದ ವರ್ಷಕ್ಕಿಂತ ದುಪ್ಪಟ್ಟು ಎಂದು ಅಂಕಿ-ಅಂಶ ಹೇಳಿದೆ.
ನೆಟ್ಫ್ಲಿಕ್ಸ್, ಅಮೇಜಾನ್ ಪ್ರೈಮ್ ವಿಡಿಯೋ, ಯುಟ್ಯೂಬ್ ಪ್ರೀಮಿಯಂ, ಸೋನಿ ಲೈವ್, ಝೀ 5, ವೂಟ್ಗಳಂತಹ ಸ್ಟ್ರೀಮಿಂಗ್ ಆ್ಯಪ್ಗಳಿಂದ ಹಾಟ್ಸ್ಟಾರ್ ತೀವ್ರ ಪೈಪೋಟಿ ಎದುರಿಸುತ್ತಿದೆ. ಐಪಿಎಲ್ನಿಂದ ವೀಕ್ಷಕರ ಸಂಖ್ಯೆ ಹೆಚ್ಚಳವಾಗಿದ್ದು ಕೊಂಚ ನೆಮ್ಮದಿ ನೀಡಿದೆ. ಇದೇ ತಿಂಗಳಾಂತ್ಯದಿಂದ ಆರಂಭವಾಗುವ ಐಸಿಸಿ ವಿಶ್ವಕಪ್ ಸಹ ಹಾಟ್ಸ್ಟಾರ್ನಲ್ಲಿ ವೀಕ್ಷಿಸಬಹುದು.
