ಹರಿಯಾಣದ ಯಮುನಾನಗರದಲ್ಲಿ ಪೊಲೀಸರು-ರೈತರ ನಡುವೆ ಘರ್ಷಣೆ

ರೈತ ಮುಖಂಡರಾದ ಸುಭಾಷ್ ಗುರ್ಜಾರ್, ಸಹಾಬ್ ಸಿಂಗ್ ಗುರ್ಜಾರ್, ಸುಮನ್ ವಾಲ್ಮೀಕಿ ಸೇರಿದಂತೆ ಹಲವಾರು ರೈತರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಯಮುನಾನಗರ (ಹರಿಯಾಣ): ಕೇಂದ್ರದ ಕೃಷಿ ಕಾಯ್ದೆಗಳನ್ನು ವಿರೋಧಿ ರೈತರ ಪ್ರತಿಭಟನೆ ಮುಂದುವರೆದಿದ್ದು, ಹರಿಯಾಣದ ಯಮುನಾನಗರದಲ್ಲಿ ಪೊಲೀಸರು ಮತ್ತು ರೈತರ ನಡುವೆ ಘರ್ಷಣೆ ನಡೆದಿದೆ.

ಯಮುನಾನಗರದಲ್ಲಿ ಸಚಿವರಾದ ಕನ್ವರ್​ಪಾಲ್ ಗುರ್ಜಾರ್ ಮತ್ತು ಮತ್ತು ಮೂಲಚಂದ್ ಶರ್ಮ ಎಂಬುವವರು ಸಭೆ ನಡೆಸುವ ವೇಳೆ, ಸಭೆಗೆ ಅಡ್ಡಿಪಡಿಸಲು ರೈತರು ಮುಂದಾಗಿ ಬ್ಯಾರಿಕೇಡ್​ಗಳನ್ನು ಮುರಿದಿದ್ದಾರೆ. ಈ ವೇಳೆ ಪೊಲೀಸರು ಮತ್ತು ರೈತರ ನಡುವೆ ಘರ್ಷಣೆ ಸಂಭವಿಸಿದೆ.

ರೈತರ ಪ್ರತಿಭಟನೆಯ ಮಧ್ಯೆ ಕನ್ವರ್​ಪಾಲ್ ಗುರ್ಜಾರ್ ಮತ್ತು ಮತ್ತು ಮೂಲಚಂದ್ ಶರ್ಮ ಸಭೆಯನ್ನು ಮುಂದುವರೆಸಿದ್ದಾರೆ. ಇದೇ ವೇಳೆ ರೈತ ಮುಖಂಡರಾದ ಸುಭಾಷ್ ಗುರ್ಜಾರ್, ಸಹಾಬ್ ಸಿಂಗ್ ಗುರ್ಜಾರ್, ಸುಮನ್ ವಾಲ್ಮೀಕಿ ಸೇರಿದಂತೆ ಹಲವಾರು ರೈತರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಇನ್ನು 2020ರ ನವೆಂಬರ್​ನಿಂದ ಕೇಂದ್ರದ ಕೃಷಿ ಕಾಯ್ದೆಗಳನ್ನು ವಿರೋಧಿಸಿ, ಪ್ರತಿಭಟನೆಗಳು ನಡೆಯುತ್ತಿದ್ದು, ಕೇಂದ್ರ ಸರ್ಕಾರ ಈ ಕಾಯ್ದೆಗಳು ರೈತ ಪರ ಎಂದು ಹೇಳುತ್ತಿವೆ.

ಇದನ್ನೂ ಓದಿ: ಕಾಂಟ್ರೋವರ್ಸಿ ಇಷ್ಟವಿಲ್ಲ, ವಿವಾದಕ್ಕೆ ಅವರೇ ಅಂತ್ಯವಾಡಿದ್ರೆ ನಂಗೆ ಸಂತೋಷ : ಸಂಸದೆ ಸುಮಲತಾ ಅಂಬಿ