ರಜಪೂತ​ ಕರ್ಣಿ ಸೇನಾ ಮುಖ್ಯಸ್ಥನಿಗೆ ಗುಂಡಿಕ್ಕಿ ಹತ್ಯೆ, ಹೊಣೆ ಹೊತ್ತ ಬಿಷ್ಣೋಯ್ ಗ್ಯಾಂಗ್‌

Karni Sena chief Sukhdev Singh killed in Jaipur: ರಾಷ್ಟ್ರೀಯ ರಜಪೂತ​ ಕರ್ಣಿ ಸೇನಾ ಮುಖ್ಯಸ್ಥ ಸುಖ್​ದೇವ್​ ಸಿಂಗ್​ ಗೋಗಾಮೇಡಿ ಎಂಬವರನ್ನು ಜೈಪುರದಲ್ಲಿ ದುಷ್ಕರ್ಮಿಗಳು ಗುಂಡಿಕ್ಕಿ ಹತ್ಯೆ ಮಾಡಿದ್ದಾರೆ.

ಜೈಪುರ(ರಾಜಸ್ಥಾನ): ರಾಷ್ಟ್ರೀಯ ರಜಪೂತ​ ಕರ್ಣಿ ಸೇನಾ ಮುಖ್ಯಸ್ಥ ಸುಖ್​ದೇವ್​ ಸಿಂಗ್​ ಗೋಗಾಮೇಡಿ ಅವರನ್ನು ಗುಂಡಿಕ್ಕಿ ಹತ್ಯೆಗೈದ ಘಟನೆ ರಾಜಸ್ಥಾನದ ಜೈಪುರದಲ್ಲಿ ಇಂದು ನಡೆದಿದೆ. ಹಾಡಹಗಲೇ ಅಪರಿಚಿತ ದುಷ್ಕರ್ಮಿಗಳು ಈ ಕೃತ್ಯ ಎಸಗಿದ್ದಾರೆ. ಘಟನೆಯಲ್ಲಿ ಮತ್ತಿಬ್ಬರು ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇಲ್ಲಿನ ಶ್ಯಾಮ್ ನಗರ ಪ್ರದೇಶದಲ್ಲಿರುವ ಸುಖ್​ದೇವ್​ ಸಿಂಗ್ ಅವರ ಮನೆಯಲ್ಲೇ ಈ ದಾಳಿ ಮಾಡಲಾಗಿದೆ. ಗಾಯಗೊಂಡ ಅವರನ್ನು ತಕ್ಷಣವೇ ಸಮೀಪ ಖಾಸಗಿ ಆಸ್ಪತ್ರೆಗೆ ರವಾನಿಸಲಾಗಿತ್ತು. ಆದರೆ, ಅಷ್ಟರಲ್ಲಿ ಮೃತಪಟ್ಟಿರುವುದಾಗಿ ವೈದ್ಯರು ತಿಳಿಸಿದ್ದಾಗಿ ಜೈಪುರ ಪೊಲೀಸ್​ ಆಯುಕ್ತ ಬಿಜು ಜಾರ್ಜ್ ಜೋಸೆಫ್ ಮಾಹಿತಿ ನೀಡಿದರು. ಸ್ಥಳಕ್ಕೆ ದೌಡಾಯಿಸಿರುವ ಪೊಲೀಸರು ಘಟನೆಯ ತನಿಖೆ ನಡೆಸುತ್ತಿದ್ದಾರೆ.

