ಪಂಜಾಬ್: ಅಮೃತಸರದಲ್ಲಿ ನಡೆದ ಸರಣಿ ಸ್ಫೋಟ ಪ್ರಕರಣವನ್ನು ಭೇದಿಸಲಾಗಿದೆ. ಇಂದು ಮೂರನೇ ಸ್ಫೋಟವು ಶ್ರೀ ಗುರು ರಾಮದಾಸ್ ಜಿ ನಿವಾಸ್ ಸರನ್ ಬಳಿಯ ಲಂಗರ್ ಹಾಲ್ ಬಳಿ ಸಂಭವಿಸಿದೆ. ಈ ಸ್ಫೋಟದ ಸಿಸಿಟಿವಿ ಸಹಾಯದಿಂದ ಎಸ್‌ಜಿಪಿಸಿ ಕಾರ್ಯಪಡೆಯೊಂದಿಗೆ ಪಂಜಾಬ್ ಪೊಲೀಸ್ ತಂಡವು 5 ಆರೋಪಿಗಳನ್ನು ಬಂಧಿಸಿದೆ. ಮೊನ್ನೆ ನಡೆದ ಎರಡು ಸ್ಫೋಟಗಳಲ್ಲಿ ಈ ಆರೋಪಿಗಳು ಭಾಗಿಯಾಗಿದ್ದಾರೆ ಎಂಬುದು ತಿಳಿದಿದೆ.
ಘಟನೆಯ ಹಿಂದೆ ಆಳವಾದ ಪಿತೂರಿ: ಸ್ಫೋಟದ ಸುದ್ದಿ ತಿಳಿದ ತಕ್ಷಣವೇ ಶಿರೋಮಣಿ ಗುರುದ್ವಾರ ಪರಬಂಧಕ್ ಸಮಿತಿ ಅಧ್ಯಕ್ಷ ಹರ್ಜಿಂದರ್ ಸಿಂಗ್ ಧಾಮಿ ಪತ್ರಿಕಾಗೋಷ್ಠಿ ನಡೆಸಿದರು. ಶ್ರೀ ಗುರು ರಾಮದಾಸ್ ಜಿ ಅವರ ನಿವಾಸದ ಬಳಿ ಸ್ಫೋಟ ಸಂಭವಿಸಿದ್ದು, ಸಿಸಿಟಿವಿ ದೃಶ್ಯಗಳ ಸಹಾಯದಿಂದ ಶಿರೋಮಣಿ ಗುರುದ್ವಾರ ಪ್ರಬಂಧಕ ಸಮಿತಿಯ ಕಾರ್ಯಪಡೆ ಶೀಘ್ರವೇ ಆರೋಪಿಗಳನ್ನು ಗುರುತಿಸಿ ಕಾರಿಡಾರ್‌ನಿಂದ ಬಂಧಿಸಿ ಪೊಲೀಸರಿಗೆ ಹಸ್ತಾಂತರಿಸಿದೆ ಎಂದು ಅವರು ಹೇಳಿದರು.
ಈ ಸಂದರ್ಭದಲ್ಲಿ ಹರ್ಜಿಂದರ್ ಧಾಮಿ ಅವರು, ಈ ಘಟನೆಯ ಹಿಂದೆ ಆಳವಾದ ಪಿತೂರಿ ಇದೆ. ಜೊತೆಗೆ ರಾಜ್ಯ ಸರ್ಕಾರವನ್ನು ಗುರಿಯಾಗಿಸಿ ವಾಗ್ದಾಳಿ ನಡೆಸಿದರು. ಸರ್ಕಾರ ಇತರರನ್ನು ಶಪಿಸುತ್ತಲೇ ಇರುತ್ತದೆ. ಆದರೆ, ಈ ವಿಷಯದಲ್ಲಿ ಸರ್ಕಾರ ಈಗ ಏಕೆ ಮೌನವಾಗಿದೆ ಎಂದು ಹರ್ಜಿಂದರ್ ಧಾಮಿ ಕಿಡಿಕಾರಿದರು. ಈ ಬಗ್ಗೆ ಸರ್ಕಾರ ಗಂಭೀರವಾಗಿ ತನಿಖೆ ನಡೆಸಬೇಕು ಎಂದು ಒತ್ತಾಯಿಸಿದರು. ರಾಜಕೀಯ ಬೇಳೆ ಬೇಯಿಸಲು ಪಂಜಾಬ್ನ ವಾತಾವರಣವನ್ನು ಹಾಳು ಮಾಡುವ ಪ್ರಯತ್ನ ನಡೆಯುತ್ತಿದೆ'' ಗಂಭೀರವಾಗಿ ಆರೋಪ ಮಾಡಿದರು.
