ಕೊಲ್ಲಂ: ಈಟಿ ಮೀನುಗಾರಿಕೆ ಎಂಬುದು ಸಾಂಪ್ರದಾಯಿಕ ಪದ್ದತಿ. ಆಳ ನೀರಿನಲ್ಲಿ ಮೀನನ್ನು ಬೇಟೆಯಾಡುವ ಈ ಈಟಿ ಮೀನುಗಾರಿಕೆಗೆ ಕೊಲ್ಲಂನ ಯುವಕ ಶಿಬು ಜೋಸೆಫ್ ಇದೀಗ ಆಧುನಿಕ್ ಟಚ್ ನೀಡಿದ್ದಾರೆ. ಆಧುನಿಕ ಈಟಿಯಂತಹ ಗನ್ಗಳನ್ನು ಹಿಡಿದು ಆಳ ಸಮುದ್ರದಲ್ಲಿ ಮೀನುಗಳ ಬೇಟೆ ನಡೆಸುತ್ತಾರೆ. ವೃತ್ತಿಯಲ್ಲಿ ಸ್ಕೂಬಾ ಡೈವರ್ ಆಗಿರುವ ಶಿಬು ಈಟಿ ಮೀನುಗಾರಿಕೆಯಲ್ಲೂ ಪರಿಣಿತರಾಗಿದ್ದಾರೆ.
ಈ ಕುರಿತು ತಮ್ಮ ಅನುಭವ ಹಂಚಿಕೊಂಡಿರುವ ಶಿಬು, ವೃತ್ತಿಯಲ್ಲಿ ನಾನು ಆಳ ಸಮುದ್ರದ ಸ್ಕೂಬಾ ಡೈವರ್ ಆಗಿದ್ದೇನೆ. ಇದಾದ ಬಳಿಕ ನಾನು ಈಟಿ ಮೀನುಗಾರಿಕೆಯಲ್ಲಿ ಪರಿಣಿತಿ ಪಡೆದಿದ್ದೇನೆ. ಹಲವು ವರ್ಷಗಳ ಅಭ್ಯಾಸದಿಂದ ನಾನು ಆತ್ಮವಿಶ್ವಾಸದಿಂದ ಇದನ್ನು ಮಾಡುತ್ತಿದ್ದು, ಈ ಕಾರ್ಯವನ್ನು ಆನಂದಿಸುತ್ತಿದ್ದೇನೆ. ಈ ಈಟಿ ಮೀನುಗಾರಿಕೆಯನ್ನು ಜನರು ಯಾವುದೇ ತರಬೇತಿ ಅಥವಾ ಪರಿಣಿತರ ಸಲಹೆ ಇಲ್ಲದೇ ಅನುಸರಿಸುವುದು ತಪ್ಪು ಎಂದು ನಾನು ಸಾರ್ವಜನಿಕರಿಗೆ ಸಲಹೆ ನೀಡುತ್ತೇನೆ. ನೀರಿ ಹರಿವು ಮತ್ತು ನೀರಿನ ಆಳದ ಪರಿಚಯ ಇರುವವರು ಈ ಸಾಹಸವನ್ನು ಅನುಸರಿಸಬಹುದಾಗಿದೆ.
ಸಮುದ್ರಾಳದ ಡೈವಿಂಗ್ ಮತ್ತು ಗನ್ ಫಿಶಿಂಗ್ ಕುರಿತು ಶಿಬು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಂಚಿಕೊಂಡ ಬಳಿಕ ಅವರನ್ನು ಗುರುತಿಸುವವರ ಸಂಖ್ಯೆ ಹೆಚ್ಚಿದೆ. ಶಿಬು ಆಳ ಸಮುದ್ರಕ್ಕೆ ಈಟಿ ಜೊತೆಗೆ ಇಳಿದರೆ, ಮೀನಿನೊಂದಿಗೆ ಹೊರ ಬರುತ್ತಾರೆ. ಇದನ್ನು ನೋಡಲು ಅನೇಕ ಜನರು ಥಂಕಸ್ಸೆರಿ ಸಮುದ್ರ ಸೇತುವೆ ಬಳಿ ಜಮಾಯಿಸುತ್ತಾರೆ.
ಈಟಿ ಮೀನುಗಾರಿಕೆಯಲ್ಲಿ ಶಿಬು ಸ್ಪೇರ್ ಗನ್ ಬಳಕೆ ಮಾಡುತ್ತಾರೆ. ಮೀನು ಎಲ್ಲಿದೆ ಎಂಬುದನ್ನು ಗಮನಿಸಿ ಅವರು ಶೂಟ್ ಮಾಡುತ್ತಾರೆ. ಮೀನುಗಾರಿಕೆ ಎಂಬುದು ಕರಾವಳಿ ಜನರ ಜೀವನೋಪಯವಾಗಿದ್ದು, ಈಟಿ ಮೀನುಗಾರಿಕೆ ಹಳೆಯ ಕಾಲದ ವಿಧಾನವಾಗಿದೆ.
ಇದನ್ನೂ ಓದಿ: ಶೌಚಾಲಯದ ಒಂದೇ ಕೊಠಡಿಯಲ್ಲಿ ಎರಡು ಬೇಸಿನ್!
