ಬಮಾಕೊ(ಮಾಲಿ): ಮಧ್ಯ ಮಾಲಿಯಲ್ಲಿ ಎರಡು ಸೇನಾ ಪೋಸ್ಟ್‌ಗಳ ಮೇಲೆ ಭಾನುವಾರ ನಡೆದ ದಾಳಿಯಲ್ಲಿ ಆರು ಮಂದಿ ಸೈನಿಕರು ಸಾವನ್ನಪ್ಪಿದ್ದಾರೆ ಎಂದು ಮಾಲಿಯನ್ ಸಶಸ್ತ್ರ ಪಡೆ (ಎಫ್‌ಎಎಂಎ) ತಮ್ಮ ಅಧಿಕೃತ ವೆಬ್‌ಸೈಟ್‌ನಲ್ಲಿ ದೃಢಪಡಿಸಿದೆ.
ಪತ್ರಿಕಾ ಪ್ರಕಟಣೆಯ ಪ್ರಕಾರ, ಬೌಲ್ಕೆಸ್ಸಿ ಮತ್ತು ಮೊಂಡೊರೊದಲ್ಲಿನ ಎರಡು ಎಫ್‌ಎಎಂಎ ಸೇನಾ ಪೋಸ್ಟ್‌ಗಳ ಮೇಲೆ ಭಾನುವಾರ ಬೆಳಗ್ಗೆ ದಾಳಿ ಮಾಡಲಾಗಿದ್ದು, 6 ಮಾಲಿಯನ್ ಸೈನಿಕರು ಸಾವನ್ನಪ್ಪಿದ್ದಾರೆ ಮತ್ತು 18 ಮಂದಿ ಗಾಯಗೊಂಡಿದ್ದಾರೆ.
ಎರಡು ಸಂಕೀರ್ಣ ಮತ್ತು ಏಕಕಾಲಿಕ ದಾಳಿಗೆ ಮಾಲಿಯನ್ ಸೈನಿಕರು "ಶಕ್ತಿಯುತವಾಗಿ" ಪ್ರತಿಕ್ರಿಯಿಸಿದರು. ಮತ್ತು "ಭಯೋತ್ಪಾದಕ ಬದಿಯಲ್ಲಿರುವ ಸುಮಾರು ಮೂವತ್ತು ಜನರನ್ನು ತಟಸ್ಥಗೊಳಿಸುವಲ್ಲಿ" ಸಮರ್ಥರಾಗಿದ್ದರು. ಅವರಿಂದ ಸುಮಾರು 40 ಮೋಟರ್ ಸೈಕಲ್‌ಗಳು ಮತ್ತು ದೊಡ್ಡ ಪ್ರಮಾಣದ ಮಿಲಿಟರಿ ಉಪಕರಣಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ದೃಢಪಡಿಸಿದೆ.