ಘಟನೆಯನ್ನು ಖಂಡಿಸಿದ ಹರ್‌ಪ್ರೀತ್ ಸಿಂಗ್: ಇದೇ ಸಮಯದಲ್ಲಿ ಅಖಾಲಿ ತಖ್ತ್ ಸಾಹಿಬ್ ಗಿಯಾನಿ ಹರ್‌ಪ್ರೀತ್ ಸಿಂಗ್ ಅವರು ಘಟನೆಯನ್ನು ತೀವ್ರವಾಗಿ ಖಂಡಿಸಿದ್ದಾರೆ. ಪಂಜಾಬ್ನ ವಾತಾವರಣವನ್ನು ಕೆಡಿಸುವ ಪ್ರಯತ್ನಗಳು ನಡೆಯುತ್ತಿವೆ. ಇದು ಕಳವಳಕಾರಿ ವಿಷಯ. ಈ ಬಗ್ಗೆ ಪೊಲೀಸರು ಮತ್ತು ಪಂಜಾಬ್ ಸರ್ಕಾರ ಶೀಘ್ರವೇ ಗಂಭೀರವಾಗಿ ತನಿಖೆ ನಡೆಸಬೇಕು ಎಂದು ಆಗ್ರಹಿಸಿದರು.
ಐವರು ಆರೋಪಿಗಳ ಬಂಧನ, ಮುಂದುವರಿದ ಪ್ರಕರಣದ ಸಮಗ್ರ ತನಿಖೆ: ಈ ಮಧ್ಯೆ, ಪಂಜಾಬ್ ಡಿಜಿಪಿ ಗೌರವ್ ಯಾದವ್ ಪತ್ರಿಕಾಗೋಷ್ಠಿ ನಡೆಸಿದ ಅವರು, ''ಆರೋಪಿಗಳ ಬಗ್ಗೆ ಮಾಹಿತಿ ಬಹಿರಂಗಪಡಿಸಿದರು. ಕಡಿಮೆ ತೀವ್ರತೆಯ ಸ್ಫೋಟಗಳ ಬಳಕೆ ಮಾಡಿದ ಸ್ಫೋಟಿಸಲಾಗಿದೆ. ಈ ಬಾಂಬ್ ಸ್ಫೋಟದ ಪ್ರಮುಖ ಆರೋಪಿ ಅಜಾದ್ವೀರ್, ಇದಲ್ಲದೇ ಇಬ್ಬರು ಆರೋಪಿಗಳು ಗುರುದಾಸ್‌ಪುರ ನಿವಾಸಿಗಳು. ಅವರಲ್ಲಿ ಒಬ್ಬರು ಅಮ್ರಿಕ್ ಸಿಂಗ್ ಮತ್ತು ಅವರ ಪತ್ನಿ. ಇಬ್ಬರೂ ನವ ದಂಪತಿಗಳು. ಅವರ ಪತ್ನಿಯನ್ನು ಇನ್ನೂ ಬಂಧಿಸಿಲ್ಲ, ಆದರೆ, ವಿಚಾರಣೆ ನಡೆಸಲಾಗುತ್ತಿದೆ ಎಂದು ಡಿಜಿಪಿ ಹೇಳಿದರು. ಹೀಗಾಗಿ ಘಟನೆಯ ಹಿಂದೆ ಆಕೆಯ ಪಾತ್ರವಿದೆಯೇ ಅಥವಾ ಇಲ್ಲವೇ ಎಂಬುದು ತಿಳಿದು ಬರಲಿದೆ. ಇದಲ್ಲದೇ ಆತನ ಮತ್ತಿಬ್ಬರು ಸಹಚರರನ್ನೂ ಬಂಧಿಸಲಾಗಿದೆ. ಮೊನ್ನೆ ನಡೆದ ಎರಡು ಸ್ಫೋಟಗಳಲ್ಲೂ ಇವರ ಕೈವಾಡವಿದೆ ಎಂದು ಡಿಜಿಪಿ ತಿಳಿಸಿದರು.
