ಬ್ರಿಸ್ಟೋಲ್: ಐಸಿಸಿ ವಿಶ್ವಕಪ್ನ ಅಭ್ಯಾಸ ಪಂದ್ಯಗಳು ಇಂದಿನಿಂದ ಆರಂಭಗೊಂಡಿದ್ದು, ಮೊದಲ ಪಂದ್ಯದಲ್ಲಿ ಕ್ರಿಕೆಟ್ ಶಿಶು ಮಾಜಿ ವಿಶ್ವ ಚಾಂಪಿಯನ್ ಪಾಕಿಸ್ತಾನಕ್ಕೆ ಟಾಂಗ್ ನೀಡಿದೆ.
ಲಂಡನ್ನ ಬ್ರಿಸ್ಟೋಲ್ನಲ್ಲಿ ನಡೆದ ಅಭ್ಯಾಸ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಪಾಕಿಸ್ತಾನ ತಂಡ ಬಾಬರ್ ಅಜಂ(112)ರನ್ಗಳ ನೆರವಿನಿಂದ 47.5 ಓವರ್ಗಳಲ್ಲಿ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡು 262 ರನ್ಗಳಿಕೆ ಮಾಡಿತ್ತು. ಶೋಯೆಬ್ ಮಲಿಕ್ 44 ಹಾಗೂ ಇಮಾಮ್ ಹಕ್ 32 ರನ್ ಗಳಿಕೆ ಮಾಡಿದರು.
ಸ್ಕೋರ್‌ ಬೆನ್ನತ್ತಿದ್ದ ಕ್ರಿಕೆಟ್ ಶಿಶು ಆಫ್ಘಾನ್ ತಂಡ 49.4 ಓವರ್ಗಳಲ್ಲಿ 7 ವಿಕೆಟ್ನಷ್ಟಕ್ಕೆ 263 ರನ್ ಗಳಿಸಿ3 ವಿಕೆಟ್‌ಗಳ ಗೆಲುವಿನ ನಗೆ ಬೀರಿದೆ. ಉತ್ತಮ ಆರಂಭ ಪಡೆದ ತಂಡ ಕೊನೆಯದಾಗಿ ಮೇಲಿಂದ ಮೇಲೆ ವಿಕೆಟ್ ಕಳೆದುಕೊಂಡರೂ ಹಸಮತುಲ್ಲಾ ಅಜೇಯ (74) ರನ್ಗಳ ನೆರವಿನಿಂದ ಗೆಲುವಿನ ದಡ ಸೇರಿತು.
ಇವರಿಗೆ ಹಝರತುಲ್ಲಾ(49), ಮೊಹಮ್ಮದ್ ನಬಿ(34) ಉತ್ತಮ ಸಾಥ್ ನೀಡಿದರು. ಬೌಲಿಂಗ್ ವಿಭಾಗದಲ್ಲಿ ಬಲಿಷ್ಠವಾಗಿದ್ದ ಪಾಕ್ ತಂಡ ಕ್ರಿಕೆಟ್ ಶಿಶುಗಳನ್ನ ಕಟ್ಟಿ ಹಾಕುವಲ್ಲಿ ವಿಫಲವಾಗಿದ್ದು ಮಾತ್ರ ವಿಪರ್ಯಾಸವೇ ಸರಿ. ಪಾಕ್ ಪರ ವಹಾಬ್ ರಿಯಾಜ್ ಮೂರು ವಿಕೆಟ್ ಪಡೆದರು. ಆಫ್ಘಾನಿಸ್ತಾನದ ಮೊಹಮ್ಮದ್ ನಬಿ ಕೂಡ ಮೂರು ವಿಕೆಟ್ ಪಡೆದುಕೊಂಡರು.