• VIDEO | Sukhdev Singh Gogamedi, national president of Rashtriya Rajput Karni Sena, shot at in Jaipur, Rajasthan. More details are awaited. pic.twitter.com/50ZAQsLTow

  — Press Trust of India (@PTI_News) December 5, 2023 " class="align-text-top noRightClick twitterSection" data="

  VIDEO | Sukhdev Singh Gogamedi, national president of Rashtriya Rajput Karni Sena, shot at in Jaipur, Rajasthan. More details are awaited. pic.twitter.com/50ZAQsLTow

  — Press Trust of India (@PTI_News) December 5, 2023

  ">

  VIDEO | Sukhdev Singh Gogamedi, national president of Rashtriya Rajput Karni Sena, shot at in Jaipur, Rajasthan. More details are awaited. pic.twitter.com/50ZAQsLTow

  — Press Trust of India (@PTI_News) December 5, 2023

ರಾಜಸ್ಥಾನ ಪೊಲೀಸ್​ ಮಹಾನಿರ್ದೇಶಕ ಉಮೇಶ್ ಮಿಶ್ರಾ ಮಾತನಾಡಿ, "ಸುಖ್​ದೇವ್​ ಸಿಂಗ್ ಮನೆಗೆ ದುಷ್ಕರ್ಮಿಗಳು ಪ್ರವೇಶಿಸಿ ಗಂಡಿನ ದಾಳಿ ಮಾಡಿದ್ದಾರೆ ಎಂಬ ಪ್ರಾಥಮಿಕ ಮಾಹಿತಿ ಲಭ್ಯವಾಗಿದೆ. ಭದ್ರತಾ ಸಿಬ್ಬಂದಿ ಹಾಗೂ ಮತ್ತೊಬ್ಬ ವ್ಯಕ್ತಿ ಗಾಯಗೊಂಡಿದ್ದಾನೆ" ಎಂದು ಹೇಳಿದ್ದಾರೆ. ಸುಖ್​ದೇವ್​ ಸಿಂಗ್ ಹತ್ಯೆಯ ವಿಷಯ ತಿಳಿಯುತ್ತಿದ್ದಂತೆ ಅವರ ಮನೆ ಸಮೀಪದ ಹೆಚ್ಚಿನ ಸಂಖ್ಯೆಯಲ್ಲಿ ಜನ ಜಮಾಯಿಸಿದ್ದರು. ಅಲ್ಲದೇ, ನಗರದಲ್ಲಿ ಅಘೋಷಿತ ಬಂದ್​ ವಾತಾವರಣ ನಿರ್ಮಾಣವಾಗಿದೆ. ಆರೋಪಿಗಳ ಪತ್ತೆಗೆ ಪೊಲೀಸರು ಈಗಾಗಲೇ ವಿಶೇಷ ತಂಡಗಳನ್ನು ರಚಿಸಿದ್ದಾರೆ.

ಓರ್ವ ದಾಳಿಕೋರ ಸಾವು: "ಸುಖ್​ದೇವ್​ ಸಿಂಗ್​ ಹತ್ಯೆಯಲ್ಲಿ ಮೂವರು ದುಷ್ಕರ್ಮಿಗಳು ಭಾಗಿಯಾಗಿದ್ದಾರೆ. ಭೇಟಿಯ ನೆಪದಲ್ಲಿ ಮೂವರು ಮನೆಗೆ ಬಂದಿದ್ದರು. ಮನೆಯೊಳಗೆ ಸುಮಾರು 10 ನಿಮಿಷ ಚರ್ಚಿಸಿದ್ದಾರೆ. ಇದಾದ ನಂತರ ಗುಂಡಿನ ದಾಳಿ ಮಾಡಿದ್ದಾರೆ. ಈ ಪರಸ್ಪರ ದಾಳಿ ಜರುಗಿದೆ. ದಾಳಿಕೋರ ನವೀನ್​ ಸಿಂಗ್​ ಶೇಖಾವತ್​ ಎಂಬಾತ ಸಾವಿಗೀಡಾಗಿದ್ದಾನೆ" ಎಂದು ಪೊಲೀಸ್​ ಆಯುಕ್ತ ಜೋಸೆಫ್ ತಿಳಿಸಿದರು. ಘಟನಾವಳಿಯ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ಸ್ಕೂಟಿ ಕಸಿದು ಹಂತಕರು ಪರಾರಿ: ಮನೆಯಲ್ಲಿ ಗುಂಡಿನ ದಾಳಿ ನಡೆಸಿದ ಹೊರಬಂದ ಮತ್ತಿಬ್ಬರು ದುಷ್ಕರ್ಮಿಗಳು ಹೊರಗಡೆಯಿಂದ ವ್ಯಕ್ತಿಯೊಬ್ಬರಿಂದ ಸ್ಕೂಟಿಯನ್ನು ಕುಸಿದುಕೊಂಡು ಪರಾರಿಯಾಗಿದ್ದಾರೆ ಎಂದು ಅವರು ಮಾಹಿತಿ ನೀಡಿದರು.

