ಖೈರತಾಬಾದ್( ಹೈದರಾಬಾದ್) : ಫ್ಯಾನ್ಸಿ ನಂಬರ್... ಹೊಸ ವಾಹನ ಖರೀದಿಸಿದ ಮೇಲೆ ಜನ ಆರ್ಟಿಒ ಕಚೇರಿಯಲ್ಲಿ ವಾಹನ ನೋಂದಣಿ ಮಾಡಿಸಲೇಬೇಕು. ಹೌದು ಹೊಸ ವಾಹನ ಖರೀದಿ ಮಾಡಿದ ಮೇಲೆ ನೆಚ್ಚಿನ ವಾಹನಕ್ಕೆ ಅದೃಷ್ಟದ ನಂಬರ್ಗಾಗಿ ಗ್ರಾಹಕರು ಮುಗಿ ಬೀಳ್ತಾರೆ.
ಪ್ಯಾನ್ಸಿ ನಂಬರ್ ಹಂಚಿಕೆ ಮಾಡಿ ಹೈದರಾಬಾದ್ನ ಖೈರತಾಬಾದ್ನ ಕೇಂದ್ರ ವಲಯ ಕಚೇರಿ ಒಂದೇ ದಿನ ಬರೋಬ್ಬರಿ 30 ಲಕ್ಷದ 55 ಸಾವಿರದ 748 ರೂಪಾಯಿ ಆದಾಯ ಗಳಿಸಿದೆ. TS09FE 9999 ನಂಬರ್ಗೆ ಬರೋಬ್ಬರಿ 10 ಲಕ್ಷ ನೀಡಿ ಸಂಸ್ಥೆಯೊಂದು ಈ ನಂಬರ್ ರಿಜಿಸ್ಟ್ರೇಷನ್ ಮಾಡಿಸಿಕೊಂಡಿದೆ.
ಎಸ್ಎಸ್ಎಲ್ ಪ್ರಾಪರ್ಟಿಸ್ ಸಂಸ್ಥೆ ಇಷ್ಟು ಮೊತ್ತದ ಹಣ ನೀಡಿ ಈ ನಂಬರ್ ಪಡೆದುಕೊಂಡಿದೆ. ಇನ್ನು ಹಳೆ ಸರಣಿ ಮುಗಿಸಿ ಹೊಸ ಸರಣಿಯಾದ TS09FF -1 ನಂಬರ್ ಆರಂಭವಾಗಿದ್ದು, ಈ ಸಂಖ್ಯೆಯನ್ನ ಎಫ್ಆರ್ಆರ್ ಹಿಲ್ ಹೋಟೆಲ್ಸ್ ನವರು ಸುಮಾರು 6.95 ಲಕ್ಷ ರೂ. ನೀಡಿ ರಿಜಿಸ್ಟ್ರೇಷನ್ ಮಾಡಿಸಿಕೊಂಡಿದ್ದಾರೆ.ಇನ್ನು 99 ನೇ ನಂಬರ್ ಎಮರ್ಜಿನ್ ಅಗ್ರಿನೋವ್ ಸಂಸ್ಥೆ 2.78 ಲಕ್ಷ ರೂ ತೆತ್ತು ಪಡೆಯುವಲ್ಲಿ ಯಶಸ್ವಿಯಾಗಿದೆ.
0001 ಕ್ಕಾಗಿ ಹೊಡೆದಾಟ
ಈ ನಡುವೆ 0001 ನಂಬರ್ಗಾಗಿ ಭಾರಿ ಪೈಪೋಟಿ ಏರ್ಪಟ್ಟಿತ್ತು. ಈ ನಂಬರ್ ಪಡೆಯಲು ನಡೆದ ತಿಕ್ಕಾಟದಲ್ಲಿ ವ್ಯಕ್ತಿಯೊಬ್ಬ ಇನ್ನೊಬ್ಬ ವ್ಯಕ್ತಿಯ ಮೇಲೆ ಕೈ ಮಾಡಿದ ಘಟನೆಯೂ ನಡೆದಿದೆ.