ಪಂಜಾಬ್ ಡಿಜಿಪಿ ಗೌರವ್ ಯಾದವ್ ಹೇಳಿದ್ದೇನು?: "ತನಿಖೆಯ ಸಮಯದಲ್ಲಿ ಪೊಲೀಸರು, ಅಜಾದ್ವಿರ್‌ನಿಂದ 1 ಕೆಜಿ 100 ಗ್ರಾಂ ಸ್ಫೋಟಕ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ. ಮೂರು ಕಂಟೈನರ್‌ಗಳನ್ನು (ಒಂದು ಕ್ಯಾನ್‌ನಲ್ಲಿ ಎರಡು 200 ಸ್ಫೋಟಕಗಳು ಮತ್ತು ಟಿಫಿನ್) ಲಕೋಟೆಯಲ್ಲಿ ಹಾಕಿ ಪಾರ್ಕಿಂಗ್ ಲಾಟ್‌ನ ಮೇಲ್ಛಾವಣಿಯ ಮೇಲೆ ಅಜಾದ್ವಿರ್ ಕೆಳಗೆ ಎಸೆದರು. ಇದು ಮೇ 6 ರಂದು ರಾತ್ರಿ 11 ಗಂಟೆಗೆ ಸ್ಫೋಟಕ್ಕೆ ಕಾರಣವಾಯಿತು. ಈ ಆರೋಪಿಗಳಿಂದ ಸ್ಫೋಟಕ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಇದು ಕಡಿಮೆ ದರ್ಜೆಯದ್ದಾಗಿದೆ. ಇದು ಪಟಾಕಿಗಳನ್ನು ತಯಾರಿಸಲು ಉಪಯುಕ್ತವಾಗಿದೆ ಎಂದು ಪಂಜಾಬ್ ಡಿಜಿಪಿ ಗೌರವ್ ಯಾದವ್ ತಿಳಿಸಿದರು.
ಸರನ್ ಬಾತ್ ರೂಂನಲ್ಲಿ ಐಇಡಿ ಅಳವಡಿಸಲಾಗಿದೆ: ಎರಡನೇ ದಾಳಿಯಲ್ಲಿ ಗುರುರಾಮ್ ದಾಸ್ ಸರನ್ ಅವರ ಸ್ನಾನಗೃಹದಿಂದ ಸ್ಫೋಟಕಗಳ ಎರಡು ಸುರುಳಿಗಳನ್ನು ಸಿದ್ಧಪಡಿಸಿ ಮತ್ತೆ ಕೆಳಗೆ ಎಸೆಯಲಾಯಿತು. ಇದು ಎರಡನೇ ಸ್ಫೋಟಕ್ಕೆ ಕಾರಣವಾಯಿತು ಎಂದು ಡಿಜಿಪಿ ಗೌರವ್ ಯಾದವ್ ಹೇಳಿದರು. ಈ ಎಲ್ಲ ಘಟನೆಯ ಸಿಸಿಟಿವಿ ಪರಿಶೀಲಿಸಿದ ನಂತರ ಎಸ್‌ಜಿಪಿಸಿಯ ಕಾರ್ಯಪಡೆಯ ಸಹಾಯದಿಂದ ಈ ಕ್ರಮ ಕೈಗೊಳ್ಳಲಾಗಿದೆ. ಅವರು ಯಾವ ಸಂಘಟನೆಯೊಂದಿಗೆ ಸಂಪರ್ಕ ಹೊಂದಿದ್ದಾರೆ ಎಂಬುದನ್ನು ನೋಡಲು ಈಗ ಅವರ ದಾಖಲೆಗಳನ್ನು ಪರಿಶೀಲಿಸುತ್ತಿದ್ದಾರೆ ಎಂದು ಪಂಜಾಬ್ ಡಿಜಿಪಿ ಮಾಹಿತಿ ನೀಡಿದರು.
ಇದನ್ನೂ ಓದಿ: ಅಸ್ಸೋಂ ಸಿಲ್ಚಾರ್ ಜೈಲಿನಿಂದ ಇಬ್ಬರು ಕೈದಿಗಳು ಪರಾರಿ..!
