ಮುಂಬೈ: 2019 ರ ವಿಶ್ವಕಪ್ಗೆ ಬಿಸಿಸಿಐ ಆಯ್ಕೆ ಸಮಿತಿ 2019ರ ವಿಶ್ವಕಪ್ಗೆ 15 ಸದಸ್ಯರ ತಂಡವನ್ನು ಪ್ರಕಟಿಸಿದ್ದು, ಈ ತಂಡದಲ್ಲಿ 7 ಆಟಗಾರರು ಚೊಚ್ಚಲ ವಿಶ್ವಕಪ್ ಆಡುತ್ತಿದ್ದಾರೆ.
ಕಳೆದ ಎರಡು ವರ್ಷಗಳಿಂದ ಸೀಮಿತ ಓವರ್ಗಳಲ್ಲಿ ಅದ್ಭುತ ಪ್ರದರ್ಶನ ತೋರುತ್ತಿರುವ ಬುಮ್ರಾ, ಕುಲ್ದೀಪ್ ಯಾದವ್, ಕೇದಾರ್ ಜಾಧವ್,ಯಜುವೇಂದ್ರ ಚಹಾಲ್,ಹಾರ್ದಿಕ್ ಪಾಂಡ್ಯ,ವಿಜಯ್ ಶಂಕರ್ ಹಾಗೂ ಕೆಎಲ್ ರಾಹುಲ್ಗೆ ಇದು ಚೊಚ್ಚಲ ವಿಶ್ವಕಪ್ ಆಗಿದೆ.
-
#TeamIndia for @ICC #CWC19 💪💪#MenInBlue 💙 pic.twitter.com/rsz44vHpge
— BCCI (@BCCI) April 15, 2019 " class="align-text-top noRightClick twitterSection" data="
">#TeamIndia for @ICC #CWC19 💪💪#MenInBlue 💙 pic.twitter.com/rsz44vHpge
— BCCI (@BCCI) April 15, 2019#TeamIndia for @ICC #CWC19 💪💪#MenInBlue 💙 pic.twitter.com/rsz44vHpge
— BCCI (@BCCI) April 15, 2019
ಜಸ್ಪ್ರೀತ್ ಬುಮ್ರಾ
ಏಕದಿನ ಕ್ರಿಕೆಟ್ ಬೌಲಿಂಗ್ ಶ್ರೇಯಾಂಕದಲ್ಲಿ ಜಸ್ಪ್ರೀತ್ ಬುಮ್ರಾ ಮೊದಲ ಸ್ಥಾನದಲ್ಲಿದ್ದು, ಕಳೆದೆರಡು ವರ್ಷಗಳಿಂದ ಸೀಮಿತ ಓವರ್ಗಳ ಕ್ರಿಕೆಟ್ನಲ್ಲಿ ಭಾರತ ತಂಡದ ಬೌಲಿಂಗ್ನ ಆಧಾರ ಸ್ತಂಭವಾಗಿದ್ದಾರೆ. ಬುಮ್ರಾ 49 ಏಕದಿನ ಪಂದ್ಯಗಳಲ್ಲಿ ಭಾರತ ತಂಡ ಪ್ರತಿನಿಧಿಸಿದ್ದು 85 ವಿಕೆಟ್ ಪಡೆದಿದ್ದಾರೆ. ಬುಮ್ರಾ 2016ರಲ್ಲಿ ಏಕದಿನ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದರು.
ಕೆಎಲ್ ರಾಹುಲ್
ಕೇವಲ 14 ಏಕದಿನ ಪಂದ್ಯಗಳಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿರುವ ಕನ್ನಡಿದ ರಾಹುಲ್ಗೆ ಇದು ಚೊಚ್ಚಲ ವಿಶ್ವಕಪ್. ರಾಹುಲ್ 13 ಇನ್ನಿಂಗ್ಸ್‌ನಲ್ಲಿ ಒಂದು ಶತಕ ಹಾಗೂ 2 ಅರ್ಧಶತಕ ಸಿಡಿಸಿದ್ದಾರೆ. 2016 ರಲ್ಲಿ ಏಕದಿನ ಕ್ರಿಕೆಟ್ಗೆ ರಾಹುಲ್ ಪದಾರ್ಪಣೆ ಮಾಡಿದ್ದರು.
ವಿಜಯ್ ಶಂಕರ್
ತಮಿಳುನಾಡು ಮೂಲದ ವಿಜಯ್ ಶಂಕರ್ ಇದೇ ವರ್ಷ ಆಸ್ಟ್ರೇಲಿಯಾ ವಿರುದ್ಧದ ಏಕದಿನ ಕ್ರಿಕೆಟ್ಗೆ ಟೂರ್ನಿಯಲ್ಲಿ ಆಡುವ ಅವಕಾಶ ಪಡೆದಿದ್ದರು. ಅವರು ಕೇವಲ 9 ಪಂದ್ಯಗಳಲ್ಲಿ ಭಾರತ ತಂಡವನ್ನು ಪ್ರತಿಸಿಧಿಸಿದ್ದಾರೆ. ಇವರಿಗೆ ಆಲ್ರೌಂಡರ್ ಕೋಟಾದಲ್ಲಿ ವಿಶ್ವಕಪ್ ಟಿಕೆಟ್ ಗಿಟ್ಟಿಸಿಕೊಂಡಿದ್ದಾರೆ.
