ನವದೆಹಲಿ: ಇಶಾಂತ್ ಶರ್ಮಾ ಹಾಗೂ ಚೇತೇಶ್ವರ್ ಪೂಜಾರ ಐಪಿಎಲ್ನಲ್ಲಿ ಆಡಲು ಅರ್ಹ ಆಟಗಾರರು ಅವರಿಂದ ಉತ್ತಮ ಪ್ರದರ್ಶನವನ್ನು ನಿರೀಕ್ಷಿಸಬಹುದು ಎಂದು ಭಾರತ ಕಂಡಂತಹ ಶ್ರೇಷ್ಠ ಸ್ಪಿನ್ನರ್ ಅನಿಲ್ ಕುಂಬ್ಳೆ ಅಭಿಪ್ರಾಯ ಪಟ್ಟಿದ್ದಾರೆ.
ಇಶಾಂತ್ ಶರ್ಮಾ, ಚೇತೇಶ್ವರ್ ಪೂಜಾರ ಭಾರತ ಟೆಸ್ಟ್ ತಂಡದಲ್ಲಿ ಉತ್ತಮ ಪ್ರದರ್ಶನ ತೋರಿದ್ದಾರೆ. ಅವರಿಗೂ ಚುಟುಕು ಕ್ರಿಕೆಟ್ನಲ್ಲೂ ಅವಕಾಶ ನೀಡಬೇಕು. ಇಶಾಂತ್ಗೆ ಅವಕಾಶ ಸಿಕ್ಕಿದ್ದು, ಅವರು ತಮ್ಮ ಆಯ್ಕೆಯನ್ನು ಪ್ರದರ್ಶನದ ಮೂಲಕ ತೋರಿಸಿಕೊಟ್ಟಿದ್ದಾರೆ. ಹಾಗೆಯೇ ಚೇತೇಶ್ವರ್ ಪೂಜಾರಗೂ ಕೂಡ ಅವಕಾಶ ನೀಡಬೇಕೆಂದು ಕುಂಬ್ಳೆ ಹೇಳಿದ್ದಾರೆ.
ಇಶಾಂತ್ರನ್ನು ಡೆಲ್ಲಿ ಕ್ಯಾಪಿಟಲ್ ಒಂದು ಕೋಟಿ ನೀಡಿ ಖರೀದಿಸಿತ್ತು. ತಮ್ಮ ಮೊದಲ ಪಂದ್ಯದಲ್ಲೇ ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ಶರ್ಮಾ, ಹಾಗೂ ಡಿ ಕಾಕ್ ವಿಕೆಟ್ ಹಾಗೂ ಚೆನ್ನೈ ವಿರುದ್ಧ ರಾಯುಡು ವಿಕೆಟ್ ಪಡೆದು ಮಿಂಚಿದ್ದರು.
ಇಶಾಂತ್ಗೆ ನೀಡಿದ ಹಾಗೇಯೇ ಪೂಜಾರಗೂ ಒಂದು ಅವಕಾಶ ನೀಡಿ ಎಂದಿರುವ ಕುಂಬ್ಳೆ ಯುವ ಆಟಗಾರರಾದ ಪೃಥ್ವಿ ಶಾ, ಪಂತ್ ಅವರ ಬಗ್ಗೆಯೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
