ಅಗರ್ತಲಾ(ತ್ರಿಪುರಾ): ರಾಜ್ಯದಲ್ಲಿ ನೂತನವಾಗಿ ಬಿದಿರು ಬಾಟಲಿಯನ್ನು ತಯಾರಿಸುತ್ತಿರುವುದರಿಂದ ತ್ರಿಪುರಾ ಈಗ ರಾಷ್ಟ್ರವ್ಯಾಪಿ ಮೆಚ್ಚುಗೆ ಗಳಿಸುತ್ತಿದೆ. ಇದರ ಬೆನ್ನಲ್ಲೇ ಉತ್ಪಾದನೆಯನ್ನು ಹೆಚ್ಚಿಸಲು ಮತ್ತು ಅದರ ಗುಣಮಟ್ಟವನ್ನು ಸುಧಾರಿಸಲು ಹೆಚ್ಚಿನ ತಂತ್ರಜ್ಞಾನಗಳನ್ನು ಪರಿಚಯಿಸಿದೆ.
ಇನ್‌ಸ್ಟಿಟ್ಯೂಟ್ (ಬಿಸಿಡಿಐ) ತ್ರಿಪುರಾ ಮುಖ್ಯಸ್ಥ ಅಭಿನವ್ ಕಾಂತ್ ಈ ಸಂಬಂಧ ಮಾತನಾಡಿ, ಮೊದಲಿಗೆ ಬಾಟಲಿಗಳನ್ನು ಕೈಯಿಂದ ತಯಾರಿಸುವ ಕೆಲಸ ಮಾಡಲಾಗುತ್ತಿತ್ತು, ಬೇಡಿಕೆಯು ಬೆಳೆಯಲು ಪ್ರಾರಂಭಿಸಿರುವುದನ್ನು ನೋಡಿ ಉತ್ಪಾದಕತೆ ಹೆಚ್ಚಿಸುವ ಕೆಲವು ಯಂತ್ರಗಳು ಮತ್ತು ಪ್ರಕ್ರಿಯೆಗಳನ್ನು ಅಭಿವೃದ್ಧಿಪಡಿಸಲಾಗಿದೆ ಎಂದಿದ್ದಾರೆ.
ಈ ಬಾಟಲಿಯನ್ನು ಬಿದಿರು ಮತ್ತು ಕಬ್ಬಿನ ಅಭಿವೃದ್ಧಿ ಸಂಸ್ಥೆಯಲ್ಲಿ (ಬಿಸಿಡಿಐ) ಈಶಾನ್ಯ ಕೇಂದ್ರದ ಆದೇಶದ ಮೇರೆಗೆ ವಿನ್ಯಾಸಗೊಳಿಸಲಾಗಿದೆ ಮತ್ತು ಅಭಿವೃದ್ಧಿಪಡಿಸಲಾಗಿದೆ. ಉತ್ಪಾದನೆಯನ್ನು ಕೂಲಂಕಷವಾಗಿ ಪರಿಶೀಲಿಸಲು ಪ್ರಯತ್ನಿಸುತ್ತಿದ್ದೇವೆ. ಇದರಿಂದ ಉತ್ಪನ್ನದ ಹೆಚ್ಚುತ್ತಿರುವ ಬೇಡಿಕೆಯನ್ನು ಸಮಯಕ್ಕೆ ಮತ್ತು ಶ್ರದ್ಧೆಯಿಂದ ಪೂರೈಸಬಹುದು ಎಂದು ಹೇಳಿದರು.
ಇದನ್ನೂ ಓದಿ: ಚಲಿಸುತ್ತಿದ್ದ ರೈಲಿನಿಂದ ಬಿದ್ದು ರೈಲ್ವೆ ನೌಕರ ಸಾವು: ಸಿಸಿಟಿವಿಯಲ್ಲಿ ದೃಶ್ಯ ಸೆರೆ
ICAR, ISRO ಮುಂತಾದ ಕೇಂದ್ರ ಸರ್ಕಾರಿ ಸಂಸ್ಥೆಗಳು ಈ ಉತ್ಪನ್ನಗಳಿಗೆ ಹೆಚ್ಚಿನ ಬೇಡಿಕೆ ಇಡುತ್ತಿವೆ. ಬಿದಿರಿನ ಬಾಟಲಿಯನ್ನು ಮೊದಲ ಬಾರಿಗೆ ಜನವರಿ 2020 ರಲ್ಲಿ ಬಿಡುಗಡೆ ಮಾಡಲಾಯಿತು ಎಂದು ಮಾಹಿತಿ ನೀಡಿದರು.
