ಹೈದರಾಬಾದ್: ಇಂದು ಬೆಳಗ್ಗೆ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಸಂಸತ್ತಿನಲ್ಲಿ ಬಜೆಟ್ ಮಂಡಿಸುತ್ತಿದ್ದರೆ, ಇತ್ತ ಸೋಶಿಯಲ್ ಮೀಡಿಯಾದಲ್ಲಿ ನೆಟಿಜೆನ್ಗಳು ಚಿತ್ರ ವಿಚಿತ್ರ ವಿನೋದ ಹಾಗೂ ವ್ಯಂಗ್ಯಭರಿತ ಮೆಮೆಗಳನ್ನು ಹರಿಬಿಟ್ಟು ತಮಾಷೆ ಮಾಡುತ್ತಿದ್ದುದು ಗಮನಸೆಳೆಯಿತು. ಬಾಹುಬಲಿಯಿಂದ ಮೊಘಲ್-ಇ-ಅಜಮ್ ಮತ್ತು ಮುನ್ನಾ ಭಾಯ್ ಎಂಬಿಬಿಎಸ್ ಚಲನಚಿತ್ರದ ಸಂದರ್ಭಗಳನ್ನು ಬಳಸಿ 2023ರ ಬಜೆಟ್ ಬಗ್ಗೆ ಟ್ವೀಟ್ ಮಾಡುತ್ತಿರುವುದು ಕಂಡುಬಂದಿತು.
ಇಂಟರ್ನೆಟ್ನಲ್ಲಿ ಯೂನಿಯನ್ ಬಜೆಟ್ 2023 ಕ್ಕೆ ಬಂದ ಪ್ರತಿಕ್ರಿಯೆಗಳನ್ನು ನೋಡಿದರೆ ನೀವೂ ಬಿದ್ದು ಬಿದ್ದು ನಗುವುದು ಖಂಡಿತ. ಆದಾಯ ತೆರಿಗೆ ವಿನಾಯಿತಿ ಮಿತಿಯನ್ನು 7 ಲಕ್ಷಕ್ಕೆ ಏರಿಸಿದ ನಂತರವಂತೂ ಮಿಡಲ್ ಕ್ಲಾಸ್ ಫೀಲಿಂಗ್ ಕುರಿತಾಗಿ ಭಾರಿ ತಮಾಷೆಯ ಮೀಮ್ಸ್ ಹರಿದು ಬಂದಿವೆ. ನೆಟಿಜನ್‌ಗಳು ರಣಬೀರ್ ಕಪೂರ್ ಅವರ ಚಲನಚಿತ್ರ ರಾಕ್‌ಸ್ಟಾರ್ ಮತ್ತು ಜನಪ್ರಿಯ ದೂರದರ್ಶನ ಕಾರ್ಯಕ್ರಮ ತಾರಕ್ ಮೆಹ್ತಾ ಕಾ ಊಲ್ತಾ ಚಶ್ಮಾ ಆಧರಿಸಿದ ಮೀಮ್ಗಳನ್ನು ಹರಿಬಿಟ್ಟಿದ್ದಾರೆ.
ಕೇಂದ್ರ ಬಜೆಟ್ 2023 ಆದಾಯ ತೆರಿಗೆ ಸ್ಲ್ಯಾಬ್‌ಗಳು ನೆಟಿಜನ್‌ಗಳ ಗಮನ ಸೆಳೆದಿವೆ. ತೆರಿಗೆ ಸ್ಲ್ಯಾಬ್‌ನಲ್ಲಿನ ಬದಲಾವಣೆಗಳಿಗೆ ಪ್ರತಿಕ್ರಿಯಿಸುತ್ತಾ, ನೆಟಿಜನ್ ಹರ್ ದಿಲ್ ಜೋ ಪ್ಯಾರ್ ಕರೇಗಾ ಹಾಡಿನ ಐಸಾ ಪೆಹ್ಲಿ ಬಾರ್ ಹುವಾ ಹೈ ನಿಂದ ಸಲ್ಮಾನ್ ಖಾನ್ ಅವರ ಸ್ಕ್ರೀನ್‌ಶಾಟ್ ಅನ್ನು ಹಂಚಿಕೊಳ್ಳಲಾಗಿದೆ. ಕೇಂದ್ರ ಬಜೆಟ್ 2023 ಆದಾಯ ತೆರಿಗೆ ಸ್ಲ್ಯಾಬ್‌ಗಳ ಮೇಲೆ ಇನ್ನೊಬ್ಬ ಬಳಕೆದಾರರು ಎಸ್‌ಎಸ್ ರಾಜಮೌಳಿ ಅವರ ಚಲನಚಿತ್ರ ಬಾಹುಬಲಿಯ ಕೊಲಾಜ್ ಹಂಚಿಕೊಂಡಿದ್ದಾರೆ.
