ಅಮೃತಸರ: ಪಂಜಾಬ್ನ ಅಮೃತಸರ ವಿಮಾನ ನಿಲ್ದಾಣದಲ್ಲಿ ವಿದೇಶಿ ಕರೆನ್ಸಿ ಕಳ್ಳಸಾಗಣೆ ಮಾಡುತ್ತಿದ್ದ ಇಬ್ಬರು ಪ್ರಯಾಣಿಕರನ್ನು ಬಂಧಿಸಲಾಗಿದೆ. ಈ ಕರೆನ್ಸಿಯ ಮೌಲ್ಯವು 32.86 ಲಕ್ಷ ರೂಪಾಯಿಗಳಾಗಿವೆ. ಲಗೇಜು ತಪಾಸಣೆ ನಡೆಸುತ್ತಿದ್ದ ವೇಳೆ ಈ ಕರೆನ್ಸಿಗಳು ಪತ್ತೆಯಾಗಿವೆ.
ಅಮೃತಸರದಿಂದ ದುಬೈಗೆ ಏರ್ ಇಂಡಿಯಾ ವಿಮಾನ ಟೇಕ್ಆಫ್ ಸಜ್ಜಾಗಿತ್ತು. ಈ ವೇಳೆ ಸಿಐಎಸ್ಎಫ್ ಪೊಲೀಸರು ಪ್ರಯಾಣಿಕರ ಲಗೇಜ್ ತಪಾಸಣೆ ನಡೆಸುತ್ತಿದ್ದರು. ಈ ಸಂದರ್ಭದಲ್ಲಿ ಇಬ್ಬರು ಪ್ರಯಾಣಿಕರ ಬ್ಯಾಗ್ನಲ್ಲಿ ವಿಚಿತ್ರವಾದ ವಸ್ತುಗಳು ಕಂಡುಬಂದಿವೆ. ಹೊರತೆಗೆದು ಪರಿಶೀಲಿಸಿದಾಗ ಅವು ವಿದೇಶಿ ಕರೆನ್ಸಿಗಳು ಎಂದು ತಿಳಿದುಬಂದಿದೆ.
ಲಗೇಜುಗಳಲ್ಲಿ ಕಂಡುಬಂದ 21 ಸಾವಿರ ಯುರೋಗಳ ಸಮೇತ ಇಬ್ಬರು ಪ್ರಯಾಣಿಕರನ್ನೂ ಕಸ್ಟಮ್ಸ್ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ. ವಿದೇಶಕ್ಕೆ ಕೊಂಡೊಯ್ಯುತ್ತಿದ್ದ ವಿದೇಶಿ ಕರೆನ್ಸಿಗಳು ಭಾರತೀಯ ರೂಪಾಯಿ ಪ್ರಕಾರ 32,86,500 ರೂಪಾಯಿ ಮೌಲ್ಯದ್ದಾಗಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಓದಿ: ಸ್ವಂತ ಫ್ಲ್ಯಾಟ್‌ ಖರೀದಿಸಲು ಕನಸು ಕಾಣುತ್ತಿರುವ ಬೆಂಗಳೂರಿಗರಿಗೆ ಗುಡ್ ನ್ಯೂಸ್
