ಭಯೋತ್ಪಾದನೆಯನ್ನು ನಿಲ್ಲಿಸಲೇಬೇಕು: ಪಾಕ್ ವಿರುದ್ಧ ವಿದೇಶಾಂಗ ಸಚಿವ ಜೈಶಂಕರ್ ತೀವ್ರ ವಾಗ್ದಾಳಿ

ಭಯೋತ್ಪಾದನೆಯನ್ನು ಯಾರೂ ಯಾವ ಕಾರಣಕ್ಕೂ ಸಮರ್ಥನೆ ಮಾಡಿಕೊಳ್ಳಲು ಸಾಧ್ಯವಿಲ್ಲ ಎಂದು ವಿದೇಶಾಂಗ ಸಚಿವ ಎಸ್.ಜೈಶಂಕರ್ ಹೇಳಿದ್ದಾರೆ.

ಪಣಜಿ (ಗೋವಾ) : ಗಡಿಯಾಚೆಯಿಂದ ಭಯೋತ್ಪಾದನೆ ನಡೆಸುತ್ತಿರುವ ಪಾಕಿಸ್ತಾನದ ವಿರುದ್ಧ ವಿದೇಶಾಂಗ ಸಚಿವ ಎಸ್.ಜೈಶಂಕರ್ ತೀವ್ರ ವಾಗ್ದಾಳಿ ನಡೆಸಿದ್ದಾರೆ. ಗೋವಾದಲ್ಲಿ ನಡೆಯುತ್ತಿರುವ ಶಾಂಘೈ ಸಹಕಾರ ಒಕ್ಕೂಟ (ಎಸ್​ಸಿಓ) ದೇಶಗಳ ವಿದೇಶಾಂಗ ಮಂತ್ರಿಗಳ ಸಮ್ಮೇಳನದ ಕೊನೆಯ ದಿನದಂದು ಸಭೆಯಲ್ಲಿ ಮಾತನಾಡಿದ ಸಚಿವ ಎಸ್. ಜೈಶಂಕರ್, ಭಯೋತ್ಪಾದನೆಯ ಸಮಸ್ಯೆ ಈಗಲೂ ಮುಂದುವರೆದಿದೆ ಎಂದರು.

“ಭಯೋತ್ಪಾದನೆಗೆ ಯಾವುದೇ ಸಮರ್ಥನೆ ಇರುವುದಿಲ್ಲ ಮತ್ತು ಗಡಿಯಾಚೆಗಿನ ಭಯೋತ್ಪಾದನೆ ಸೇರಿದಂತೆ ಅದರ ಎಲ್ಲಾ ರೂಪಗಳು ಮತ್ತು ಅಭಿವ್ಯಕ್ತಿಗಳಲ್ಲಿ ಅದನ್ನು ನಿಲ್ಲಿಸಬೇಕು ಎಂದು ನಾವು ದೃಢವಾಗಿ ನಂಬುತ್ತೇವೆ. ಭಯೋತ್ಪಾದನೆಯನ್ನು ಎದುರಿಸುವುದು ಎಸ್​ಸಿಓ ದ ಮೂಲ ಉದ್ದೇಶಗಳಲ್ಲಿ ಒಂದಾಗಿದೆ ಎಂದು ಜೈಶಂಕರ್ ಹೇಳಿದರು. ಪಾಕಿಸ್ತಾನದ ವಿದೇಶಾಂಗ ಸಚಿವರು ಈ ಸಮಯದಲ್ಲಿ ಹಾಜರಿದ್ದುದು ಗಮನಾರ್ಹ. "ಎಸ್​ಸಿಓ ಅಧ್ಯಕ್ಷನಾಗಿ ಭಾರತವು 14 ಕ್ಕೂ ಹೆಚ್ಚು ಸಾಮಾಜಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಆಹ್ವಾನಿಸುವ ಮೂಲಕ ಎಸ್​ಸಿಓ ವೀಕ್ಷಕರು ಮತ್ತು ಸಂವಾದ ಪಾಲುದಾರರೊಂದಿಗೆ ಅಭೂತಪೂರ್ವ ಸಂಬಂಧವನ್ನು ಪ್ರಾರಂಭಿಸಿದೆ" ಎಂದು ಜೈ ಶಂಕರ್ ಹೇಳಿದರು.

• No shake hand, only Namastey..., Jaishankar greets Pakistan minister Zardari at SCO meet in Goa
  
  Read @ANI Story | https://t.co/G64RNIgYJb#India #Pakistan #BilawalBhuttoZardari #jaishankar #SCO #Goa #Namastey pic.twitter.com/GNraDUuBkY

  — ANI Digital (@ani_digital) May 5, 2023 " class="align-text-top noRightClick twitterSection" data="

  No shake hand, only Namastey..., Jaishankar greets Pakistan minister Zardari at SCO meet in Goa
  
  Read @ANI Story | https://t.co/G64RNIgYJb#India #Pakistan #BilawalBhuttoZardari #jaishankar #SCO #Goa #Namastey pic.twitter.com/GNraDUuBkY

  — ANI Digital (@ani_digital) May 5, 2023

  ">

  No shake hand, only Namastey..., Jaishankar greets Pakistan minister Zardari at SCO meet in Goa
  
  Read @ANI Story | https://t.co/G64RNIgYJb#India #Pakistan #BilawalBhuttoZardari #jaishankar #SCO #Goa #Namastey pic.twitter.com/GNraDUuBkY