ಹತ್ಯೆಯ ಹೊಣೆ ಹೊತ್ತ ಬಿಷ್ಣೋಯ್ ಗ್ಯಾಂಗ್‌: ಈ ಹತ್ಯೆಯ ಹೊಣೆಯನ್ನು ಗ್ಯಾಂಗ್​ಸ್ಟರ್​ ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್‌ನ ಮತ್ತೊಬ್ಬ ಗ್ಯಾಂಗ್​ಸ್ಟರ್​ ರೋಹಿತ್ ಗೋಡಾರಾ ಹೊತ್ತುಕೊಂಡಿದ್ದಾನೆ. ಗ್ಯಾಂಗ್​ಸ್ಟರ್​ಗಳಾದ ಗೋಲ್ಡಿ ಬ್ರಾರ್ ಮತ್ತು ಲಾರೆನ್ಸ್ ಬಿಷ್ಣೋಯ್ ಆಪ್ತ ಸಹಾಯಕನಾದ ಗೋಡಾರಾ ಈ ಕುರಿತು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್‌ ಮಾಡಿದ್ದಾರೆ. ತಮ್ಮ ಪ್ರತಿಸ್ಪರ್ಧಿ ಗುಂಪುಗಳಿಗೆ ಸಹಾಯ ಮಾಡುತ್ತಿದ್ದರಿಂದ ಗೋಗಾಮೇಡಿ ಅವರನ್ನು ನಮ್ಮ ಕಡೆಯವರು ಕೊಂದಿದ್ದಾರೆ ಎಂದು ಹೇಳಿದ್ದಾರೆ.

ಸುಖ್​ದೇವ್​ ಸಿಂಗ್ ಯಾರು?: ಕೊಲೆಯಾದ ಸುಖ್​ದೇವ್​ ಸಿಂಗ್​ ಈ ಹಿಂದೆ ಶ್ರೀ ರಜಪೂತ ಕರ್ಣಿ ಸೇನಾ ಸಂಘಟನೆಯಲ್ಲಿ ಸಕ್ರಿಯವಾಗಿದ್ದರು. ಆದರೆ, ಸಂಸ್ಥಾಪಕ ಲೋಕೇಂದ್ರ ಸಿಂಗ್​ ಕಲ್ವಿ ಅವರೊಂದಿಗೆ ಮನಸ್ತಾಪದಿಂದಾಗಿ 2015ರಲ್ಲಿ ಸುಖ್​ದೇವ್​ ಸಿಂಗ್​ ಅವರನ್ನು ಉಚ್ಚಾಟಿಸಲಾಗಿತ್ತು. ಬಳಿಕ ಅವರು ರಾಷ್ಟ್ರೀಯ ರಜಪೂತ​ ಕರ್ಣಿ ಸೇನಾ ಸಂಘಟನೆಯನ್ನು ಹುಟ್ಟುಹಾಕಿದ್ದರು.

ಇದನ್ನೂ ಓದಿ: ಎಂಎಲ್​ಸಿ ಸಿ ಪಿ ಯೋಗೇಶ್ವರ್​ ಬಾವ ಶವವಾಗಿ ಪತ್ತೆ: ಕೊಲೆ ಶಂಕೆ