ಮೆಕ್ಸಿಕೋ: ಮಿನಟಿಟ್ಲನ್ ನಗರದ ಬಾರ್ ಒಂದರಲ್ಲಿ ಅನಾಮಧೇಯ ವ್ಯಕ್ತಿ ಗುಂಡಿನ ದಾಳಿ ನಡೆಸಿದ್ದು ಘಟನೆಯಲ್ಲಿ 13 ಮಂದಿ ಸಾವನ್ನಪ್ಪಿದ್ದಾರೆ.
ಶುಕ್ರವಾರ ತಡರಾತ್ರಿ ಬಾರ್ಗೆ ನುಗ್ಗಿದ ವ್ಯಕ್ತಿ ಏಕಾಏಕಿ ಗುಂಡಿನ ಮಳೆಗರೆದಿದ್ದಾನೆ. ಒಂದು ಮಗು, ಏಳು ಪುರುಷರು, ಐದು ಮಂದಿ ಮಹಿಳೆಯರು ಸೇರಿದಂತೆ ಒಟ್ಟು 13 ಮಂದಿ ಪ್ರಾಣ ತೆತ್ತಿದ್ದಾರೆ.
ಈ ದಾಳಿಗೆ ನಿಖರ ಕಾರಣ ಇನ್ನೂ ತಿಳಿದು ಬಂದಿಲ್ಲ. ಆಂಡ್ರೆಸ್ ಮ್ಯಾನ್ಯುಲ್ ಲೋಪೆಜ್ ಒಬ್ರಡಾರ್ ಅಧ್ಯಕ್ಷ ಗಾದಿಗೇರಿದ ಬಳಿಕ ನಡೆದ ಅತ್ಯಂತ ದೊಡ್ಡ ಮಟ್ಟದ ಗುಂಡಿನ ದಾಳಿ ಇದು ಎಂದು ಹೇಳಲಾಗಿದೆ.
ಭಾನುವಾರ ಗುಂಡಿನ ದಾಳಿ ನಡೆದ ಪ್ರದೇಶಕ್ಕೆ ಅಧ್ಯಕ್ಷರ ಭೇಟಿ ನಿಗದಿಯಾಗಿತ್ತು ಎನ್ನಲಾಗಿದೆ.