  — ANI Digital (@ani_digital) May 5, 2023

ಎಸ್‌ಸಿಓ ಸುಧಾರಣೆ ಮತ್ತು ಆಧುನೀಕರಣದ ವಿಷಯಗಳ ಕುರಿತು ಈಗಾಗಲೇ ಚರ್ಚೆ ಪ್ರಾರಂಭವಾಗಿರುವುದು ಸಂತೋಷದ ವಿಷಯ. ಇಂಗ್ಲಿಷ್ ಮಾತನಾಡುವ ಸದಸ್ಯ ರಾಷ್ಟ್ರಗಳೊಂದಿಗೆ ಆಳವಾದ ಸಂಪರ್ಕ ಏರ್ಪಡಿಸಲು ಇಂಗ್ಲಿಷ್​ ಅನ್ನು ಎಸ್​ಸಿಓ ದ 3 ನೇ ಅಧಿಕೃತ ಭಾಷೆಯಾಗಿ ಮಾಡುವ ಭಾರತದ ದೀರ್ಘಕಾಲದ ಬೇಡಿಕೆಗೆ ನಾನು ಸದಸ್ಯ ರಾಷ್ಟ್ರಗಳ ಬೆಂಬಲವನ್ನು ಕೋರುತ್ತೇನೆ ಎಂದು ಅವರು ಹೇಳಿದರು.

ಎಸ್​ಸಿಓ ನಲ್ಲಿ ಬಹುಮುಖಿ ಸಹಕಾರದ ಅಭಿವೃದ್ಧಿಗೆ ಮತ್ತು ಶಾಂತಿ, ಸ್ಥಿರತೆಯನ್ನು ಉತ್ತೇಜಿಸಲು ಭಾರತ ಹೆಚ್ಚಿನ ಪ್ರಾಮುಖ್ಯತೆ ನೀಡುತ್ತದೆ ಎಂದು ಸಚಿವ ಜೈಶಂಕರ್ ತಿಳಿಸಿದರು. ಇದಕ್ಕೂ ಮುನ್ನ, ಗೋವಾದಲ್ಲಿ ನಡೆದ ಎಸ್‌ಸಿಒ ವಿದೇಶಾಂಗ ಸಚಿವರ ಶೃಂಗಸಭೆಯ ಎರಡನೇ ದಿನದಂದು ಎಸ್ ಜೈಶಂಕರ್ ವಿವಿಧ ದೇಶಗಳ ವಿದೇಶಾಂಗ ಸಚಿವರನ್ನು ಸ್ವಾಗತಿಸಿದರು. ಚೀನಾದ ವಿದೇಶಾಂಗ ಸಚಿವ ಕಿನ್ ಗ್ಯಾಂಗ್, ರಷ್ಯಾದ ವಿದೇಶಾಂಗ ಸಚಿವ ಸೆರ್ಗೆ ಲಾವ್ರೊವ್, ಪಾಕಿಸ್ತಾನದ ವಿದೇಶಾಂಗ ಸಚಿವ ಬಿಲಾವಲ್ ಭುಟ್ಟೊ ಜರ್ದಾರಿ, ಕಿರ್ಗಿಸ್ತಾನ್, ಕಜಕಿಸ್ತಾನ್, ಉಜ್ಬೇಕಿಸ್ತಾನ್ ಮತ್ತು ತಜಕಿಸ್ತಾನ್ ವಿದೇಶಾಂಗ ಸಚಿವರನ್ನು ಅವರು ಸ್ವಾಗತಿಸಿದರು.

ಶಾಂಘೈ ಸಹಕಾರ ಒಕ್ಕೂಟ (SCO) ಇದು ಯುರೇಷಿಯಾ ದೇಶಗಳ ರಾಜಕೀಯ, ಆರ್ಥಿಕ ಮತ್ತು ಮಿಲಿಟರಿ ಸಹಕಾರ ಸಂಸ್ಥೆಯಾಗಿದೆ. 1996 ರಲ್ಲಿ ಚೀನಾ, ರಷ್ಯಾ, ಕಝಾಕಿಸ್ತಾನ್, ಕಿರ್ಗಿಸ್ತಾನ್ ಮತ್ತು ತಜಿಕಿಸ್ತಾನ್ ನಾಯಕರಿಂದ ಶಾಂಘೈ ಫೈವ್ ಆಗಿ ಈ ಒಕ್ಕೂಟ ಪ್ರಾರಂಭವಾಯಿತು. ಇದನ್ನು 2001 ರಲ್ಲಿ SCO ಎಂದು ಮರುನಾಮಕರಣ ಮಾಡಲಾಯಿತು. SCO 19 ಸೆಪ್ಟೆಂಬರ್ 2003 ರಂದು ಜಾರಿಗೆ ಬಂದಿತು. ಸ್ಥಾಪಕ ಸದಸ್ಯರ ಹೊರತಾಗಿ, ಉಜ್ಬೇಕಿಸ್ತಾನ್ ನಂತರ ಖಾಯಂ ಸದಸ್ಯನಾಗಿ ಗುಂಪಿಗೆ ಸೇರಿತು. ಭಾರತ ಮತ್ತು ಪಾಕಿಸ್ತಾನಗಳು ಸಂಸ್ಥೆಗೆ ಹೊಸ ಸೇರ್ಪಡೆಯಾಗಿವೆ.

ಇದನ್ನೂ ಓದಿ : ಹತ್ಯಾ ಯತ್ನಗಳಿಗೆ ಉನ್ನತ ಗುಪ್ತಚರ ಅಧಿಕಾರಿಯೇ ಕಾರಣ: ಪಾಕ್ ಮಾಜಿ ಪ್ರಧಾನಿ ಆರೋಪ