ಮುಂಬೈ: ಚಿಕನ್ ಬಿರಿಯಾನಿ ಎಂದು ಪಾರಿವಾಳದ ಬಿರಿಯಾನಿಯನ್ನು ಗ್ರಾಹಕರಿಗೆ ರೆಸ್ಟೋರೆಂಟ್ಗಳಲ್ಲಿ ಮಾರಾಟ ಮಾಡುತ್ತಿರುವ ಘಟನೆ ಮಹಾನಗರಿಯಲ್ಲಿ ಬೆಳಕಿಗೆ ಬಂದಿದೆ. ಈ ಸಂಬಂದ ನಿವೃತ್ತ ಸೇನಾ ಅಧಿಕಾರಿ ಪೊಲೀಸರಿಗೆ ದೂರು ಕೂಡ ಸಲ್ಲಿಸಿದ್ದಾರೆ.
ಮುಂಬೈನ ಕೆಲವು ಹೋಟೆಲ್ಗಳಲ್ಲಿ ಪಾರಿವಾಳದ ಬಿರಿಯಾನಿಯನ್ನು ಚಿಕನ್ ಬಿರಿಯಾನಿ ಎಂದು ನಂಬಿಸಿ ನೀಡಲಾಗುತ್ತಿದೆ. ನಗರದ ರೆಸಿಡೆನ್ಸಿಯಲ್ ಸೊಸೈಟಿ ಮಹಡಿ ಮೇಲೆ ಪಾರಿವಾಳಗಳನ್ನು ಸಾಕಿ ಅದನ್ನು ಗುಪ್ತವಾಗಿ ಮಾರಾಟ ಮಾಡಲಾಗುತ್ತಿದೆ ಎಂದು ಆರೋಪಿಸಿದ್ದು, ಈ ಸಂಬಂಧ ಸಿಯೊನ್ ಪೊಲೀಸ್ ಠಾಣೆಯಲ್ಲಿ ನಿವೃತ್ತ ಅಧಿಕಾರಿ ಪ್ರಕರಣ ದಾಖಲಿಸಿದ್ದು, ಈ ಸಂಬಂಧ ತನಿಖೆ ಆರಂಭಿಸಲಾಗಿದೆ.
ಏನಿದು ಘಟನೆ?: ಸಿಯೊನ್ ಪೊಲೀಸ್ ಠಾಣೆ ಪ್ರದೆಶದಲ್ಲಿ ನರೊತ್ತಮ್ ನಿವಾಸ್ ಕೋ ಆಪರೇಟಿವ್ ಸೊಸೈಟಿಯಲ್ಲಿ ನಿವೃತ್ತ ಅಧಿಕಾರಿಗೆ ಹರೇಶ್ ಗಗಲನಿ(71) ವಾಸ ಮಾಡುತ್ತಿದ್ದಾರೆ. ಈ ಸೊಸೈಟಿ ಮಹಡಿ ಮೇಲೆ ಪಾರಿವಾಳಗಳನ್ನು ಇಟ್ಟು, ಸಾಕಿ ಅದನ್ನು ಹೋಟೆಲ್ಗಳಿಗೆ ಮಾರಾಟ ಮಾಡಲಾಗುತ್ತಿದೆ. ಈ ಸಂಬಂಧ ತನಿಖೆ ನಡೆಸಿರುವ ನಿವೃತ್ತ ಅಧಿಕಾರಿ ಇದಕ್ಕೆ ಸಾಕ್ಷಿಯಾಗಿ ಫೋಟೋಗಳನ್ನು ತೆಗೆದಿದ್ದಾರೆ.
ಈ ಎಲ್ಲ ದಾಖಲೆ ಆಧಾರದ ಮೇಲೆ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಇನ್ನು ಪ್ರಕರಣ ಸಂಬಂದ ಪೊಲೀಸರು ಇನ್ನು ಯಾವುದೇ ಆರೋಪಿಗಳನ್ನು ಬಂಧಿಸಿಲ್ಲ. ಆದರೆ, ಈ ಪ್ರಕರಣ ಎಲ್ಲರಲ್ಲೂ ಕುತೂಹಲ ಮತ್ತು ಅಚ್ಚರಿ ಮೂಡಿಸಿದೆ.
ಪಾರಿವಾಳ ತಂದು ಪೋಷಣೆ: ದೂರಿನಲ್ಲಿ ನಮೂದಿಸಿರುವ ಆರೋಪಿ ಅಭಿಷೇಕ್ ಸಾವಂತ್ ಈ ಪಾರಿವಾಳಗಳ ಮಾಲೀಕನಾಗಿದ್ದು, ಈತ ಇದೇ ಸೊಸೈಟಿಯಲ್ಲಿ ವಾಸಿಸುತ್ತಿದ್ದಾರೆ. ಮಾರ್ಚ್ 2022ರಿಂದ ಮೇ 2022ರವರೆಗೆ ಪಾರಿವಾಳಗಳನ್ನು ಸಾಕಿದ ಆತ ಅವುಗಳನ್ನು ಹೋಟೆಲ್ಗಳಿಗೆ ಮಾರಾಟ ಮಾಡಿದ್ದಾನೆ ಎಂದು ಆರೋಪಿಸಲಾಗಿದೆ.
ಪ್ರಕರಣ ದಾಖಲು: ಸಾಕ್ಷಿ ಸಮೇತ ನಿವೃತ್ತ ಅಧಿಕಾರಿ ಸಲ್ಲಿಸಿದ ದೂರು ಆಧಾರದ ಮೇಲೆ ಪೊಲೀಸರು ಅಭಿಷೇಕ್ ಸಾವಂತ್ ಮೇಲೆ ಪ್ರಕರಣ ದಾಖಲಿಸಿದ್ದಾರೆ. ಈತ ಆತನ ಡ್ರೈವರ್ ಸಹಾಯದಿಂದ ಪಾರಿವಾಳ ಮಾರಾಟ ಮಾಡುತ್ತಿದ್ದ. ಸೊಸೈಟಿಯ ಮಹಡಿ ಮೇಲೆ ವಾಚ್ಮಾನ್ ನೀರು ಬಿಡಲು ಹೋಗುತ್ತಿದ್ದ. ಈ ಬಗ್ಗೆ ಸಹಾಯಕ ಸೊಸೈಟಿಯ ಜನರಿಗೆ ಈ ವಿಷಯ ತಿಳಿಸಿದ್ದ. ಆದರೆ, ಈ ಬಗ್ಗೆ ಯಾರು ಹೆಚ್ಚಿನ ಗಮನ ನೀಡಿರಲಿಲ್ಲ. ಆದರೆ, ಈಗ ಪ್ರಕರಣ ಬೆಳಕಿಗೆ ಬಂದ ಬಳಿಕ ಅವರು ದೂರು ನೀಡಿದ್ದಾರೆ. ಸೆಕ್ಷನ್ 34, 429 ಮತ್ತು 447 ಅಡಿ ದೂರು ದಾಖಲಿಸಲಾಗಿದ್ದು, ಇನ್ನೂ ಯಾರನ್ನೂ ಬಂಧಿಸಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
ಇದನ್ನೂ ಓದಿ: ಕ್ಷುಲ್ಲಕ ವಿಚಾರಕ್ಕೆ ಗಲಾಟೆ: ಪಾಟ್ನಾದ ರೈಲ್ವೆ ನಿಲ್ದಾಣದಲ್ಲಿ ಯುವಕನ ಮೇಲೆ ಗುಂಡಿನ ದಾಳಿ
