ನಾಯಿಮರಿಯೊಂದಿಗೆ ಚೀನಾ ಗಡಿ ಪಯಣ ಬೆಳೆಸಿದ ತೆಲಂಗಾಣದ ಯುವ ಸೈಕ್ಲಿಸ್ಟ್

ತೆಲಂಗಾಣ ಮೂಲದ ಯುವಕನೊಬ್ಬ ನಾಯಿಮರಿಯೊಂದಿಗೆ ಸೈಕಲ್​ ಮೂಲಕ ಹೈದರಾಬಾದಿನಿಂದ ಚೀನಾ ಗಡಿ ಪ್ರಯಾಣ ಆರಂಭಿಸಿದ್ದಾನೆ. ಈ ಮೂಲಕ ಸೈಕ್ಲಿಂಗ್‌ ಪ್ರಾಮುಖ್ಯತೆ ಮತ್ತು ಅನುಕೂಲಗಳ ಬಗ್ಗೆ ಗೃತಿ ಮೂಡಿಸಲು ಮುಂದಾಗಿದ್ದಾನೆ.

ತೆಲಂಗಾಣ: ಯುವಕನೊಬ್ಬ ತನ್ನ ಮುದ್ದಿನ ನಾಯಿಮರಿಯೊಂದಿಗೆ ಸೈಕಲ್​ ಮೂಲಕ ಹೈದರಾಬಾದಿನಿಂದ ಚೀನಾ ಗಡಿ ಪ್ರಯಾಣ ಆರಂಭಿಸಿದ್ದಾನೆ.

ವಾರಂಗಲ್ ನಗರದ ಕರಿಮಾಬಾದಿನ ಯುವ ಸೈಕ್ಲಿಸ್ಟ್ ರಂಜಿತ್ ದಗಾರ ಎಂಬುವವರು ಪ್ರವಾಸ ಕೈಗೊಂಡಿದ್ದು, ಈತ ಎಂ.ಫಾರ್ಮಸಿ ವ್ಯಾಸಂಗ ಮಾಡಿದ್ದಾರೆ. ಕಳೆದ ವರ್ಷ ಕೊರೊನಾದಿಂದ ರಂಜಿತ್​ ಅವರ ತಂದೆ ನಿಧನರಾಗಿದ್ದು, ಇದೆಲ್ಲದರಿಂದ ಬೇಸತ್ತ ಯುವಕ, ತಮ್ಮ ಆರೋಗ್ಯವನ್ನು ಇನ್ನಷ್ಟು ಸುಧಾರಿಸಲು ಮತ್ತು ಸೈಕ್ಲಿಂಗ್ ಮೂಲಕ ಜಾಗೃತಿ ಮೂಡಿಸಲು ಮುಂದಾಗಿದ್ದಾರೆ.

ಈ ಹಿಂದೆ ರಂಜಿತ್,​​​ 60 ದಿನಗಳಲ್ಲಿ ಲಡಾಖ್‌ಗೆ ಸೈಕ್ಲಿಂಗ್ ಪ್ರವಾಸ ಹೋಗುವ ಸಲುವಾಗಿ ತಮ್ಮ ಕೆಲಸವನ್ನು ತ್ಯಜಿಸಿದ್ದಾರೆ.ಇವರು 2020ರಲ್ಲಿ ಕನ್ಯಾಕುಮಾರಿ ಪ್ರವಾಸ ಕೂಡ ಮಾಡಿದ್ದಾರೆ. ಇದೀಗ ಚೀನಾ ಪ್ರವಾಸ ಕೈಗೊಂಡಿದ್ದು, ಪ್ರವಾಸದ ಜೊತೆಗೆ ಸೈಕ್ಲಿಂಗ್‌ ಪ್ರಾಮುಖ್ಯತೆ ಮತ್ತು ಅನುಕೂಲಗಳ ಬಗ್ಗೆಯೂ ಜನರಿಗೆ ಮಾಹಿತಿ ನೀಡಲು ನಿರ್ಧರಿಸಿದ್ದಾರೆ.