ಹೈದರಾಬಾದ್: ಅಂತಾರಾಷ್ಟ್ರೀಯ ಡ್ರಗ್ಸ್ ಪೆಡ್ಲರ್ಗಳನ್ನು ಮಲ್ಕಜಿಗಿರಿ ಪೊಲೀಸರು ಹೆಡೆಮುರಿ ಕಟ್ಟಿದ್ದಾರೆ. ಶೇಖ್ ಫರಿದ್ ಮೊಹಮ್ಮದ್ ಆಲಿ (30) ಮತ್ತು ಫೈಜಾನ್ ಅರುಣ್ ಮುಜಾಹಿದ್ (28) ಬಂಧಿತ ಆರೋಪಿಗಳು. ಇವರು ಶಂಶಾಬಾದ್ ವಿಮಾನ ನಿಲ್ದಾಣದಿಂದ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ಗೆ ಡ್ರಗ್ ಅನ್ನು ಮಾರಾಟ ಮಾಡುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.
ಜೀವಕ್ಕೆ ಮಾರಕವಾದ ಡ್ರಗ್ ಅನ್ನು ಬಳೆ ಬಾಕ್ಸ್ ಮತ್ತು ಬ್ರಾಂಡೆಡ್ ಬಟ್ಟೆ ಬಾಕ್ಸ್ಗಳಲ್ಲಿ ಇಟ್ಟು ಕೊರಿಯರ್ ಏಜೆನ್ಸಿ ಮೂಲಕ ಕಳುಹಿಸುತ್ತಿದ್ದರು. ಕಳೆದ ವರ್ಷ ಡಿಸೆಂಬರ್ನಲ್ಲಿ ರಾಚಕೊಂಡದಲ್ಲಿ ದೊಡ್ಡ ಪ್ರಮಾಣದ ಡ್ರಗ್ ವಶ ಪಡಿಸಿಕೊಂಡ ಪ್ರಕರಣದಲ್ಲಿ ಈ ಇಬ್ಬರು ಆರೋಪಿಗಳು ಭಾಗಿಯಾಗಿದ್ದರು. ಈ ಪ್ರಕರಣದ ಬೆನ್ನಲ್ಲೇ ಇವರು ತಮ್ಮ ಕಾರ್ಯಚಟುವಟಿಕೆಯನ್ನು ಕೊಂಚ ದಿನಗಳ ಮಟ್ಟಿಗೆ ನಿಲ್ಲಿಸಿದ್ದು, ಮತ್ತೆ ಇದೀಗ ದಂಧೆಯನ್ನು ಪುನಾರಂಭಿಸಿದ್ದಾರೆ. ಆಸ್ಟ್ರೇಲಿಯಾಗೆ ಅವರು ಸರಕು ಕಳುಹಿಸುತ್ತಿದ್ದಾಗ ವಶಕ್ಕೆ ಪಡೆಯಲಾಗಿದೆ. ಅವರಿಂದ 55 ಲಕ್ಷ ಮೊತ್ತದ ಅರ್ಧ ಕೆಜಿ ಡ್ರಗ್ಸ್, 80 ಗ್ರಾಂ ಚಿನ್ನ, ಪಾಸ್ಪೋರ್ಟ್ ಮತ್ತು ಎರಡು ಫೋನ್ಗಳನ್ನು ವಶಕ್ಕೆ ಪಡೆಯಲಾಗಿದೆ. ಮತ್ತೊಂದು ಪ್ರಕರಣದಲ್ಲಿ ಡ್ರಗ್ ಡಾನ್ ರಹಿಂ ತಲೆ ಮರೆಸಿಕೊಂಡಿದ್ದಾನೆ. ಈತ ಎಲ್ಬಿ ನಗರ ಪ್ರಕರಣದಲ್ಲಿ ಭಾಗಿಯಾಗಿದ್ದ ಎಂಬುದರ ಕುರಿತು ಕಮಿಷನರ್ ಡಿಎಸ್ ಚೌಹಾಣ್ ಮಾಹಿತಿ ನೀಡಿದ್ದಾರೆ.
ಸಹೋದರಿಯನ್ನು ನೋಡಲು ಹೋಗಿ, ಸ್ಮಗ್ಲರ್ ಆದ: ಶೇಕ್ ಫರೀದ್ ಮತ್ತು ಫೈಜಾನ್ ಪುಣೆಯಲ್ಲಿ ಸ್ನೇಹಿತರಾಗಿದ್ದರು. ಫರೀದ್ ಆಗಾಗ್ಗೆ ಚೆನ್ನೈಗೆ ತನ್ನ ತಂಗಿಯನ್ನು ನೋಡಲು ಹೋಗುತ್ತಿದ್ದಾಗ, ಈ ಕಳ್ಳಸಾಗಣೆ ದಂಧೆಯಲ್ಲಿ ಸೇರಿದ. ಆತನ ಸ್ನೇಹಿತ ಫೈಜಾನ್ ಕೂಡ ಇದರಲ್ಲಿ ಭಾಗಿಯಾದ. ಈ ವೇಳೆ ಅವರು ಚೆನ್ನೈನಲ್ಲಿ ರಸುಲುದ್ದೀನ್ (39)ಅನ್ನು ಭೇಟಿಯಾಗಿ ಡ್ರಗ್ಸ್ ಸರಬರಾಜು ಮಾಡುತ್ತಿದ್ದರು. ಡ್ರಗ್ಸ್ ತಂದರೆ ಲಾಭ ಮಾಡಬಹುದು ಎಂಬ ಆಮಿಷವನ್ನು ರಸೂಲ್ ತೋರಿಸಿದ್ದ. ಕೆಲವು ದಿನಗಳ ಬಳಿಕ ಈ ವೃತ್ತಿಗೆ ಮೊಹಮ್ಮದ್ ಕಸೀಂ (33) ಕೂಡ ಸೇರಿದ. ಡ್ರಗ್ಸ್ ಡಾನ್ ರಹೀಂ ಅಡಿಯಲ್ಲಿ ರಸೂಲ್, ಫರಿದ್, ಫೈಜಾನ್ ಮತ್ತು ಕಸಿಂ ಕಾರ್ಯ ನಿರ್ವಹಿಸುತ್ತಿದ್ದರು. ಸ್ಯೂಡೋಫೆಡ್ರಿನ್ ಅನ್ನು ಪುಣೆ ಮತ್ತು ಶಂಶಾಬಾದ್ ವಿಮಾನ ನಿಲ್ದಾಣದ ಮೂಲಕ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ಗೆ ಸಾಗಿಸುತ್ತಿದ್ದರು. ಸಾಮಾನ್ಯವಾಗಿ ಈ ರೀತಿಯ ಡ್ರಗ್ಗಳು ವಿಮಾನ ನಿಲ್ದಾಣದಲ್ಲಿ ಸ್ಕಾನಿಂಗ್ ಮಷಿನ್ ಮೂಲಕ ಪತ್ತೆ ಮಾಡಲಾಗಿದೆ ಎಂದು ಪೊಲೀಸ್ ಅಧಿಕಾರಿ ವಿವರಿಸಿದರು.
