ಚನ್ನರಾಯಪಟ್ಟಣ: ಕ್ವಾರಂಟೈನ್​ ಕೇಂದ್ರವಾಗಿದ್ದ ಹೋಟೆಲ್​​​ ಸೀಲ್ ಡೌನ್

ಮುಂಬೈನಿಂದ ಬಂದು ನಗರದ ನಂದಗೋಕುಲ ಹೋಟೆಲ್​​ನಲ್ಲಿ ನಿಗಾದಲ್ಲಿದ್ದ ಜನರು ಕ್ವಾರಂಟೈನ್ ಮುಗಿಸಿ ಊರಿಗೆ ಮರಳಿದ್ದಾರೆ. ಸದ್ಯ ಸ್ವಚ್ಛತಾ ಕಾರ್ಯಕ್ಕಾಗಿ ಹೋಟೆಲ್ ಸೀಲ್ ಡೌನ್ ಮಾಡಲಾಗಿದೆ.

ಚನ್ನರಾಯಪಟ್ಟಣ: ನಗರದ ನಂದಗೋಕುಲ ಹೋಟೆಲ್​​ನಲ್ಲಿ ಕ್ವಾರಂಟೈನ್ ಮಾಡಲಾಗಿದ್ದ ಎಲ್ಲಾ ಜನರು ಊರಿಗೆ ಮರಳಿದ್ದು, ಸದ್ಯ ಹೋಟೆಲ್ ಸೀಲ್ ಡೌನ್ ಮಾಡಲಾಗಿದೆ.

ಮುಂಬೈನಿಂದ ಬಂದ ಜನರಲ್ಲಿ ಚನ್ನರಾಯಪಟ್ಟಣದ ನಂದಗೋಕುಲ ಹೋಟೆಲ್​​ನಲ್ಲಿ 28 ಜನರನ್ನು ಕ್ವಾರಂಟೈನ್​​ನಲ್ಲಿ ಇಡಲಾಗಿತ್ತು. ಅದರಲ್ಲಿ ಒಂದು ಪ್ರಕರಣ ಕೊರೊನಾ ಪಾಸಿಟಿವ್ ಬಂದಿತ್ತು. ಹೀಗಾಗಿ ಉಳಿದಂತಹ 27 ಜನರು ಕ್ವಾರಂಟೈನ್ ಮುಗಿಸಿ ತಮ್ಮ ಊರುಗಳಿಗೆ ಮರಳಿದ್ದಾರೆ.

ಹಾಗಾಗಿ ಹೋಟೆಲ್ ಸಂಪೂರ್ಣ ಖಾಲಿಯಾಗಿದ್ದು, ತಾಲೂಕು ಆಡಳಿತ ಹೋಟೆಲ್ ಸೀಲ್ ಡೋನ್ ಮಾಡಿ ಸ್ವಚ್ಛತಾ ಕಾರ್ಯಕ್ಕೆ ಮುಂದಾಗಿದೆ. ಮುಂದಿನ ದಿನಗಳಲ್ಲಿ ಬರುವಂತಹ ಜನರು ಭಯ ಪಡದೆ ಹೋಟೆಲ್​​ನಲ್ಲಿ ಉಳಿದುಕೊಳ್ಳಬಹುದು. ಅದಕ್ಕಾಗಿ ಒಂದು ವಾರಗಳ ಕಾಲ ಹೋಟೆಲ್​ ಸೀಲ್ ಡೌನ್ ಮಾಡಲಾಗಿದೆ.