ಲಂಡನ್: ಅಧಿಕೃತವಾಗಿ ಪಂದ್ಯಾವಳಿಗಳು ನಡೆಯೋದಕ್ಕೂ ಮುನ್ನ ನಡೆದ ವಿಶ್ವಕಪ್ ಅಭ್ಯಾಸ ಪಂದ್ಯದಲ್ಲಿ ಭಾರತ ತಂಡ ಕಿವೀಸ್ ಬೌಲರ್ಗಳ ದಾಳಿಗೆ ಕಂಗೆಟ್ಟು ಕೇವಲ 179 ರನ್ಗಳಿಗೆ ಸರ್ವಪತನ ಕಂಡಿದೆ.
ಲಂಡನ್‌ನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಭಾರತ ತಂಡ ಕಿವೀಸ್ ಬೌಲರ್ಗಳ ದಾಳಿಗೆ ಕುಸಿದು 39.2 ಓವರ್ಗಳಲ್ಲಿ 179 ರನ್ಗಳಿಗೆ ಕುಸಿತ ಕಂಡಿತು.
ಆರಂಭಿಕರಾಗಿ ಕಣಕ್ಕಿಳಿದ ರೋಹಿತ್ 2, ಧವನ್ 2 ಹಾಗೂ ರಾಹುಲ್ 6 ರನ್ ಗಳಿಸಿ ಟ್ರೆಂಟ್ ಬೌಲ್ಟ್ಗೆ ವಿಕೆಟ್ ಒಪ್ಪಿಸಿದರು. ಕೊಹ್ಲಿ ಆಟ 18ಕ್ಕೆ ಸೀಮಿತವಾದರೆ, ಹಾರ್ದಿಕ್ 30 ರನ್ ಗಳಿಸಿ ತಂಡವನ್ನು ದಿಢೀರ್ ಕುಸಿತದಿಂದ ಪಾರು ಮಾಡಿದರು. ನಂತರ ಬಂದ ಕಾರ್ತಿಕ್ 4 ರನ್ಗೆ ವಿಕೆಟ್ ಒಪ್ಪಿಸಿ ನಿರಾಸೆ ಮೂಡಿಸಿದರು. ಧೋನಿ 17 , ಜಡೇಜಾ 54 , ಕುಲ್ದೀಪ್ ಯಾದವ್ 19 ರನ್ಗಳಿಸಿ ತಂಡದ ಮೊತ್ತ 150ರ ಗಡಿ ದಾಟಲು ನೆರವಾದರು.
ಟ್ರೆಂಟ್ ಬೌಲ್ಟ್ 4 ವಿಕೆಟ್, ನಿಶಾಮ್ 3 ವಿಕೆಟ್, ಸೌಥಿ, ಗ್ರ್ಯಾಂಡ್ಹೋಮ್ ಹಾಗು ಲೂಕಿ ಫರ್ಗ್ಯುಶನ್ ತಲಾ ಒಂದು ವಿಕೆಟ್ ಪಡೆದರು.
ಎರಡನೇ ಇನಿಂಗ್ಸ್ ಆರಂಭಿಸಿರುವ ನ್ಯೂಜಿಲೆಂಡ್ 7 ಓವರ್ಗಳಲ್ಲಿ 2 ವಿಕೆಟ್ ಕಳೆದುಕೊಂಡು 29 ರನ್ ಗಳಿಸಿದೆ.
ಸಾಧಾರಣ ಮೊತ್ತ ಬೆನ್ನತ್ತಿದ ಕಿವೀಸ್, ಮಾರ್ಟಿನ್ ಗಪ್ಟಿಲ್( 22) ಹಾಗೂ 4 ರನ್ ಗಳಿಸಿದ್ದ ಮನ್ರೊ ವಿಕೆಟ್ ಕಳೆದುಕೊಂಡಿದೆ. ವಿಲಿಯಮ್ಸನ್ 17 ರನ್ ಹಾಗೂ ರಾಸ್ ಟೇಲರ್ 5 ರನ್ಗಳಿಸಿ ಕ್ರೀಸ್ನಲ್ಲಿದ್ದಾರೆ.
