ನವದೆಹಲಿ: ದೇಶದಲ್ಲಿ ಕೊರೊನಾ ವೈರಸ್ ಭೀತಿಯಿಂದಾಗಿ ಜನರು ತಮ್ಮ ಆಹಾರದಿಂದ ಜೀವನ ವಿಧಾನವನ್ನೂ ಬದಲಾಯಿಸಿಕೊಂಡಿದ್ದಾರೆ. ಈಗಲೂ ಜನರ ಆದ್ಯತೆಗಳೂ ಬದಲಾಗುತ್ತಲೇ ಬಂದಿದೆ. ಮಾಸ್ಕ್ ಮತ್ತು ಸ್ಯಾನಿಟೈಸರ್‌ಗಳು ಈಗ ಜೀವನದ ಪ್ರಮುಖ ಭಾಗವಾಗಿವೆ. ಅಲ್ಲದೆ ಆಗಾಗ ಕೈಗಳನ್ನು ಸ್ಯಾನಿಟೈಸ್ ಮಾಡುವುದು ಸರ್ವೇ ಸಾಮಾನ್ಯವಾಗಿದೆ. ಆದರೆ ಇಲ್ಲೊಬ್ಬ ವ್ಯಕ್ತಿ ಸ್ಯಾನಿಟೈಸರ್ನ್ನು ತನ್ನ ಕೈ-ಕಾಲು, ತಲೆ ಕೂದಲಿಗೆ ಸೇರಿದಂತೆ ಕಾಲಿಗೂ ಹಚ್ಚಿಕೊಂಡಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಯಸ್ಸಾದ ವ್ಯಕ್ತಿಯೊಬ್ಬರು ಸ್ಯಾನಿಟೈಸರ್ನ್ನು ಕೈ, ತೋಳು, ಮುಖ, ಕೂದಲು, ಕಾಲುಗಳು ಮತ್ತು ಕಾಲುಗಳ ಮೇಲೆ ಸವರಿಕೊಂಡಿರುವ 50 ಸೆಕೆಂಡುಗಳ ಕ್ಲಿಪ್ನ್ನು ಐಪಿಎಸ್ ಅಧಿಕಾರಿ ರುಪಿನ್ ಶರ್ಮಾ ತಮ್ಮ ಟ್ವಿಟ್ಟರ್ ನಲ್ಲಿ ಹಂಚಿಕೊಂಡಿದ್ದು, "ಇಸ್ಕಾ ಕೊರೊನಾ ಬಾಲ್ ಭಿ ಬಕಾ ನ್ಹಿ ಕಾರ್ ಸಕ್ತಾ. ಪಾರ್ ಮಾಸ್ಕ್ ನೀಚೆ ನಹಿ ಕರ್ನಾ ಥಾ ಚಾಚಾ" ಎಂದು ಬರೆದುಕೊಂಡಿದ್ದಾರೆ.
ಸದ್ಯ ಈ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ವೈರಲ್ ಆಗಿದ್ದು, ಇದು ಸುಮಾರು 5,100 ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದಿದೆ. ಅನೇಕ ನೆಟ್ಟಿಗರು ಈ ವಿಡಿಯೋವನ್ನು ಸಂತೋಷದಿಂದ ನೋಡಿದ್ದರೆ, ಇತರರು ಹಿರಿಯರಿಗೆ ಸ್ಯಾನಿಟೈಸರ್ ಅನ್ನು ಹೇಗೆ ಬಳಸುವುದು ಎಂಬುದರ ಕುರಿತು ಮಾರ್ಗದರ್ಶನ ನೀಡಬೇಕು ಎಂದು ಕಮೆಂಟ್ ಮಾಡಿದ್ದಾರೆ.
