ಗಡಿಯಲ್ಲಿ ಮತ್ತೆ ಮೂರು ಶಂಕಿತ ಡ್ರೋನ್​ಗಳ ಹಾರಾಟ.. ಸ್ಥಳದಲ್ಲಿ ಸೇನೆ ನಾಕಾಬಂಧಿ

ಗಡಿಯಲ್ಲಿ ಶಂಕಿತ ಪಾಕ್​ ಡ್ರೋನ್​ಗಳು ಹಾರಾಟ ನಡೆಸುತ್ತಿದ್ದು, ಅಧಿಕಾರಿಗಳು ಕಟ್ಟೆಚ್ಚರ ವಹಿಸಿದ್ದಾರೆ.

ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ಸಾಂಬಾ ಜಿಲ್ಲೆಯ ಮೂರು ಸ್ಥಳಗಳಲ್ಲಿ ಶಂಕಿತ ಪಾಕಿಸ್ತಾನದ ಡ್ರೋನ್‌ಗಳು ಹಾರಾಟ ನಡೆಸುತ್ತಿದ್ದವು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಗುರುವಾರ ರಾತ್ರಿ 8.30 ರ ಸುಮಾರಿಗೆ ಬ್ಯಾರಿ - ಬ್ರಾಹ್ಮಣ, ಚಿಲಾಡ್ಯದ ಮತ್ತು ಗಾಗ್ವಾಲ್ ಪ್ರದೇಶಗಳಲ್ಲಿ ಏಕಕಾಲಕ್ಕೆ ಡ್ರೋನ್​ಗಳ ಹಾರಾಟ ನಡೆದಿದೆ.

ಗಡಿ ಭದ್ರತಾ ಪಡೆ ಸಿಬ್ಬಂದಿ (ಬಿಎಸ್​ಎಫ್​​) ಚಿಲಾಡ್ಯದ ಡ್ರೋನ್​​ ಹೊಡೆದುರುಳಿಸಲು ಒಂದೆರಡು ಸುತ್ತಿನ ಗುಂಡು ಹಾರಿಸಿದ್ದರು. ಆದರೆ, ಯಾವುದೇ ಪ್ರಯೋಜನವಾಗಿಲ್ಲ. ಬ್ಯಾರಿ-ಬ್ರಾಹ್ಮಣ, ಗಗ್ವಾಲ್‌ನ ಜಮ್ಮು-ಪಠಾಣ್‌ಕೋಟ್ ಹೆದ್ದಾರಿಯಲ್ಲಿ ಸೈನ್ಯ ಸುಳಿದ ನಂತರ ಡ್ರೋನ್​ಗಳು ಕಣ್ಮರೆಯಾದವು ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಪೊಲೀಸರು ಮತ್ತು ಇತರ ಭದ್ರತಾ ಪಡೆಗಳು ಸ್ಥಳಗಳಿಗೆ ಭೇಟಿ ನೀಡಿ, ಪರಿಶೀಲನೆ ನಡೆಸಿವೆ.

ಕಳೆದ ಒಂದು ವಾರದ ಹಿಂದೆ ಕನಚಕ್​​ನ ಗಡಿಯಲ್ಲಿ ಸ್ಫೋಟಕ ವಸ್ತು ಸಾಗಿಸುತ್ತಿದ್ದ ಪಾಕಿಸ್ತಾನದ ಡ್ರೋನ್​ ಅನ್ನು ಭಾರತೀಯ ಸೇನೆ ಹೊಡೆದುರುಳಿಸಿತ್ತು.