ಕಚ್ (ಗುಜರಾತ್): ಎರಡು ಸರಕು ಸಾಗಿಸುವ ಹಡಗುಗಳು ಡಿಕ್ಕಿ ಹೊಡೆದಿರುವ ಘಟನೆ ಗುಜರಾತ್ ಸಮೀಪದ ಕಚ್ ಕೊಲ್ಲಿಯಲ್ಲಿ ನಡೆದಿದೆ. ಏವಿಯೇಟರ್ ಹಾಗೂ ಎಂವಿ ಏನ್ಷಿಯಂಟ್ ಗ್ರೇಸ್ ಎಂಬ ಎರಡು ಹಡಗುಗಳು ಅಪಘಾತಕ್ಕೀಡಾಗಿವೆ. ಭಾರತೀಯ ಕೋಸ್ಟ್ ಗಾರ್ಡ್ ಪರಿಸ್ಥಿತಿಯ ಮೇಲೆ ನಿಗಾ ಇರಿಸಿರುವುದಾಗಿ ಐಸಿಜಿ ಅಧಿಕಾರಿಗಳು ತಿಳಿಸಿದ್ದಾರೆ.
ನವೆಂಬರ್ 26ರ ರಾತ್ರಿ ಈ ಘರ್ಷಣೆ ಸಂಭವಿಸಿದೆ. ಮಾಲಿನ್ಯ ನಿಯಂತ್ರಣ ನೌಕೆ ಸೇರಿದಂತೆ ಪ್ರದೇಶದಲ್ಲಿ ಭಾರತೀಯ ಕೋಸ್ಟ್ ಗಾರ್ಡ್ ಹಡುಗುಗಳು ಸಮೀಪದಲ್ಲಿ ಮುಂಜಾಗ್ರತಾ ಕ್ರಮವಾಗಿ ಸನ್ನದ್ಧವಾಗಿವಾಗಿವೆ ಎಂದು ಗುಜರಾತ್‌ನ ಡಿಫೆನ್ಸ್‌ ಪಿಆರ್‌ಒ ಮೂಲಗಳು ತಿಳಿಸಿವೆ.
ನ್ಯಾವಿಗೇಷನಲ್ ದೋಷದಿಂದ ಘರ್ಷಣೆ ಸಂಭವಿಸಿದೆ ಎನ್ನಲಾಗಿದೆ. ಯಾವುದೇ ಸಂಭವನೀಯ ತೈಲ ಸೋರಿಕೆಯನ್ನು ತಡೆಯಲು ಭಾರತೀಯ ಕೋಸ್ಟ್ ಗಾರ್ಡ್ ಪರಿಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡುತ್ತಿದೆ ಎಂದು ಐಸಿಜಿ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.
