ನವ ದೆಹಲಿ: ಸ್ಥಾಯಿ ಸಮಿತಿ ಸದಸ್ಯರನ್ನು ಆಯ್ಕೆ ಮಾಡಲು ದೆಹಲಿಯ ಮುನ್ಸಿಪಲ್ ಕಾರ್ಪೊರೇಷನ್ (ಎಂಸಿಡಿ) ಸದನದ ಕಲಾಪ ಶುಕ್ರವಾರ ಪುನರಾರಂಭವಾಗುತ್ತಿದ್ದಂತೆ, ಬಿಜೆಪಿ ಕೌನ್ಸಿಲರ್‌ಗಳು ಘೋಷಣೆ ಕೂಗಲು ಪ್ರಾರಂಭಿಸಿದರು. ಎಂಸಿಡಿ ಸ್ಥಾಯಿ ಸಮಿತಿಯ ಆರು ಸದಸ್ಯರ ಆಯ್ಕೆ ಇಂದು ಎಂಸಿಡಿ ಭವನದಲ್ಲಿ ನಡೆಯುತ್ತಿದೆ. ಮೇಯರ್ ಚುನಾವಣೆಯಂತೆಯೇ ಸ್ಥಾಯಿ ಸಮಿತಿ ಚುನಾವಣೆಯಲ್ಲೂ ಗೆಲ್ಲುವ ವಿಶ್ವಾಸವಿದೆ ಎಎಪಿಯ ಶಾಸಕ ಸೌರಭ್ ಭಾರದ್ವಾಜ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
-
#WATCH | Sloganeering by BJP councillors in Delhi MCD House ahead of the election of six members of the MCD Standing Committee pic.twitter.com/1Vuib67fqq
— ANI (@ANI) February 24, 2023 " class="align-text-top noRightClick twitterSection" data="
">#WATCH | Sloganeering by BJP councillors in Delhi MCD House ahead of the election of six members of the MCD Standing Committee pic.twitter.com/1Vuib67fqq
— ANI (@ANI) February 24, 2023#WATCH | Sloganeering by BJP councillors in Delhi MCD House ahead of the election of six members of the MCD Standing Committee pic.twitter.com/1Vuib67fqq
— ANI (@ANI) February 24, 2023
ಎಎಪಿ ಮತ್ತು ಬಿಜೆಪಿ ಕೌನ್ಸಿಲರ್‌ಗಳ ನಡುವಿನ ಘರ್ಷಣೆಯಿಂದ ಉಂಟಾದ ಸುದೀರ್ಘ ಕೋಲಾಹಲದ ನಂತರ ಎಂಸಿಡಿ ಸದನವನ್ನು ಮುಂದೂಡಿದ ಒಂದು ದಿನದ ನಂತರ ಮತ್ತೆ ಸಭೆ ಸೇರಲಾಗಿದೆ. ದೆಹಲಿಯ ಮಹಾನಗರ ಪಾಲಿಕೆಯ (ಎಂಸಿಡಿ) ಅತ್ಯುನ್ನತ ನಿರ್ಧಾರ ತೆಗೆದುಕೊಳ್ಳುವ ಸಮಿತಿಯ ಸದಸ್ಯರನ್ನು ಆಯ್ಕೆ ಮಾಡಲು ಚುನಾವಣೆ ನಡೆಸುವ ಪ್ರಕ್ರಿಯೆ ಬುಧವಾರ ಸಂಜೆ 6.15ರ ಸುಮಾರಿಗೆ ಪ್ರಾರಂಭವಾಗಿತ್ತು. ಸದಸ್ಯರ ಪ್ರತಿಭಟನೆ, ಹೈ-ವೋಲ್ಟೇಜ್ ಡ್ರಾಮಾದ ನಡುವೆ ಸದನವನ್ನು ಮುಂದೂಡಲಾಗಿತ್ತು. ಬುಧವಾರ ರಾತ್ರಿ ಬಿಜೆಪಿ ಮತ್ತು ಎಎಪಿಯ ಹಲವಾರು ಸದಸ್ಯರು ಎಂಸಿಡಿ ಹೌಸ್‌ನ ಚೇಂಬರ್‌ನಲ್ಲಿ ಪರಸ್ಪರ ಹೊಡೆದುಕೊಂಡು ಪ್ಲಾಸ್ಟಿಕ್ ಬಾಟಲಿಗಳನ್ನು ಎಸೆದುಕೊಂಡಿದ್ದರು. ಗುರುವಾರ ಬೆಳಗ್ಗೆ ಪರಿಸ್ಥಿತಿ ವಿಕೋಪಕ್ಕೆ ತಿರುಗಿ ಚುನಾವಣೆಯ ಸ್ಥಗಿತಗೊಂಡಿತ್ತು.
