ಆಂಧ್ರಪ್ರದೇಶ : ನಕಲಿ ಆಧಾರ್ ಕಾರ್ಡ್ ಮೂಲಕ ಭಕ್ತರನ್ನು ತಿರುಪತಿ ದರ್ಶನಕ್ಕೆ ಕರೆತರುತ್ತಿದ್ದ ಆಂಧ್ರ ಪ್ರದೇಶದ ವಿಧಾನಪರಿಷತ್ ಸದಸ್ಯ ಶೇಖ್ ಶಾಬ್ಜಿ ಎಂಬವರು ದೇವಸ್ಥಾನದ ವಿಜಿಲೆನ್ಸ್ ಅಧಿಕಾರಿಗಳ ಕೈಗೆ ಸಿಕ್ಕಿಬಿದ್ದಿದ್ದಾರೆ. ಶೇಖ್ ಶಾಬ್ಜಿ ಆಗಾಗ್ಗೆ ತಿರುಮಲ ಶ್ರೀಗಳ ದರ್ಶನಕ್ಕೆ ಬರುತ್ತಿದ್ದುದರಿಂದ ಹೆಚ್ಚುವರಿ ಇಒ ಕಚೇರಿ ಸಿಬ್ಬಂದಿ ಜಾಗೃತ ವಿಭಾಗದ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದರು. ಹೀಗಾಗಿ ಜನಪ್ರತಿನಿಧಿಯನ್ನು ಪರಿಶೀಲಿಸಿದಾಗ ನಕಲಿ ಆಧಾರ್ ಕಾರ್ಡ್ ಮೂಲಕ ಭಕ್ತರನ್ನು ದರ್ಶನಕ್ಕೆ ಕರೆದುಕೊಂಡು ಹೋಗುತ್ತಿರುವುದು ಪತ್ತೆಯಾಗಿದೆ.
ಶಾಬ್ಜಿ ತಿಂಗಳೊಳಗೆ 19 ಶಿಫಾರಸು ಪತ್ರಗಳನ್ನು ನೀಡಿ ಆರು ಮಂದಿಯಿಂದ 1 ಲಕ್ಷ ರೂ ವಸೂಲಿ ಮಾಡಿರುವುದು ಕಂಡುಬಂದಿದೆ. ಭಕ್ತರ ದೂರಿನ ಮೇರೆಗೆ ಎಂಎಲ್‌ಸಿ ಶಾಬ್ಜಿಯನ್ನು ಬಂಧಿಸಲಾಗಿತ್ತು. ಟಿಟಿಡಿ ವಿಜಿಲೆನ್ಸ್ ಅಧಿಕಾರಿಗಳ ದೂರಿನ ಪ್ರಕಾರ, ಶೇಖ್ ಶಾಬ್ಜಿ ವಿರುದ್ಧ ತಿರುಮಲ ಒಕಾಟೊ ಟೌನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ತಿರುಮಲ ತಿರುಪತಿ ವಿಜಿಲೆನ್ಸ್ ವಿಜಿಒ ಗಿರಿಧರ್ ರಾವ್ ಮಾತನಾಡಿದ್ದು, "ಶ್ರೀವಾರಿ ದರ್ಶನದಲ್ಲಿ ಅಕ್ರಮ ಎಸಗಿರುವ ಶಾಬ್ಜಿ ತಪ್ಪಿತಸ್ಥರಾಗಿದ್ದಾರೆ. ಇವರು ಶಿಫಾರಸು ಮಾಡಿರುವ ಭಕ್ತರ ಆಧಾರ್ ಕಾರ್ಡ್ ನಕಲಿ ಎಂದು ಪತ್ತೆಯಾಗಿದೆ. 14 ಮಂದಿಗೆ ಟಿಕೆಟ್ ನೀಡುವಂತೆ ಅವರು ಕೋರಿದ್ದರು. ಹೆಚ್ಚುವರಿ ಇ ಒ ಕಚೇರಿ 10 ಚೀಟಿಗಳನ್ನು ನೀಡಿದೆ. ಒಂದು ಲಕ್ಷದ ಐದು ಸಾವಿರ ರೂ ಹಣ ತೆಗೆದುಕೊಂಡಿದ್ದಾರೆ ಎಂದು ಭಕ್ತರು ತಿಳಿಸಿದ್ದಾರೆ. ಚಾಲಕ ರಾಜು ಜೊತೆಗೆ ಶಾಬ್ಜಿಯನ್ನೂ ಪೊಲೀಸರ ವಶಕ್ಕೆ ಒಪ್ಪಿಸಲಾಗಿದೆ" ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ದೇವಸ್ಥಾನ ಪ್ರವೇಶಿಸಲು ಮಹಿಳೆಯರಂತೆ ವೇಷ ಧರಿಸುವ ಪುರುಷರು!
