ರಾಯಗಡ: ಕರ್ನಾಟಕ ಸೇರಿದಂತೆ ದೇಶದಲ್ಲೇ ಭಾರಿ ಸದ್ದು ಮಾಡಿ ಸದ್ಯ ತಣ್ಣಗಾಗಿರುವ ಹಿಜಾಬ್ ಪ್ರಕರಣದ ಮಧ್ಯೆಯೇ ಮಹಾರಾಷ್ಟ್ರದಲ್ಲಿ ಶಿವಸೇನೆ ಪಕ್ಷದಿಂದ ಮುಸ್ಲಿಂ ಅಭ್ಯರ್ಥಿಯೊಬ್ಬರು ಗ್ರಾಮ ಪಂಚಾಯಿತಿ ಅಧ್ಯಕ್ಷೆಯಾಗಿ ಆಯ್ಕೆಯಾಗುವ ಮೂಲಕ ಇತಿಹಾಸ ನಿರ್ಮಿಸಿದರು.
ಗೃಹಿಣಿಯಾಗಿರುವ ನಜ್ನೀನ್ ಕೆ. ಪಟೇಲ್ ಈಗ ರಾಜಕಾರಣಿಯಾಗಿ ಇಲ್ಲಿನ ಅಪ್ಟಾ ಗ್ರಾಮ ಪಂಚಾಯಿತಿಯ ಅಧಿಕಾರದ ಗದ್ದುಗೆ ಏರಿದ್ದಾರೆ. ಅಲ್ಲದೇ ಇದೇ ಮೊದಲ ಬಾರಿಗೆ ಶಿವಸೇನೆ ಮುಸ್ಲಿಂ ಮಹಿಳೆಗೆ ಅಧಿಕಾರ ವಹಿಸಿದೆ. ಅಲ್ಲದೇ, ಈ ಗ್ರಾಮದಲ್ಲಿ 6 ದಶಕಗಳಿಂದ ಆಡಳಿತ ನಡೆಸುತ್ತಿದ್ದ ರೈತ ಮತ್ತು ಕಾರ್ಮಿಕ ಪಕ್ಷ ಸೋಲನುಭವಿಸಿದೆ.
ಮಹಿಳೆಯರಿಗೆ ಮೀಸಲಾಗಿದ್ದ ಅಪ್ಟಾ ಗ್ರಾ.ಪಂ ಅಧ್ಯಕ್ಷ ಸ್ಥಾನಕ್ಕೆ ಶಿವಸೇನೆಯಿಂದ ನಜ್ನೀನ್ ಪಟೇಲ್ ಸ್ಪರ್ಧಿಸಿ ಇದೀಗ ಅಧಿಕಾರ ವಹಿಸಿಕೊಂಡಿದ್ದಾರೆ. ಬಳಿಕ ಗ್ರಾಮದಲ್ಲಿ ಸಂಭ್ರಮಾಚರಣೆ ಆಚರಿಸಿದ ಮುಸ್ಲಿಂ ಮುಖಂಡರು, ಮಹಿಳೆಯರು ಹಿಜಾಬ್ ಧರಿಸಿ ಸಿಹಿ ಹಂಚಿದ್ದಾರೆ.
ಅಲ್ಲದೇ ದೇಶದಲ್ಲಿ ದೊಡ್ಡ ಮಟ್ಟದಲ್ಲಿ ಕೋಲಾಹಲ ಎಬ್ಬಿಸಿದ್ದ ಹಿಜಾಬ್ ಧರಿಸುವಿಕೆಯ ವಿವಾದದ ಬಳಿಕ ಹಿಂದುಪರ ಒಲವಿರುವ ಶಿವಸೇನೆ ಪಕ್ಷದಿಂದ ಮುಸ್ಲಿಮರೊಬ್ಬರು ಅಧಿಕಾರ ಹಿಡಿದಿತ್ತು ವಿಶೇಷವಾಗಿದೆ.
ಇದನ್ನೂ ಓದಿ: ಉಕ್ರೇನ್ನಲ್ಲಿರುವ ಭಾರತೀಯರ ಸ್ಥಳಾಂತರಕ್ಕೆ 130 ಬಸ್ ಸೇವೆ ಕಲ್ಪಿಸಿದ ರಷ್ಯಾ