ಸುಶಾಂತ್ ಸಿಂಗ್ ರಜಪೂತ್ ಅಭಿನಯದ ಎಂಎಸ್ ಧೋನಿ ಚಿತ್ರದ ದೃಶ್ಯವನ್ನು ಹಂಚಿಕೊಂಡ ಬಳಕೆದಾರರು, ಯೂನಿಯನ್ ಬಜೆಟ್ 2023 ಆದಾಯ ತೆರಿಗೆ ಸ್ಲ್ಯಾಬ್‌ಗಳು ಎಂದು ಬರೆದಿದ್ದಾರೆ. ಇನ್ನೊಬ್ಬ ಬಳಕೆದಾರರು ಸಲ್ಮಾನ್ ಮತ್ತು ಗೋವಿಂದ ಅವರ ಚಲನಚಿತ್ರ ಪಾರ್ಟನರ್ ದಿಂದ ವೀಡಿಯೊ ಕ್ಲಿಪ್ ಅನ್ನು ಹಂಚಿಕೊಂಡಿದ್ದಾರೆ ಮತ್ತು 8 ವರ್ಷಗಳ ನಂತರ ಆದಾಯ ತೆರಿಗೆ ಸ್ಲಾಬ್‌ಗಳಲ್ಲಿ ಕಡಿತ ವೀಕ್ಷಿಸಿದ ಮಧ್ಯಮ ವರ್ಗದ ಜನರು : #Budget2023 ಎಂದು ಬರೆದಿದ್ದಾರೆ.
ಪ್ರಸ್ತುತ 5 ಲಕ್ಷ ರೂ.ವರೆಗಿನ ಒಟ್ಟು ಆದಾಯ ಹೊಂದಿರುವ ವ್ಯಕ್ತಿಗಳು ಹಳೆಯ ಮತ್ತು ಹೊಸ ಆಡಳಿತಗಳ ಅಡಿಯಲ್ಲಿ ರಿಯಾಯಿತಿಯ ಕಾರಣದಿಂದಾಗಿ ಯಾವುದೇ ತೆರಿಗೆಯನ್ನು ಪಾವತಿಸುವುದಿಲ್ಲ ಎಂದು ಸೀತಾರಾಮನ್ ಬುಧವಾರ ಹೇಳಿದ್ದಾರೆ. ಹೊಸ ವೈಯಕ್ತಿಕ ಆದಾಯ ತೆರಿಗೆ ಆಡಳಿತದಲ್ಲಿ, ಸ್ಲ್ಯಾಬ್‌ಗಳ ಸಂಖ್ಯೆಯನ್ನು ಐದಕ್ಕೆ ಇಳಿಸಲಾಗುವುದು ಎಂದು ಅವರು ಹೇಳಿದರು. ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರ ಬಜೆಟ್ ಭಾಷಣದ ನಂತರ ಮಾತನಾಡಿದ ಪ್ರಧಾನ ಮಂತ್ರಿ ನರೇಂದ್ರ ಮೋದಿ, ಅಭಿವೃದ್ಧಿ ಹೊಂದಿದ ಭಾರತದ ಸಂಕಲ್ಪವನ್ನು ಪೂರೈಸಲು ಅಡಿಪಾಯ ಒದಗಿಸುವ ಅಮೃತ್ ಕಾಲದ ಮೊದಲ ಬಜೆಟ್ ಎಂದು ಕರೆದಿದ್ದಾರೆ. ಬಜೆಟ್ ವಂಚಿತರಿಗೆ ಆದ್ಯತೆ ನೀಡಿದ್ದು ಸಮಾಜ, ರೈತರು ಮತ್ತು ಮಧ್ಯಮ ವರ್ಗದವರ ಕನಸುಗಳನ್ನು ನನಸಾಗಿಸುತ್ತದೆ ಎಂದು ಹೇಳಿದರು.
ಇದನ್ನೂ ಓದಿ: ಕೇಂದ್ರ ಬಜೆಟ್ 2023: ಭದ್ರಾ ಮೇಲ್ದಂಡೆ ಯೋಜನೆಗೆ 5300 ಕೋಟಿ