ಬಿಜೆಪಿ ಸೇರಿದ ಎಎಪಿ ಕೌನ್ಸಿಲರ್: ಇಂದು ಎಂಸಿಡಿ ಸ್ಥಾಯಿ ಸಮಿತಿ ಸದಸ್ಯರ ಚುನಾವಣೆಗೆ ನಿರ್ಣಾಯಕ ಮತದಾನಕ್ಕೆ ಮುಂಚಿತವಾಗಿ ಆಮ್ ಆದ್ಮಿ ಪಕ್ಷದ (AAP) ಕೌನ್ಸಿಲರ್ ಪವನ್ ಸೆಹ್ರಾವತ್ ಅವರು ಕೇಸರಿ ಪಕ್ಷಕ್ಕೆ ಸೇರಿದ್ದಾರೆ ಎಂದು ಬಿಜೆಪಿ ಘೋಷಿಸಿದೆ. ಕಾರ್ಯಾಧ್ಯಕ್ಷ ವೀರೇಂದ್ರ ಸಚ್‌ದೇವ ಮತ್ತು ಪ್ರಧಾನ ಕಾರ್ಯದರ್ಶಿ ಹರ್ಷ್ ಮಲ್ಹೋತ್ರಾ ಅವರು ಪಕ್ಷದ ದೆಹಲಿ ಘಟಕದ ಕಚೇರಿಯಲ್ಲಿ ಶ್ರೀ ಸೆಹ್ರಾವತ್ ಅವರನ್ನು ಸ್ವಾಗತಿಸಿದರು. ಅಲ್ಲಿ ಇತರ ದೆಹಲಿ ಬಿಜೆಪಿ ನಾಯಕರು ಉಪಸ್ಥಿತರಿದ್ದರು.
ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ನೇತೃತ್ವದ ಪಕ್ಷದಲ್ಲಿನ ಭ್ರಷ್ಟಾಚಾರದಿಂದಾಗಿ ಉಸಿರುಗಟ್ಟುವಿಕೆಯ ವಾತಾವರಣ ಸೃಷ್ಟಿಯಾಗಿದೆ. ಅಲ್ಲದೇ ಎಂಸಿಡಿ ಹೌಸ್ ಸಭೆಯಲ್ಲಿ ಗದ್ದಲ ಎಬ್ಬಿಸುವಂತೆ ಎಎಪಿ ಕೌನ್ಸಿಲರ್‌ಗಳಿಗೆ ಸೂಚನೆ ನೀಡಲಾಗಿತ್ತು. ಇದರಿಂದ ನಾನು ನೊಂದಿದ್ದೇನೆ ಎಂದು ಸೆಹ್ರಾವತ್ ಆರೋಪಿಸಿದ್ದಾರೆ.
ಬಿಜೆಪಿ ಮತ್ತು ಎಎಪಿ ಸದಸ್ಯರು ಮತದಾನದ ವೇಳೆ ಮೊಬೈಲ್ ಕೊಂಡೊಯ್ಯುವ ವಿಚಾರದಲ್ಲಿ ಭಿನ್ನಾಭಿಪ್ರಾಯ ಉಂಟಾದ ನಂತರ ಎಂಸಿಡಿ ಸದನವನ್ನು ಫೆಬ್ರವರಿ 23 ರಂದು ವಿಧಾನಸಭೆಯ ಒಂದು ಗಂಟೆಯೊಳಗೆ ಮುಂದೂಡಲಾಯಿತು. ಸ್ಥಾಯಿ ಸಮಿತಿಯ ಚುನಾವಣೆಯ ಸಂದರ್ಭದಲ್ಲಿ ಬಿಜೆಪಿಯ ಕೆಲವು ಕೌನ್ಸಿಲರ್‌ಗಳು ಮತಪೆಟ್ಟಿಗೆಯನ್ನು ಎಸೆದಿದ್ದಾರೆ ಮತ್ತು ಮತಪತ್ರಗಳನ್ನು ಹರಿದು ಹಾಕಿದ್ದಾರೆ ಎಂದು ಹೊಸದಾಗಿ ಆಯ್ಕೆಯಾದ ಮೇಯರ್ ಶೆಲ್ಲಿ ಒಬೆರಾಯ್ ಆರೋಪಿಸಿದ್ದಾರೆ.
