ಮಿರ್ಜಾಪುರ(ಉತ್ತರ ಪ್ರದೇಶ): ಸಾಧಿಸುವ ಗುರಿ ಇದ್ದರೆ, ಯಾವುದೇ ಕಷ್ಟ ಎಂಬುದು ಇರುವುದಿಲ್ಲ. ಅಂತಹ ಸಾಧನೆಗೆ ಮಾದರಿಯಾಗಿದ್ದಾರೆ. ಟಿವಿ ಮೆಕ್ಯಾನಿಕ್ ಮಗಳೊಬ್ಬಳು. ಭಾರತೀಯ ವಾಯು ಪಡೆಯ ಎನ್ಡಿಎ ಪರೀಕ್ಷೆಯಲ್ಲಿ 149ನೇ ಸ್ಥಾನಗಳಿಸುವ ಮೂಲಕ ಮುಸ್ಲಿಂ ಸಮುದಾಯದ ಯುವತಿಯೊಬ್ಬಳು ಫೈಟರ್ ಪೈಲಟ್ ಆಗಲು ಮುಂದಾಗಿದ್ದಾಳೆ. ಉತ್ತರ ಪ್ರದೇಶದ ಹಾಗೂ ಮುಸ್ಲಿಂ ಸಮುದಾಯದ ಫೈಟರ್ ಪೈಲಟ್ ಆಗಿ ಹೊರ ಹೊಮ್ಮಿದ್ದಾರೆ.
ಟಿವಿ ಮ್ಯಾಕಾನಿಕ್ ಆಗಿರುವ ಶಾಹಿದ್ ಆಲಿ ಮಗಳು ಸೋನಿಯಾ ಮಿರ್ಜಾ ಈ ಸಾಧನೆ ಮಾಡಿದ್ದಾಳೆ. ಸಾನಿಯಾ ಮಿರ್ಜಾ ಭಾರತದ ವಾಯು ಪಡೆಯ ಮೊದಲ ಮಹಿಳಾ ಮುಸ್ಲಿಂ ಫೈಟರ್ ಪೈಲಟ್ ಎಂಬ ಕೀರ್ತಿಯೂ ಈಕೆಗೆ ಇದೆ. ಸಾನಿಯಾ ಮಿರ್ಜಾ ಸಾಧನೆಗೆ ಪೋಷಕರು ಮತ್ತು ಗ್ರಾಮಸ್ಥರು ಹೆಮ್ಮೆ ಪಟ್ಟಿದ್ದಾರೆ.
ಇನ್ನು, ಈ ಸಾಧನೆ ಕುರಿತು ಮಾತನಾಡಿರುವ ಸಾನಿಯಾ ಇರ್ಜಾ, ದೇಶದಲ್ಲಿ ಮಹಿಳಾ ಫೈಟರ್ ಪೈಲಟ್ಗಳ ಸಂಖ್ಯೆ ಕಡಿಮೆ ಇದೆ. ದೇಶದ ಮೊದಲ ಫೈಟರ್ ಪೈಲಟ್ ಆದ ಅವನಿ ಚತುರ್ವೇದಿ ನನಗೆ ಪ್ರೇರಣೆ. ಹೈ ಸ್ಕೂಲ್ ಪಾಸ್ ಆದ ಬಳಿಕ ನಾನು ಫೈಟರ್ ಪೈಲಟ್ ಆಗಬೇಕು ಎಂದು ನಿರ್ಧರಿಸಿದೆ. ನನ್ನ ಗುರಿಯನ್ನು ನಾನೀಗ ಸಾಧಿಸಿದ್ದೇನೆ. ಎನ್ಡಿಎಯಲ್ಲಿ ಸಿಬಿಎಸ್ಸಿ ಐಸಿಎಸ್ ಬೋರ್ಡ್ನಲ್ಲಿ ಓದಿದವರು ಮಾತ್ರ ಪಾಸ್ ಆಗುತ್ತಾರೆ ಎಂಬ ನಂಬಿಕೆ ಇದೆ. ಆದರೆ, ಉತ್ತರ ಪ್ರದೇಶ ಬೋರ್ಡ್ ಮೂಲಕವೇ ನಾನು ಪಾಸ್ ಆದೆ.
ಮಿರ್ಜಾಪುರ್ ದೆಹತ್ ಕೊಟ್ವಾಲಿ ಗ್ರಾಮದ ಸಾನಿಯಾ ಮಿರ್ಜಾ, ಅಲ್ಲಿಯೇ ಪಂಡಿತ್ ಚಿಂತಾಮಣಿ ದುಬೆ ಇಂಟರ್ ಕಾಲೇಜಿನಲ್ಲಿ ವಿದ್ಯಾಭ್ಯಾಸ ಮಗಿಸಿದ್ದಾರೆ. ಇದಾದ ಬಳಿಕ ಗುರುನಾನಕ್ ಬಾಲಕಿಯರ ಇಂಟರ್ ಕಾಲೇಜ್ನಲ್ಲಿ 12ನೇ ತರಗತಿ ಪಾಸ್ ಆಗಿದ್ದಾರೆ. ಅಲ್ಲದೇ, 12ನೇ ತರಗತಿಯಲ್ಲಿ ಯುಪಿ ಬೋರ್ಡ್ನಲ್ಲಿ ಜಿಲ್ಲೆಗೆ ಟಾಪರ್ ಆಗಿದ್ದಾರೆ.
2022 ಏಪ್ರಿಲ್ 10ರಂದು ಎನ್ಡಿ ಪರೀಕ್ಷೆಯನ್ನು ಸಾನಿಯಾ ಮಿರ್ಜಾ ಎದುರಿಸಿದ್ದರು. ಜೂನ್ 10ರಂದು ಅವರು ಸಂದರ್ಶನ ಎದುರಿಸಿದ್ದರು. ತಮ್ಮ ಈ ಸಾಧನೆಗೆ ಪೋಷಕರು ಮತ್ತು ಸೆಂಚೂರಿಯನ್ ಡಿಫೆನ್ಸ್ ಅಕಾಡೆಮಿ ಕಾರಣ ಎಂದಿದ್ದಾರೆ.
ಇದನ್ನು ಓದಿ: ರಾಮೋಜಿ ಫಿಲ್ಮ್ಸಿಟಿಗೆ ಮತ್ತೊಂದು ಗರಿಮೆ; ಎಫ್ಎಸ್ಎಸ್ಎಐಯಿಂದ 'ಈಟ್ ರೈಟ್ ಕ್ಯಾಂಪಸ್' ಪ್ರಮಾಣಪತ್ರ
