ಮತ್ತೆ ನಮೋ ಬಂದ್ಮೇಲೆ ರಾಗ ಬದಲಿಸಿತು ಟೈಮ್​ ಮ್ಯಾಗಜಿನ್​​.. ಮೋದಿ ಸಾಧನೆಗೆ ಬಹುಪರಾಕ್, ಬಹುಪರಾಕ್!

ಲೋಸಕಭಾ ಚುನಾವಣೆಯ ವೇಳೆ ಟೈಮ್​ ಮ್ಯಾಗಜಿನ್ ಮುಖಪುಟದಲ್ಲಿ ಮೋದಿ ಚಿತ್ರವನ್ನು ಪ್ರಕಟಿಸಿ 'ಇಂಡಿಯಾಸ್ ಡಿವೈಡರ್ ಇನ್ ಚೀಫ್'​(ಭಾರತದ ಮುಖ್ಯ ವಿಭಜಕ) ಎನ್ನುವ ತಲೆಬರಹ ನೀಡಿತ್ತು. ಇದು ವಿಶ್ವಮಟ್ಟದಲ್ಲಿ ಒಂದಷ್ಟು ವಿವಾದಕ್ಕೂ ಕಾರಣವಾಗಿತ್ತು.

ನ್ಯೂಯಾರ್ಕ್​: ನರೇಂದ್ರ ಮೋದಿಯನ್ನು ಡಿವೈಡರ್ ಇನ್​ ಚೀಫ್​ ಎಂದು ಕರೆದಿದ್ದ ಅಮೆರಿಕದ ನಿಯತಕಾಲಿಕೆ ಟೈಮ್​​ ಮ್ಯಾಗಜಿನ್​​ ಇದೀಗ ಮೋದಿ ಭರ್ಜರಿ ಗೆಲುವಿನ ಬಳಿಕ ತನ್ನ ವರಸೆ ಬದಲಾಯಿಸಿದೆ.

ಮೇ 23ರಂದು ಹೊರಬಿದ್ದ ಜನಾದೇಶದಲ್ಲಿ ಎನ್​​ಡಿಎ ಮೈತ್ರಿಕೂಟ ಸರಳ ಬಹುಮತದೊಂದಿಗೆ ಮತ್ತೆ ಅಧಿಕಾರದ ಚುಕ್ಕಾಣಿ ಹಿಡಿದಿದೆ. ಕಳೆದೊಂದು ದಶಕದಲ್ಲಿ ಯಾವುದೇ ಪ್ರಧಾನಿಯಿಂದಲೂ ಸಾಧ್ಯವಾಗದ ಕೆಲಸವನ್ನು ಮೋದಿ ಮಾಡಿದ್ದಾರೆ ಎಂದು ಟೈಮ್ ಮ್ಯಾಗಜಿನ್ ಹೊಗಳಿಕೆಯ ಮಾತುಗಳನ್ನಾಡಿದೆ.

ಲೋಸಕಭಾ ಚುನಾವಣೆಯ ವೇಳೆ ಟೈಮ್​ ಮ್ಯಾಗಜಿನ್ ಮುಖಪುಟದಲ್ಲಿ ಮೋದಿ ಚಿತ್ರವನ್ನು ಪ್ರಕಟಿಸಿ 'ಇಂಡಿಯಾಸ್ ಡಿವೈಡರ್ ಇನ್ ಚೀಫ್'​(ಭಾರತದ ಮುಖ್ಯ ವಿಭಜಕ) ಎನ್ನುವ ತಲೆಬರಹ ನೀಡಿತ್ತು. ಇದು ವಿಶ್ವಮಟ್ಟದಲ್ಲಿ ಒಂದಷ್ಟು ವಿವಾದಕ್ಕೂ ಕಾರಣವಾಗಿತ್ತು.

ಲೇಖನ​ವನ್ನು ಅತೀಶ್​ ತಸೀರ್​ ಬರೆದಿದ್ದು, ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಬಿಜೆಪಿ ಉದ್ದೇಶಪೂರ್ವಕವಾಗಿ ದೇಶದಲ್ಲಿ ಹಿಂದೂ ಮತ್ತು ಮುಸ್ಲಿಮರನ್ನ ವಿಭಜನೆ ಮಾಡುತ್ತಿದೆ ಎಂದಿದ್ದರು. ಇದರ ಜೊತೆಗೆ ಅತಿದೊಡ್ಡ ಪ್ರಜಾಪ್ರಭುತ್ವ ರಾಷ್ಟ್ರವಾಗಿರುವ ಭಾರತ ಮುಂದಿನ ಐದು ವರ್ಷಗಳ ಕಾಲ ಮೋದಿ ಸರ್ಕಾರದ ಆಡಳಿತವನ್ನ ತಡೆದುಕೊಳ್ಳಲಿದೆಯೇ ಎಂಬ ಪ್ರಶ್ನೆಯನ್ನೂ ಮಾಡಿದ್ದರು.