ಲಂಡನ್: ಕ್ರಿಕೆಟ್ ಅಭಿಮಾನಿಗಳಿಂದ ಯುನಿವರ್ಸಲ್ ಬಾಸ್ ಎಂದೇ ಕರೆಸಿಕೊಳ್ಳುವ ವೆಸ್ಟ್ ಇಂಡೀಸ್ನ ದೈತ್ಯ ಬ್ಯಾಟ್ಸ್ಮನ್ ಕ್ರಿಸ್ ಗೇಲ್ ಬ್ಯಾಟ್ ಬಿಟ್ಟು ಕ್ಯಾಮರಾ ಹಿಡಿದಿದ್ದಾರೆ.
ಅರೇ..! ವಿಶ್ವಕಪ್ ಟೂರ್ನಿಯ ಮಧ್ಯದಲ್ಲಿ ಗೇಲ್ಗೆ ಏನಾಯ್ತು ಅಂತ ಅಚ್ಚರಿಪಡಬೇಡಿ. ಅಸಲಿಗೆ ಗೇಲ್ ಸದಾ ಕೂಲ್ ಕೂಲ್, ಉತ್ತಮ ಹಾಸ್ಯಪ್ರಜ್ಞೆ ಇರುವ ಕ್ರಿಕೆಟರ್. ವಿಶ್ವಕಪ್ ಪ್ರಾಕ್ಟೀಸ್ ನಡುವೆ ಕ್ಯಾಮರಾ ಹಿಡಿದು ಹೊಸತನ್ನು ಕಲಿಯುವ ಪ್ರಯತ್ನ ಮಾಡಿದ್ದಾರೆ.
ಡಿವಿಲಿಯರ್ಸ್ ವಿಶ್ವಕಪ್ ಮಿಸ್ ಮಾಡಿಕೊಂಡಿದ್ದು ಯಾಕೆ... ಆಪ್ತ ಸ್ನೇಹಿತ ಪ್ಲೆಸಿಸ್ ಕೊಟ್ಟ ಕಾರಣವೇನು? ...
ಗೇಲ್, ಭುಜದ ಮೇಲೆ ಸಾಕಷ್ಟು ತೂಕವಿರುವ ಕ್ಯಾಮರ ಇಟ್ಟು ವಿಡಿಯೋ ಮಾಡಿದ್ದಾರೆ. ಇದೇ ವೇಳೆ ಬ್ಯಾಟಿಂಗ್ ಹಾಗೂ ವಿಡಿಯೋದಲ್ಲಿ ಯಾವುದು ಸುಲಭ ಎಂದಿದ್ದಕ್ಕೆ ಬ್ಯಾಟಿಂಗ್ ಎಂದು ಗೇಲ್ ನಗುತ್ತಾ ಹೇಳಿದ್ದಾರೆ.
- " class="align-text-top noRightClick twitterSection" data="">
ಕೆಲ ಹೊತ್ತು ವಿಡಿಯೋ ಮಾಡಿದ ಗೇಲ್ ಕೈ ನೋವಾಗುತ್ತಿದೆ ಎಂದು ಕ್ಯಾಮರಾವನ್ನು ಮತ್ತೆ ವಿಡಿಯೋಗ್ರಾಫರ್ಗೆ ಹಸ್ತಾಂತರ ಮಾಡಿದ್ದಾರೆ. ಈ ಎಲ್ಲ ದೃಶ್ಯಗಳನ್ನು ಐಸಿಸಿ ತನ್ನ ಅಧಿಕೃತ ಯೂಟ್ಯೂಬ್ ಚಾನೆಲ್ನಲ್ಲಿ ಪೋಸ್ಟ್ ಮಾಡಿದೆ.
ಸೋಮವಾರ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯ ಮಳೆಯಿಂದ ರದ್ದಾಗಿತ್ತು. ವೆಸ್ಟ್ ಇಂಡೀಸ್ ಜೂನ್ 14ರಂದು ನಡೆಯುವ ಮುಂದಿನ ಪಂದ್ಯದಲ್ಲಿ ಬಲಿಷ್ಠ ಇಂಗ್ಲೆಂಡ್ ತಂಡವನ್ನು ಎದುರಿಸಲಿದೆ.
