ಬಡ್ಡಿಯಿಲ್ಲದ ಕ್ರೆಡಿಟ್​ ಕಾರ್ಡ್​ ಪರಿಚಯಿಸಿದ ಯುನಿ..

ದೀರ್ಘಾವಧಿಯ ಇಎಂಐ ಸೌಕರ್ಯಗಳು, ನೇರ ಬ್ಯಾಂಕ್ ವರ್ಗಾವಣೆ, ಶಾಲಾ ಶುಲ್ಕಗಳು ಮತ್ತು ರಿವಾರ್ಡ್ ಪಾಯಿಂಟ್‌ಗಳಂತಹ ವೈಶಿಷ್ಟ್ಯಗಳನ್ನೊಳಗೊಂಡಂತೆ ಕಾರ್ಡ್​ ಅನ್ನು ಶೀಘ್ರದಲ್ಲೇ ಅಪ್​ಡೇಟ್​ ಮಾಡಲಾಗುವುದು ಎಂದು ಯುನಿ ಹೇಳಿದೆ. ಪ್ರಸ್ತುತ ಯುನಿ ಆ್ಯಪ್, ಆಂಡ್ರಾಯ್ಡ್ ಬಳಕೆದಾರರಿಗೆ ಮಾತ್ರ ಲಭ್ಯವಿದೆ. ನೀವು ಆ್ಯಪ್ ಅನ್ನು ಡೌನ್‌ಲೋಡ್ ಮಾಡಿ ಮತ್ತು 'ಪೇ ಒನ್ ಥರ್ಡ್' ಕಾರ್ಡ್‌ಗಾಗಿ ಅರ್ಜಿ ಸಲ್ಲಿಸಬಹುದು..

ಪ್ರಮುಖ ಫಿನ್‌ಟೆಕ್ ಕಂಪನಿ ಯುನಿ, ವಿವಿಧ ರೀತಿಯ ಕ್ರೆಡಿಟ್ ಕಾರ್ಡ್‌ಗಳನ್ನು ಪರಿಚಯಿಸಿದೆ. ಪೇ ಒನ್ ಥರ್ಡ್ ಎಂಬ ಹೊಸ ಕಾರ್ಡ್​ ಅನ್ನು ಪರಿಚಯಿಸಿದ್ದು, ಇದು ಭಾರತದ ಬಡ್ಡಿ ರಹಿತ ಮೊದಲ ಕಾರ್ಡ್ ಆಗಿದೆ.

ಮೂರು ಕಂತುಗಳಲ್ಲಿ ಪಾವತಿ, ಆದರೆ ಇಎಂಐ ಅಲ್ಲ

ಈ ಕಾರ್ಡ್​ನ ಒಟ್ಟು ವೆಚ್ಚವನ್ನು ಮೂರು ಭಾಗಗಳಾಗಿ ವಿಂಗಡಿಸಲಾಗಿದೆ. ಮೂರು ತಿಂಗಳವರೆಗೆ ಹಣ ಪಾವತಿಸಬಹುದು. ಯಾವುದೇ ಬಡ್ಡಿ ಇರುವುದಿಲ್ಲ. ಅಲ್ಪಾವಧಿಯಲ್ಲಿ ನಗದು ಕೊರತೆಯಿರುವ ಗ್ರಾಹಕರು ಹಣ ಪಡೆಯಬಹುದು. ಗ್ರಾಹಕರು ಬಯಸಿದ್ದಲ್ಲಿ, ಮೂರು ಕಂತಿನ ಹಣವನ್ನು ಒಮ್ಮೆಯೇ ಪಾವತಿಸಬಹುದು. ಹಾಗೆ ಪಾವತಿಸಿದವರಿಗೆ ಒಂದು ಪರ್ಸೆಂಟ್ ಕ್ಯಾಶ್ ಬ್ಯಾಕ್ ಕೂಡ ಸಿಗುತ್ತದೆ.