ಎರಡು ತಿಂಗಳಲ್ಲಿ ಸೇರೆ: ಈ ನಾಲ್ವರು ನೂರಾರು ಕೋಟಿಯ ಡ್ರಗ್ಸ್ಗಳನ್ನು ಡಿಸೆಂಬರ್ವರೆಗೆ 15 ಬಾರಿ ಶಂಶಬಾದ್ ಮತ್ತು ಪುಣೆ ವಿಮಾನ ನಿಲ್ದಾಣದ ಮೂಲಕ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್ಗೆ ಸಾಗಿಸಿದ್ದಾರೆ. ಚೆನ್ನೈನಲ್ಲಿದ್ದ ರಹೀಂ ಸರಕು ಎಲ್ಲಿದೆ, ಎಲ್ಲಿಗೆ ಸಾಗಿಸಬೇಕು ಎಂದು ತಿಳಿಸುತ್ತಾನೆ. ಈತ ಪ್ರಯಾಣದ ವೆಚ್ಚ ಮತ್ತು ವಿಳಾಸವನ್ನು ನೀಡುತ್ತಿದ್ದ. ಸರಕು ಸಾಗಿಸಿದ್ದಕ್ಕೆ ಈ ನಾಲ್ವರು ಕಮಿಷನ್ ಅನ್ನು ಕೂಡ ಪಡೆಯುತ್ತಿದ್ದರು. ಹೈದ್ರಾಬಾದ್ನಲ್ಲಿ ಕಳೆದ ಡಿಸೆಂಬರ್ನಲ್ಲಿ 8.5 ಕೆಜಿಯ 9 ಕೋಟಿ ಮೊತ್ತದ ಡ್ರಗ್ಸ್ ಪ್ರಕರಣದಲ್ಲಿ ಕಸೀಂ ಮತ್ತು ರಸುಲುದ್ದಿನ್ ನನ್ನು ಬಂದಿಸಿದರು. ಈ ವೇಳೆ ಫರೀದ್, ಫೈಜಾನ್ ಮೊಬೈಲ್ ಸ್ವಿಚ್ ಆಫ್ ಮಾಡಿ ನಾಪತ್ತೆಯಾಗಿದ್ದರು.
ಹೈದರಾಬಾದ್ಗೆ ನಾಲ್ಕು ದಿನದ ಹಿಂದೆ ಆರೋಪಿಗಳು ಎಂಟ್ರಿ: ಹೈದಬಾದ್ನಲ್ಲಿ ತಮ್ಮ ಸಹೋದ್ಯೋಗಿ ಬಂಧನವಾಗುತ್ತಿದ್ದಂತೆ ಫರಿದ್ ಮತ್ತು ಫೈಜಾನ್ ನಾಪತ್ತೆಯಾಗಿದ್ದರು. ಫೆಬ್ರವರಿಯಿಂದ ಮತ್ತೆ ಕಾರ್ಯಚಾರಣೆಗೆ ಇಳಿದಿದ್ದಾರೆ. ನಾಲ್ಕು ದಿನಗಳ ಹಿಂದೆ ಹೈದ್ರಾಬಾದ್ಗೆ ಬಂದ ಅವರು ಶಂಶಾಬಾದ್ ವಿಮಾನ ನಿಲ್ದಾಣದ ಮೂಲಕ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ಗೆ ಡ್ರಗ್ಸ್ ಸಾಗಿಸಲು ಮುಂದಾಗಿದ್ದರು. ಈ ವೇಳೆ ಸ್ವಾಟ್ ಇನ್ಸ್ಪೆಕ್ಟರ್ ರಾಮುಲು ತಂಡ ಈ ಆರೋಪಿಗಳನ್ನು ವಶಕ್ಕೆ ಪಡೆದಿದ್ದು, 1 ಕೋಟಿ ಮೊತ್ತದ ಡ್ರಗ್ಸ್ ವಶಕ್ಕೆ ಪಡೆದಿದ್ದಾರೆ.
ಇದನ್ನೂ ಓದಿ: ಯುವತಿಯರಿಗೆ ಡ್ರಗ್ಸ್ ನೀಡಿ, ಲೈಂಗಿಕ ದೌರ್ಜನ್ಯ; ಮುಂಬೈ ಗ್ಯಾಂಗ್ ಬಂಧನ