ಸದಸ್ಯರ ನಡುವಿನ "ಭಿನ್ನಾಭಿಪ್ರಾಯ" ಮತ್ತು ಕ್ರಾಸ್-ವೋಟಿಂಗ್ ಅನ್ನು ಪರಿಶೀಲಿಸಲು ಫೋನ್‌ಗಳು ಸಹಾಯ ಮಾಡುತ್ತವೆ ಎಂದು ಎಎಪಿ ಕೌನ್ಸಿಲರ್‌ಗಳಿಗೆ ಮತದಾನದ ಸಮಯದಲ್ಲಿ ಮೊಬೈಲ್ ಫೋನ್‌ಗಳನ್ನು ಕೊಂಡೊಯ್ಯಲು ಸೂಚಿಸಲಾಗಿತ್ತು ಎಂದು ಪ್ರಧಾನ ಕಾರ್ಯದರ್ಶಿ ಹರ್ಷ್ ಮಲ್ಹೋತ್ರಾ ಹೇಳಿದ್ದಾರೆ. ಸ್ಥಾಯಿ ಸಮಿತಿಯ ಆರು ಸದಸ್ಯರ ಚುನಾವಣೆಯನ್ನು ನಡೆಸುವ ವಿಧಾನಕ್ಕೆ ಸಂಬಂಧಿಸಿದಂತೆ ಎರಡು ಪಕ್ಷಗಳ ಸದಸ್ಯರ ನಡುವೆ ವಾಗ್ವಾದ ನಡೆಯಿತು. "ಮೇಯರ್ ಅನುಮತಿ ನೀಡಿದ ಕಾರಣ ಮೊಬೈಲ್ ಫೋನ್ ಅನ್ನು ಸದಸ್ಯರು ಮೊದಲೇ ಬೂತ್ ಪ್ರದೇಶಕ್ಕೆ ಕೊಂಡೊಯ್ದಿದ್ದರು. ಹಾಗಾಗಿ ನಾವು ಹೊಸದಾಗಿ ಚುನಾವಣೆ ನಡೆಸುವಂತೆ ಕೇಳುತ್ತಿದ್ದೇವೆ. ನಾವು ಪ್ರತಿಭಟಿಸಿದ ನಂತರ ಅವರು ಅದನ್ನು ನಿರಾಕರಿಸಿದರುಎಂದು ಬಿಜೆಪಿ ಕೌನ್ಸಿಲರ್ ಶಿಖಾ ರೈ ಆರೋಪಿಸಿದರು.
ಹಲ್ಲೆ ನಡೆಸಲು ಯತ್ನಿಸಿದ್ದಾರೆ..: ಚುನಾವಣೆ ನಡೆಸುತ್ತಿದ್ದಾಗ ಅನೇಕ ಬಿಜೆಪಿ ಕೌನ್ಸಿಲರ್‌ಗಳು ತಮ್ಮ ಮೇಲೆ "ದಾಳಿ" ಮಾಡಲು ಪ್ರಯತ್ನಿಸಿದರು ಎಂದು ಎಎಪಿ ನಾಯಕಿ ಎಂಎಸ್ ಒಬೆರಾಯ್ ಆರೋಪಿಸಿದ್ದಾರೆ. ಬಿಜೆಪಿ ಗೂಂಡಾಗಿರಿ ಎಷ್ಟರಮಟ್ಟಿಗೆ ಎಂದರೆ ಅವರು ಮಹಿಳೆಯ ಮೇಲೆ ಹಲ್ಲೆ ನಡೆಸಲು ಯತ್ನಿಸುತ್ತಿದ್ದಾರೆ ಎಂದು ಎಎಪಿ ನೀಡಿರುವ ಹೇಳಿಕೆಯಲ್ಲಿ ಉಲ್ಲೇಖಿಸಲಾಗಿದೆ.
ಇದನ್ನೂ ಓದಿ: ಎಂಸಿಡಿ ಸ್ಥಾಯಿ ಸಮಿತಿ ಚುನಾವಣೆ; ಇಡೀ ರಾತ್ರಿ ಕೋಲಾಹಲ, ಬಿಜೆಪಿ ವಿರುದ್ಧ ಮತಪೆಟ್ಟಿಗೆ ಕಳವು ಆರೋಪ
