ಶಬರಿಮಲೆ ಅಯ್ಯಪ್ಪ ಭಕ್ತರಿಗೆ ವರ್ಚುವಲ್​ ಕ್ಯೂ ಬುಕಿಂಗ್​ ಆರಂಭ

ಕೊರೊನಾ ನಡುವೆ ಅಯ್ಯಪ್ಪ ಭಕ್ತರಿಗೆ ಆನ್​ಲೈನ್​​ನಲ್ಲೂ ಕ್ಯೂ ಬುಕಿಂಗ್​ ಸೌಲಭ್ಯ ನೀಡಲಾಗಿದೆ. ದೇವಾಲಯದ ಅಧಿಕೃತ ವೆಬ್​ಸೈಟ್​​​ ಮೂಲಕ ಕ್ಯೂ ಬುಕಿಂಗ್​ ಮಾಡಲು ಅವಕಾಶ ನೀಡಲಾಗಿದ್ದು, ಕೊರೊನಾ ನಿಯಮಾವಳಿ ಪಾಲಿಸುವಂತೆ ಸೂಚಿಸಲಾಗಿದೆ.

ಶಬರಿಮಲೆ (ಕೇರಳ): ಶಬರಿಮಲೆಯ ಅಯ್ಯಪ್ಪನ ದರ್ಶನಕ್ಕಾಗಿ ವರ್ಚುವಲ್ ಕ್ಯೂ​​​ ಬುಕಿಂಗ್ ಪ್ರಾರಂಭವಾಗಿದೆ. ಭಕ್ತರು ದರ್ಶನಕ್ಕಾಗಿ www.sabarimalaonline.org ಮೂಲಕ ವರ್ಚುವಲ್ ಸರದಿಯನ್ನು​​​ ಬುಕ್ ಮಾಡಬಹುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಅಧಿಕಾರಿಗಳ ಪ್ರಕಾರ, ಸೋಮವಾರದಿಂದ ಶುಕ್ರವಾರದವರೆಗೆ ಯಾತ್ರಾರ್ಥಿಗಳ ಮಿತಿಯನ್ನು 1,000 ರಿಂದ 2,000ಕ್ಕೆ ಹೆಚ್ಚಿಸಲಾಗಿದೆ. ಶನಿವಾರ ಮತ್ತು ಭಾನುವಾರದಂದು ಈ ಸಂಖ್ಯೆಯನ್ನು 2,000 ದಿಂದ 3,000ಕ್ಕೆ ಹೆಚ್ಚಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.

ಇದಿಷ್ಟೇ ಅಲ್ಲದೆ ಭಕ್ತರಿಗೆ ಕೋವಿಡ್ ನಿಯಮಾವಳಿಗಳು ಅನ್ವಯಿಸಲಿದ್ದು, ಕಟ್ಟುನಿಟ್ಟಾಗಿ ಪಾಲಿಸುವಂತೆ ಸೂಚಿಸಲಾಗಿದೆ.