ನವದೆಹಲಿ: ಕೋವಿಡ್‌ನಿಂದಾಗಿ ನಾವೆಲ್ಲರೂ ಸಾಕಷ್ಟು ಸವಾಲುಗಳನ್ನು ಎದುರಿಸಿದ್ದೇವೆ. ಸೋಂಕಿನ ಪ್ರಭಾವ ಏಷ್ಯಾ ರಾಷ್ಟ್ರಗಳು ಮತ್ತು ಭಾರತದ ನಡುವಿನ ಸ್ನೇಹಕ್ಕೂ ಸವಾಲಾಗಿ ಪರಿಣಮಿಸಿದೆ. ಈ ಹಂತದಲ್ಲಿ ಪರಸ್ಪರ ಸಹಕಾರದಿಂದ ಮಾತ್ರ ಬಾಂಧವ್ಯ ಗಟ್ಟಿಗೊಳಿಸಬಹುದು ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.
18ನೇ ಆಸಿಯಾನ್ - ಭಾರತ ಶೃಂಗಸಭೆಯಲ್ಲಿ ವಾಸ್ತವಿಕವಾಗಿ ಮಾತನಾಡಿರುವ ಪ್ರಧಾನಿ, ಆಸಿಯಾನ್ ದೇಶಗಳೊಂದಿಗಿನ ಸ್ನೇಹ ಭಾರತದ ಆದ್ಯತೆಯಾಗಿದೆ ಎಂದು ಸ್ಪಷ್ಟಪಡಿಸಿದರು. 2022 ರ ವೇಳೆಗೆ ನಮ್ಮ ಪಾಲುದಾರಿಕೆ 30 ವರ್ಷಗಳನ್ನು ಪೂರ್ಣಗೊಳಿಸಲಿದೆ. ಭಾರತವೂ ಸ್ವಾತಂತ್ರ್ಯ ಪಡೆದು 75 ವರ್ಷಗಳನ್ನು ಪೂರೈಸಲಿದೆ. ಈ ಮೈಲಿಗಲ್ಲನ್ನು ಗುರುತಿಸಲು ಮುಂದಿನ ವರ್ಷ ಆಸಿಯಾನ್ - ಭಾರತದ ಏಕತೆಯ ವರ್ಷವನ್ನಾಗಿ ಆಚರಿಸೋಣ ಎಂದು ಕರೆ ನೀಡಿದ್ದಾರೆ.
ಆಸಿಯಾನ್ ದೇಶಗಳೊಂದಿಗೆ ಹೂಡಿಕೆ, ವ್ಯಾಪಾರ, ಭದ್ರತೆ ಮತ್ತು ರಕ್ಷಣಾ ಸಹಕಾರವನ್ನು ಹೆಚ್ಚಿಸುವ ಬಗ್ಗೆ ಭಾರತದ ಗಮನವನ್ನು ಸಮ್ಮೇಳನವು ಕೇಂದ್ರೀಕರಿಸಿದೆ.
