ನ್ಯಾಯಾಂಗ ಸ್ಥಳೀಯ ಭಾಷೆಯಲ್ಲೂ ಲಭ್ಯವಾಗಬೇಕು : ಉಪ ರಾಷ್ಟ್ರಪತಿ ವೆಂಕಯ್ಯ ನಾಯ್ಡು

ಮಾತೃಭಾಷೆಯ ನಷ್ಟವು ನಮ್ಮ ಸ್ವಾಭಿಮಾನ ಮತ್ತು ಗುರುತಿಸುವಿಕೆಯನ್ನು ಕಳೆದುಕೊಂಡಂತೆ. ನಮ್ಮ ಪರಂಪರೆಯ ಸಂಗೀತ, ನೃತ್ಯ, ನಾಟಕ, ಸಂಪ್ರದಾಯಗಳು, ಹಬ್ಬಗಳು, ಸಾಂಪ್ರದಾಯಿಕ ಜ್ಞಾನ ಮೊದಲಾದ ಅಂಶಗಳನ್ನು ರಕ್ಷಣೆ ಮಾತೃಭಾಷೆಯ ಸಂರಕ್ಷಣೆಯಿಂದ ಮಾತ್ರ ಸಾಧ್ಯ..

ಹೈದರಾಬಾದ್ : ನ್ಯಾಯಾಂಗವನ್ನು ಸ್ಥಳೀಯ ಭಾಷೆ ಮಾತನಾಡುವವರಿಗೆ ಲಭ್ಯವಾಗುವಂತೆ ಮಾಡುವ ಅಗತ್ಯವಿದೆ ಎಂದು ಉಪರಾಷ್ಟ್ರಪತಿ ಎಂ. ವೆಂಕಯ್ಯ ನಾಯ್ಡು ಕರೆ ನೀಡಿದರು.

ಮಾತೃಭಾಷೆಗಳ ರಕ್ಷಣೆ ಕುರಿತಂತೆ ತೆಲುಗು ಕುಟಾಮಿ ಆಯೋಜಿಸಿದ್ದ ವರ್ಚುವಲ್ ಸಮ್ಮೇಳನ ಉದ್ದೇಶಿಸಿ ಮಾತನಾಡಿದ ಅವರು, ಇತ್ತೀಚಿಗೆ ನಡೆದ ಪ್ರಕರಣವೊಂದರಲ್ಲಿ ಮುಖ್ಯ ನ್ಯಾಯಾಧೀಶ ಎನ್‌ ವಿ ರಮಣರವರು ಕೋರ್ಟ್​​ನಲ್ಲಿ ಮಹಿಳೆಯೋರ್ವರಿಗೆ ಅವರ ಮಾತೃಭಾಷೆ ತೆಲುಗಿನಲ್ಲಿ ಮಾತನಾಡಲು ಅವಕಾಶ ಮಾಡಿ ಕೊಟ್ಟಿದ್ದರು.

ಈ ಘಟನೆಯು ನ್ಯಾಯಾಧೀಶರು ಸಮಸ್ಯೆಗಳನ್ನು ತಮ್ಮ ಮಾತೃಭಾಷೆಯಲ್ಲಿ ವ್ಯಕ್ತಪಡಿಸಲು ಅವಕಾಶ ನೀಡುವ ಅಗತ್ಯವನ್ನು ಒತ್ತಿ ಹೇಳಿದರು. ಇದರ ಜೊತೆಗ ತೀರ್ಪುಗಳನ್ನು ಸಹ ಪ್ರಾದೇಶಿಕ ಭಾಷೆಯಲ್ಲಿಯೇ ನೀಡುವಂತೆ ಆಗಬೇಕು ಎಂದರು.

ಮಾತೃಭಾಷೆಯ ನಷ್ಟವು ನಮ್ಮ ಸ್ವಾಭಿಮಾನ ಮತ್ತು ಗುರುತಿಸುವಿಕೆಯನ್ನು ಕಳೆದುಕೊಂಡಂತೆ. ನಮ್ಮ ಪರಂಪರೆಯ ಸಂಗೀತ, ನೃತ್ಯ, ನಾಟಕ, ಸಂಪ್ರದಾಯಗಳು, ಹಬ್ಬಗಳು, ಸಾಂಪ್ರದಾಯಿಕ ಜ್ಞಾನ ಮೊದಲಾದ ಅಂಶಗಳನ್ನು ರಕ್ಷಣೆ ಮಾತೃಭಾಷೆಯ ಸಂರಕ್ಷಣೆಯಿಂದ ಮಾತ್ರ ಸಾಧ್ಯ ಎಂದರು.

ಫ್ರಾನ್ಸ್, ಜರ್ಮನಿ, ಜಪಾನ್​​ನಂತಹ ದೇಶಗಳು ಎಂಜಿನಿಯರಿಂಗ್, ಮೆಡಿಸಿನ್ ಮತ್ತು ಕಾನೂನು ಮುಂತಾದ ವಿಭಾಗಗಳಲ್ಲಿ ತಮ್ಮ ಮಾತೃಭಾಷೆಯನ್ನು ಬಳಸುತ್ತಿದ್ದು, ಪ್ರತಿ ಕ್ಷೇತ್ರದಲ್ಲಿ ಇಂಗ್ಲಿಷ್ ಮಾತನಾಡುವ ದೇಶಗಳಿಗೆ ತಮ್ಮ ಪ್ರಬಲತೆಯನ್ನು ಸಾಬೀತುಪಡಿಸಿವೆ.

ಇಂತಹ ಉತ್ತಮ ಉದಾಹರಣೆಗಳನ್ನು ಭಾಷಾ ಉತ್ಸಾಹಿಗಳು, ಭಾಷಾಶಾಸ್ತ್ರಜ್ಞರು, ಶಿಕ್ಷಕರು, ಪೋಷಕರು ಮತ್ತು ಮಾಧ್ಯಮಗಳು ತೆಗೆದುಕೊಳ್ಳಬೇಕು. ಶಾಲಾ ವ್ಯಾಪ್ತಿಗೆ ಅನುಕೂಲವಾಗುವಂತೆ ಭಾರತೀಯ ಭಾಷೆಗಳಲ್ಲಿ ವೈಜ್ಞಾನಿಕ ಮತ್ತು ತಾಂತ್ರಿಕ ಪರಿಭಾಷೆಯನ್ನು ಸುಧಾರಿಸಲು ಸಲಹೆ ನೀಡಿದರು.

ಭಾರತೀಯ ಭಾಷೆಗಳಲ್ಲಿ ಅನುವಾದಗಳ ಗುಣಮಟ್ಟ ಮತ್ತು ಪ್ರಮಾಣವನ್ನು ಸುಧಾರಿಸಲು ಹೆಚ್ಚಿನ ಪ್ರಯತ್ನಗಳು ಆಗಬೇಕು. ಪ್ರಾಚೀನ ಸಾಹಿತ್ಯವನ್ನು ಯುವಜನರಿಗೆ ಸರಳ ಮತ್ತು ಮಾತನಾಡುವ ಭಾಷೆಗಳಲ್ಲಿ ಹೆಚ್ಚು ಸುಲಭವಾಗಿ ಮತ್ತು ಸಾಪೇಕ್ಷವಾಗುವಂತೆ ಮಾಡಬೇಕೆಂದು ಹೇಳಿದರು.