ಕುಲ್ದೀಪ್ ಯಾದವ್
ಭಾರತದ ಮಂಚೂಣಿ ಸ್ಪಿನ್ ಬೌಲರ್ ಆದ ಕುಲ್ದೀಪ್ ಯಾದವ್ 44 ಪಂದ್ಯಗಳಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದು, 87 ವಿಕೆಟ್ ಪಡೆದಿದ್ದಾರೆ. ಯಾದವ್ 2017 ರಲ್ಲಿ ಏಕದಿನ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದರು.
ಹಾರ್ದಿಕ್ ಪಾಂಡ್ಯ
ಆಲ್ರೌಂಡರ್ ಕೋಟಾದಲ್ಲಿ ಖಾಯಂ ಭಾರತ ತಂಡದ ಸದಸ್ಯನಾಗಿರುವ ಹಾರ್ದಿಕ್ ಪಾಂಡ್ಯ 2016 ರಲ್ಲಿ ಏಕದಿನ ಕ್ರಿಕೆಟ್ಗೆ ಎಂಟ್ರಿಕೊಟ್ಟಿದ್ದರು. ಪಾಂಡ್ಯ 45 ಪಂದ್ಯಗಳಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದು, 4 ಅರ್ಧಶತಕ ಸಹಿತ 731 ರನ್ ಸಿಡಿಸಿದ್ದಾರೆ. ಬೌಲಿಂಗ್ನಲ್ಲಿ 44 ವಿಕೆಟ್ ಕಿತ್ತಿದ್ದಾರೆ.
ಯಜುವೇಂದ್ರ ಚಹಾಲ್
2016 ರಲ್ಲಿ ಏಕದಿನ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದ ಚಹಾಲ್ ತಮ್ಮ ಸ್ಪಿನ್ ಕೈಚಳಕದಿಂದ 41 ಪಂದ್ಯಗಳಿಂದ 72 ವಿಕೆಟ್ ಪಡೆದಿದ್ದಾರೆ. 28 ವರ್ಷದ ಚಹಾಲ್ಗೂ ಇದು ಮೊದಲನೇ ವಿಶ್ವಕಪ್ ಆಗಿದೆ.
ಕೇದಾರ್ ಜಾಧವ್
34 ವರ್ಷದ ಕೇದಾರ್ ಜಾಧವ್ 2014ರಲ್ಲಿ ಏಕದಿನ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದಾರೆ. ಇವರು 59 ಪಂದ್ಯಗಳಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದು 102 ಸ್ಟ್ರೈಕ್ರೇಟ್ನಲ್ಲಿ 1174 ರನ್ಗಳಿಸಿದ್ದಾರೆ. ಇದರಲ್ಲಿ 2 ಶತಕ ಹಾಗೂ 5 ಅರ್ದಶತಕ ಕೂಡ ಸೇರಿವೆ.
ಈ ಏಳು ಆಟಗಾರರೂ ಇದೇ ಮೊದಲ ಬಾರಿಗೆ ವಿಶ್ವಕಪ್ ಆಡಲು ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ಕೇದಾರ್ ಜಾಧವ್ ಹೊರೆತುಪಡಿಸಿ ಎಲ್ಲರೂ 30 ವರ್ಷದೊಳಗಿರುವ ಆಟಗಾರರಾಗಿದ್ದಾರೆ. ಅಷ್ಟೇ ಅಲ್ಲದೆ ಜಾಧವ್(59) ಮಾತ್ರ 50 ಕ್ಕಿಂತ ಹೆಚ್ಚಿನ ಪಂದ್ಯಗಳನ್ನಾಡಿದ್ದಾರೆ. ಉಳಿದ 6 ಆಟಗಾರರು ಇನ್ನೂ 50 ಪಂದ್ಯಗಳ ಗಡಿ ದಾಟಿಲ್ಲ.
ಧೋನಿ ತಮ್ಮ 4 ನೇ ವಿಶ್ವಕಪ್ ಆಡುತ್ತಿದ್ದರೆ, ರೋಹಿತ್,ಕೊಹ್ಲಿ ಪಾಲಿಗಿದು 3 ನೇ ವಿಶ್ವಕಪ್ ಆಗಿದೆ. ಕಾರ್ತಿಕ್ 2007ರ ವಿಶ್ವಕಪ್ನಲ್ಲಿ ಸ್ಥಾನ ಪಡೆದಿದ್ದರು. ಇದೀಗ 10 ವರ್ಷಗಳ ನಂತರ ಮತ್ತೆ ವಿಶ್ವಕಪ್ ಟೀಮ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಭುವನೇಶ್ವರ್, ಮೊಹಮ್ಮದ್ ಶಮಿ, ರವೀಂದ್ರ ಜಡೇಜಾ ಹಾಗೂ ಶಿಖರ್ ಧವನ್ 2015ರ ವಿಶ್ವಕಪ್ನಲ್ಲಿ ಆಡಿದ್ದರು.