ಪ್ರಸ್ತುತ ಈ ನಗರಗಳಲ್ಲಿ ಮಾತ್ರ ಕಾರ್ಡ್ ಲಭ್ಯ

ಜೂನ್ ತಿಂಗಳಲ್ಲಿ ಪೈಲಟ್ ಯೋಜನೆಯಡಿ 'ಪೇ ಒನ್ ಥರ್ಡ್' ಕಾರ್ಡ್ ಅನ್ನು ಪರಿಚಯಿಸಲಾಯಿತು. ಎರಡು ತಿಂಗಳಲ್ಲಿ 10 ಸಾವಿರ ಗ್ರಾಹಕರು ಅದನ್ನು ತೆಗೆದುಕೊಂಡರು. ಇದರೊಂದಿಗೆ ಈ ಕಾರ್ಡ್ ಸೇವೆಗಳನ್ನು ಮತ್ತಷ್ಟು ವಿಸ್ತರಿಸಲು ನಿರ್ಧರಿಸಲಾಯಿತು. ಇದು ಮುಂದಿನ ವರ್ಷದ ಅಂತ್ಯದ ವೇಳೆಗೆ ಒಟ್ಟು 10 ಲಕ್ಷ ಗ್ರಾಹಕರನ್ನು ತಲುಪುವ ಗುರಿಯನ್ನು ಹೊಂದಿದೆ. ಪ್ರಸ್ತುತ ಕಾರ್ಡ್ ಪುಣೆ, ಹೈದರಾಬಾದ್, ಅಹಮದಾಬಾದ್, ಬೆಂಗಳೂರು, ಚೆನ್ನೈ, ಕೋಲ್ಕತಾ, ದೆಹಲಿ ಮತ್ತು ಮುಂಬೈನಲ್ಲಿ ಮಾತ್ರ ಲಭ್ಯವಿದೆ.

ಒಂದೇ ಗುರಿ

ಯುನಿ ಸಿಇಒ ನಿತಿನ್ ಗುಪ್ತಾ, ಕ್ರೆಡಿಟ್ ಕಾರ್ಡ್ ಅನ್ನು ಗ್ರಾಹಕರಿಗೆ ಹೆಚ್ಚು ಸುಲಭವಾಗಿ ತಲುಪುವಂತೆ ಮಾಡಲು ಪಾವತಿ ಅವಧಿಯನ್ನು ಮೂರು ತಿಂಗಳಿಗೆ ಹೆಚ್ಚಿಸುವುದು ಉತ್ತಮ ಪರಿಹಾರ ಎಂದು ಭಾವಿಸಿದ್ದಾರೆ. ನಾವು ಪೇ ಒನ್ ಥರ್ಡ್ ಕಾರ್ಡ್ ಅನ್ನು ಗ್ರಾಹಕರ ಜೀವನಶೈಲಿ ಕಾರ್ಡ್ ಆಗಿ ಪರಿವರ್ತಿಸುವತ್ತ ಸಾಗುತ್ತಿದ್ದೇವೆ. ಯಾವುದೇ ಶುಲ್ಕವಿಲ್ಲದೆ ಪಾರದರ್ಶಕವಾಗಿ ಕಾರ್ಡ್ ಅನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಅವರು ಹೇಳಿದರು.

ಶುಲ್ಕವಿಲ್ಲ

ಯುನಿ 'ಮೂರನೇ ಒಂದು ಪಾವತಿ' ಕಾರ್ಡ್ ಹೊಂದಿರುವವರಿಗೆ ಪ್ರಸ್ತುತ ಯಾವುದೇ ಪ್ರವೇಶ ಅಥವಾ ವಾರ್ಷಿಕ ಶುಲ್ಕವನ್ನು ವಿಧಿಸಲಾಗುವುದಿಲ್ಲ. ಪೇ ಒನ್ ಥರ್ಡ್ ಆ್ಯಪ್ ಮೂಲಕ ಕಾಲ ಕಾಲಕ್ಕೆ ನಮ್ಮ ಖರ್ಚು ಮಾಹಿತಿಯ ಬಗ್ಗೆ ನೀವು ತಿಳಿದುಕೊಳ್ಳಬಹುದು.

