ಚಂಡೀಗಢ: ಪಂಜಾಬ್ ಸಮೀಪದ ಭಾರತ-ಪಾಕ್ ಅಂತರಾಷ್ಟ್ರೀಯ ಗಡಿಭಾಗದಲ್ಲಿ ಗಡಿ ಭದ್ರತಾ ಪಡೆಗಳು ಭಾರಿ ಪ್ರಮಾಣದ ಶಸ್ತ್ರಾಸ್ತ್ರಗಳು ಮತ್ತು ಡಗ್ಸ್ ಅನ್ನು ವಶಕ್ಕೆ ಪಡೆದಿದ್ದಾರೆ.
ತಾರ್ನ್ತರಣ್ ಜಿಲ್ಲೆಯ ಖೆಂಕರನ್ ಪ್ರದೇಶದಲ್ಲಿ ಜಂಟಿ ಕಾರ್ಯಾಚರಣೆ ನಡೆಸಿದ ಅಮೃತ್ಸರ್ ಕೌಂಟರ್ ಇಂಟಲಿಜೆನ್ಸ್ ಹಾಗು ಬಿಎಸ್ಎಫ್ ಯೋಧರು 22 ಗನ್ಗಳು, 44 ಮ್ಯಾಗಜಿನ್ಸ್ ಮತ್ತು 100ಕ್ಕೂ ಹೆಚ್ಚು ಜೀವಂತ ಗುಂಡುಗಳೂ ಸೇರಿದಂತೆ ಒಂದು ಕೆ.ಜಿ ಹೆರಾಯಿನ್ ಜಪ್ತಿ ಮಾಡಿದ್ದಾರೆ.
'ಶಸ್ತ್ರಾಸ್ತ್ರಗಳು ಮತ್ತು ಡ್ರಗ್ಸ್ ಅನ್ನು ಕಪ್ಪು ಬ್ಯಾಗ್ವೊಂದರಲ್ಲಿ ಮುಚ್ಚಿಡಲಾಗಿತ್ತು. ನಮಗೆ ಬಂದ ಖಚಿತ ಮಾಹಿತಿ ಮೇಲೆ ವಿಶೇಷ ಕಾರ್ಯಾಚರಣೆ ನಡೆಸಿ ವಸ್ತುಗಳನ್ನು ವಶಕ್ಕೆ ಪಡೆದೆವು. ಈ ಕುರಿತು ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದೆ' ಎಂದು ಡಿಜಿಪಿ ಇಕ್ಬಾಲ್ಪ್ರೀತ್ ಸಿಂಗ್ ಮಾಹಿತಿ ನೀಡಿದರು.
