ಡಾರ್ಜಿಲಿಂಗ್: ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ವಿರುದ್ಧ ಬಿಜೆಪಿ ನಾಯಕ ಸುವೇಂದು ಅಧಿಕಾರಿ ಗುಡುಗಿದ್ದು, ಜೈ ಬಾಂಗ್ಲಾ ಘೋಷಣೆಯನ್ನು ಕೂಗುವ ಮೂಲಕ ಟಿಎಂಸಿ ಬಂಗಾಳವನ್ನು ಬಾಂಗ್ಲಾದೇಶವನ್ನಾಗಿ ಪರಿವರ್ತಿಸಲು ಹೊರಟಿದೆ ಎಂದು ಹೇಳಿದ್ದಾರೆ.
ಡಾರ್ಜಿಲಿಂಗ್ ಜಿಲ್ಲೆಯ ಸಿಲಿಗುರಿ ಉಪವಿಭಾಗದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಟಿಎಂಸಿ ಪಕ್ಷ ಏನು ಮಾಡಿದರೂ ಪ್ರಯೋಜನವಿಲ್ಲ. ಈ ಬಾರಿಯ ವಿಧಾನಸಭಾ ಚುನಾವಣೆಯಲ್ಲಿ ಪಶ್ಚಿಮ ಬಂಗಾಳದ ಜನತೆ 'ಡಬಲ್ ಇಂಜಿನ್' ಶಕ್ತಿ ಹೊಂದಿರುವ ಬಿಜೆಪಿಗೆ ಮತ ಚಲಾಯಿಸಲು ನಿರ್ಧರಿಸಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಹಾಗೂ ಅಮಿತ್ ಶಾ ಅವರು 2019 ರಲ್ಲಿ ಅರ್ಧ, 2021 ರಲ್ಲಿ ಸಂಪೂರ್ಣವಾಗಿ ನಮ್ಮ ಬಿಜೆಪಿ ಸರ್ಕಾರ ಬರಲಿದೆ ಎಂದು ಘೋಷಣೆ ನೀಡಿದ್ದರು. ಮುಂದೆ ಅದೇ ರೀತಿ ಆಗಲಿದೆ ಎಂದರು.
ಓದಿ: ಚಳಿಯ ತೀವ್ರತೆಗೆ ಲಡಾಖ್ನಲ್ಲಿ ಆಂಧ್ರ ಮೂಲದ ಯೋಧ ಸಾವು
ಕಳೆದ 4 ವರ್ಷಗಳ ಹಿಂದೆ ನಾರಾಯಣಗಂಜ್ನಲ್ಲಿ (ಬಾಂಗ್ಲಾದೇಶದಲ್ಲಿ) ಸಂಸದ ಶಮೀಮ್ ಉಸ್ಮಾನ್ ಅವರು 'ಖೇಲಾ ಹೋಬ್' ಘೋಷಣೆಯನ್ನು ಕೂಗಿದ್ದರು. ಟಿಎಂಸಿ ಪಕ್ಷ ಜೈ ಬಾಂಗ್ಲಾ ಎಂಬ ಘೋಷಣೆ ಕೂಗುವ ಮೂಲಕ ಪಶ್ಚಿಮ ಬಂಗಾಳವನ್ನು ಬಾಂಗ್ಲಾದೇಶವನ್ನಾಗಿ ಮಾಡಲು ಬಯಸಿದೆ. ನಮ್ಮದು 'ಜೈ ಶ್ರೀರಾಮ್, ಭಾರತ್ ಮಾತಾಕಿ ಜೈ' ಎಂಬ ಘೋಷಣೆ ಮಾತ್ರ ಎಂದರು.
ಕೇಂದ್ರ ಸಚಿವ ಗೃಹ ಸಚಿವ ಅಮಿತ್ ಶಾ ಫೆ.11 ರಂದು ಬ್ಯಾನರ್ಜಿಯನ್ನು ಗುರಿಯಾಗಿಸಿಕೊಂಡು ಚುನಾವಣೆ ಮುಗಿಯುವವರೆಗೂ ದೀದಿ ಅವರು ಜೈ ಶ್ರೀ ರಾಮ್ ಎಂದು ಜಪಿಸಲಿದ್ದಾರೆ ಎಂದು ಹೇಳಿದ್ದರು.