ಪಾವತಿ ದಿನಾಂಕ ಸಮೀಪಿಸುತ್ತಿದ್ದಂತೆ ಸಂದೇಶದ ರೂಪದಲ್ಲಿ ಎಚ್ಚರಿಕೆಯೂ ಇರುತ್ತದೆ. ಈ ಕಾರ್ಡ್ ಅನ್ನು 'ವೀಸಾ ಕಾರ್ಡ್' ಬೆಂಬಲದೊಂದಿಗೆ ತರಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ವೀಸಾ ಕಾರ್ಡುಗಳನ್ನು ಅನುಮತಿಸಿದಲ್ಲೆಲ್ಲಾ ಈ ಕಾರ್ಡ್ ಅನ್ನು ಬಳಸಬಹುದು. ಆಹಾರ, ದಿನಸಿ ಮತ್ತು ಇ-ಕಾಮರ್ಸ್ ಸೇರಿ ಪಿಒಎಸ್ ಲಭ್ಯವಿರುವಲ್ಲೆಲ್ಲಾ ಇದನ್ನು ಬಳಸಬಹುದು.

'ಪೇ ಒನ್ ಥರ್ಡ್' ಕಾರ್ಡ್‌ಗಾಗಿ ಅರ್ಜಿ ಸಲ್ಲಿಸಲು ಹೀಗೆ ಮಾಡಿ’

ದೀರ್ಘಾವಧಿಯ ಇಎಂಐ ಸೌಕರ್ಯಗಳು, ನೇರ ಬ್ಯಾಂಕ್ ವರ್ಗಾವಣೆ, ಶಾಲಾ ಶುಲ್ಕಗಳು ಮತ್ತು ರಿವಾರ್ಡ್ ಪಾಯಿಂಟ್‌ಗಳಂತಹ ವೈಶಿಷ್ಟ್ಯಗಳನ್ನೊಳಗೊಂಡಂತೆ ಕಾರ್ಡ್​ ಅನ್ನು ಶೀಘ್ರದಲ್ಲೇ ಅಪ್​ಡೇಟ್​ ಮಾಡಲಾಗುವುದು ಎಂದು ಯುನಿ ಹೇಳಿದೆ. ಪ್ರಸ್ತುತ ಯುನಿ ಆ್ಯಪ್, ಆಂಡ್ರಾಯ್ಡ್ ಬಳಕೆದಾರರಿಗೆ ಮಾತ್ರ ಲಭ್ಯವಿದೆ. ನೀವು ಆ್ಯಪ್ ಅನ್ನು ಡೌನ್‌ಲೋಡ್ ಮಾಡಿ ಮತ್ತು 'ಪೇ ಒನ್ ಥರ್ಡ್' ಕಾರ್ಡ್‌ಗಾಗಿ ಅರ್ಜಿ ಸಲ್ಲಿಸಬಹುದು.

5-10 ನಿಮಿಷದೊಳಗೆ ಡಿಜಿಟಲ್ ಕಾರ್ಡ್ ಲಭ್ಯ

25-60 ವರ್ಷದೊಳಗಿನ ಜನರು ಇದಕ್ಕೆ ಅರ್ಹರು. ಐದರಿಂದ ಹತ್ತು ನಿಮಿಷಗಳಲ್ಲಿ ಡಿಜಿಟಲ್ ಕಾರ್ಡ್ ನಿಮಗೆ ಲಭ್ಯವಾಗುತ್ತದೆ. ಕಾರ್ಡ್ ಅನ್ನು ಅಂಚೆ ಮೂಲಕ ಮನೆಗೆ ಕಳುಹಿಸಲಾಗುತ್ತದೆ.