ಕೊಚ್ಚಿ: ಕ್ರಿಕೆಟ್ ಜಗತ್ತಿನಲ್ಲಿ ಪ್ರತಿದಿನ ಒಂದಿಲ್ಲೊಂದು ವಿಚಿತ್ರ ರೆಕಾರ್ಡ್ ದಾಖಲಾಗ್ತಾನೆ ಇರುತ್ತವೆ. ಸದ್ಯ ದೇಶಿಯ ಕ್ರಿಕೆಟ್ನಲ್ಲಿ ಅಂತಹದೊಂದು ಅಪರೂಪದ ಘಟನೆ ನಡೆದಿದ್ದು, ಕ್ರಿಕೆಟ್ ಜಗತ್ತಿನಲ್ಲೇ ಅತ್ಯಂತ ಕಳಪೆ ರೆಕಾರ್ಡ್ ಎಂಬ ದಾಖಲೆಗೆ ಭಾಜನವಾಗಿದೆ.
ಕೇರಳದ ದೇಶಿ ಕ್ರಿಕೆಟ್ನಲ್ಲಿ ಈ ಘಟನೆ ನಡೆದಿದೆ. ಕಾಸರಗೋಡಿನ ಅಂಡರ್-19 ತಂಡ ವಯನಾಡು ತಂಡದ ವಿರುದ್ಧ ಕೇವಲ 4ರನ್ಗಳಿಗೆ ಆಲೌಟ್ ಆಗಿದೆ. ವಿಶೇಷವೆಂದರೆ ತಂಡದ ಎಲ್ಲ ಬ್ಯಾಟ್ಸ್ಮನ್ಗಳು ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿರುವುದು ಗಮನಾರ್ಹ. ಈ ಪಂದ್ಯದಲ್ಲಿ ವಯನಾಡು ತಂಡದ ಬೌಲರ್ಸ್ 4ರನ್ ಎಕ್ಸಟ್ರಾ ರೂಪದಲ್ಲಿ ನೀಡಿದ್ದಾರೆ.
30 ಓವರ್ಗಳ ಪಂದ್ಯವಾಗಿದ್ದ ಈ ಟೂರ್ನಿಯಲ್ಲಿ ಮೊದಲು ಬ್ಯಾಟ್ ಮಾಡಿದ ಕಾಸರಗೋಡು ಆರಂಭದಲ್ಲಿದಲೇ ವಿಕೆಟ್ ಕಳೆದುಕೊಳ್ಳುತ್ತಾ ಹೊಯ್ತು.ಎದುರಾಳಿ ತಂಡದ ಬೌಲರ್ ವಿ.ಜೆ. ಜೋಶಿಥಾ ಹ್ಯಾಟ್ರಿಕ್ ವಿಕೆಟ್ ಸಾಧನೆ ಮಾಡಿದರು.
ಇನ್ನು 5ರನ್ಗಳ ಗೆಲುವಿನ ಗುರಿ ಪಡೆದ ವಯನಾಡು ತಂಡ ಮೊದಲ ಓವರ್ನಲ್ಲೇ ಯಾವುದೇ ವಿಕೆಟ್ ಕಳೆದುಕೊಳ್ಳದೇ ರನ್ಗಳಿಕೆ ಮಾಡಿ ಗೆಲುವಿನ ನಗೆ ಬೀರಿದೆ.
