ಡಿಟೇಲ್ಸ್ಗೆ ಬರೋದಾದ್ರೆ...
ತೆಲಂಗಾಣದ ಖಮ್ಮಮ್ ಜಿಲ್ಲೆಯ ಜಾಲೂರುವಾಡ್ಗೆ ಸೇರಿದ ಷೇಕ್ ಹಮೀದಾ ಜೊತೆ ಅಬ್ದುಲ್ಲಾ (27) ಏಳು ವರ್ಷಗಳ ಹಿಂದೆ ಮದುವೆ ಆಗಿದ್ದ. ಈ ದಂಪತಿಗೆ ಇಬ್ಬರು ಹೆಣ್ಣು ಮಕ್ಕಳು. ಅಬ್ಬುಲ್ಲಾ ಜೀವನಕ್ಕಾಗಿ ಎಲಕ್ಟ್ರಿಷಿಯನ್ ಕೆಲಸ ಮಾಡುತ್ತಿದ್ದ. ಇಲ್ಲಿನ ಪರಿಷತ್ ಕಾರ್ಯಾಲಯ ಬಳಿ ಇವರ ಮನೆ. ಇದೇ ನಗರದ ನಿವಾಸಿ ಷೇಕ್ ಅಕ್ಬರ್ (21) ಜೊತೆ ಹಮೀದಾ ಪರಿಚಯವಾಗಿ ಲವ್ನಲ್ಲಿ ಬಿದ್ದಿದ್ದಳು. ಬಳಿಕ ಇವರಿಬ್ಬರ ನಡುವೆ ವಿವಾಹೇತರ ಸಂಬಂಧ ಮುಂದುವರಿದಿತ್ತು. ಇದು ಗಂಡ ಅಬ್ದುಲ್ಲಾಗೆ ತಿಳಿದಿತ್ತು. ಈ ಬಗ್ಗೆ ಹೆಂಡ್ತಿಗೂ ಮತ್ತು ಅಕ್ಬರ್ಗೂ ಎಚ್ಚರಿಸಿದ್ದರೂ ಪ್ರಯೋಜವಾಗಿರಲಿಲ್ಲ.
ಇಬ್ಬರ ವಿವಾಹೇತರ ಸಂಬಂಧ ಪಂಚಾಯ್ತಿ ಮೆಟ್ಟಿಲೇರಿತ್ತು. ಆದ್ರೂ ಸಹ ಉಪಯೋಗವಾಗಿರಲಿಲ್ಲ. ಹಮೀದಾ ಮತ್ತೆ ಅಕ್ಬರ್ ಜೊತೆ ವಿವಾಹೇತರ ಸಂಬಂಧ ಮುಂದುವರಿಸಿದ್ದಳು. ಕೆಲ ದಿನದ ಹಿಂದೆ ಅಬ್ದಲ್ಲಾ ಮತ್ತು ಅಕ್ಬರ್ ಮಧ್ಯೆ ಕಲಹ ಉಂಟಾಗಿ ಒಬ್ಬರಿಗೊಬ್ಬರು ಕಿತ್ತಾಡಿಕೊಂಡಿದ್ದರು. ಈ ಕಲಹದಲ್ಲಿ ಅಬ್ದಲ್ಲಾಗೆ ಪೆಟ್ಟು ಬಿದ್ದಿದ್ದು, ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದರು. ಆದ್ರೆ ಅಕ್ಬರ್ ಮೇಲೆ ದೂರು ದಾಖಲಿಸಿದ್ದರು ಪೊಲೀಸರು ಆತನನ್ನು ಬಂಧಿಸಿರಲಿಲ್ಲ ಎನ್ನಲಾಗಿದೆ.
ಇನ್ನು ಅಬ್ದುಲ್ಲಾ ವಿವಾಹೇತರ ಸಂಬಂಧಕ್ಕೆ ಅಡ್ಡಿಪಡಿಸುತ್ತಿರುವುದರಿಂದ ಅಕ್ಬರ್ ಮತ್ತು ಹಮೀದಾ ಇಬ್ಬರು ಸೇರಿ ಗಂಡನನ್ನು ಮುಗಿಸಲು ಸ್ಕೆಚ್ ಹಾಕಿದ್ದರು. ಗುರುವಾರ ರಾತ್ರಿ ಅಬ್ದಲ್ಲಾ ಗಾಢ ನಿದ್ರೆಗೆ ಜಾರಿದ ಸಮಯದಲ್ಲಿ ಅಕ್ಬರ್ ಮನೆಗೆ ಬಂದಿದ್ದಾನೆ. ಈ ವೇಳೆ ಗಾಢ ನಿದ್ದೆಯಲ್ಲಿದ್ದ ಅಬ್ದುಲ್ಲಾನ ಕತ್ತನ್ನು ಗಟ್ಟಿಯಾಗಿ ಅಕ್ಬರ್ ಹಿಸುಕಿದ್ದನು. ಅಬ್ದಲ್ಲಾನ ಕಾಲುಗಳನ್ನು ಬಲವಾಗಿ ಪತ್ನಿ ಹಮೀದಾ ಹಿಡಿದಿದ್ದಳು. ಇಬ್ಬರು ಸೇರಿ ಸ್ಕೆಚ್ ಪ್ರಕಾರ ಅಬ್ದಲ್ಲಾನನ್ನು ಮುಗಿಸಿಬಿಟ್ಟಿದ್ದರು. ಕೊಲೆ ಬಳಿಕ ಅಕ್ಬರ್ ಸೈಲೆಂಟಾಗಿ ಅಲ್ಲಿಂದ ಪೇರಿ ಕಿತ್ತಿದ. ಆದ್ರೆ ಇದೆಲ್ಲ ಮಕ್ಕಳು ಗಮನಿಸಿದ್ದು ಅವರಿಗೆ ತಿಳಿದಿರಲಿಲ್ಲ.
ಇನ್ನು ಮೂರ್ಛೆ ರೋಗದಿಂದ ಅಬ್ದುಲ್ಲಾ ಸಾವನ್ನಪ್ಪಿದ್ದಾನೆ ಎಂದು ಕೊಲೆಗೆ ಬಣ್ಣ ಸವರಿದ್ದಳು ಹಮೀದಾ. ಆದ್ರೆ ಪೊಲೀಸರು ಹಮೀದಾ ಮತ್ತು ಅಕ್ಬರ್ನನ್ನು ವಶಕ್ಕೆ ಪಡೆದು ವಿಚಾರಿಸಿದಾಗ ಸತ್ಯ ಹೊರಬಂದಿದೆ. ತಂದೆ ಅಬ್ದುಲ್ಲಾನ ಕೊಲೆಯ ಬಗ್ಗೆ ನಾಲ್ಕು ವರ್ಷದ ಮಗಳು ಸಾಕ್ಷಿ ನೀಡಿ ಎಲ್ಲರನ್ನು ಅಚ್ಚರಿಸಿಗೊಳಿಸಿದ್ದಾಳೆ. ತಂದೆಯನ್ನು ಅಕ್ಬರ್ ಕತ್ತು ಹಿಸುಕಿದ್ದು ಮತ್ತು ತಾಯಿ ಹಮೀದಾ ಕಾಲುಗಳನ್ನು ಹಿಡಿದು ಕೊಲೆ ಮಾಡಿರುವ ಬಗ್ಗೆ ಮಗಳು ಪೊಲೀಸರಿಗೆ ಹೇಳಿದ್ದಾರೆ.
ಈ ಘಟನೆ ಕುರಿತು ವೈರಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
