ಹೈದರಾಬಾದ್: ಮಹಾಮಾರಿ ಕೊರೊನಾ ವೈರಸ್ ವಿರುದ್ಧ ರಾಮಾಬಾಣವಾಗಿ ಬಳಕೆ ಮಾಡ್ತಿರುವ ಫೈಜರ್ ಲಸಿಕೆ ಸುಮಾರು ಆರು ತಿಂಗಳ ಕಾಲ ಅತ್ಯಂತ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ ಎಂದು ಅಧ್ಯಯನವೊಂದು ತಿಳಿಸಿದೆ.
ಲ್ಯಾನ್ಸೆಟ್ ಮೆಡಿಕಲ್ ಜರ್ನಲ್‌ನಲ್ಲಿ ಇದಕ್ಕೆ ಸಂಬಂಧಿಸಿದಂತೆ ವರದಿ ಪ್ರಕಟಗೊಂಡಿದ್ದು, ಫೈಜರ್ ಲಸಿಕೆ ಡೆಲ್ಟಾ ಸೇರಿದಂತೆ ಎಲ್ಲ ಸೋಂಕಿನ ವಿರುದ್ಧ ಕನಿಷ್ಠ ಆರು ತಿಂಗಳ ಕಾಲ ಶೇ. 90ರಷ್ಟು ಪರಿಣಾಮಕಾರಿಯಾಗಿ ಹೋರಾಡುತ್ತದೆ ಎಂದು ತಿಳಿಸಲಾಗಿದೆ. ಫೈಜರ್ ಎರಡನೇ ಡೋಸ್ ಪಡೆದ 6 ತಿಂಗಳ ಬಳಿಕೆ ಶೇ. 88ರಿಂದ ಶೇ. 47ಕ್ಕೆ ಅವರ ಪರಿಣಾಮಕಾರತ್ವ ಕಡಿಮೆಯಾಗುತ್ತದೆ ಎನ್ನಲಾಗಿದ್ದು, ಸುಮಾರು ಆರು ತಿಂಗಳ ಕಾಲ ಕೋವಿಡ್ನ ಡೆಲ್ಟಾ ರೂಪಾಂತರದ ವಿರುದ್ಧ ಪರಿಣಾಮಕಾರಿ ಎಂದು ವಿಶ್ಲೇಷಣೆ ಮಾಡಲಾಗಿದೆ.
ಇದನ್ನೂ ಓದಿರಿ: ಭೌತಶಾಸ್ತ್ರದಲ್ಲಿ ನೊಬೆಲ್ ಘೋಷಣೆ: ಮೂವರು ವಿಜ್ಞಾನಿಗಳಿಗೆ ಜಂಟಿಯಾಗಿ ಪ್ರಶಸ್ತಿ ಪ್ರಕಟ
ಸುಮಾರು 3,436,957 ಜನರ ಎಲೆಕ್ಟ್ರಾನಿಕ್ ಆರೋಗ್ಯ ದಾಖಲೆಗಳ ಅಧ್ಯಯನ ಮಾಡಲಾಗಿದ್ದು, ಅವರ ಮೇಲೆ ಫೈಜರ್ ಲಸಿಕೆ ಪರಿಣಾಮಕಾರಿತ್ವ ದಿನದಿಂದ ದಿನಕ್ಕೆ ಕಡಿಮೆಯಾಗುತ್ತ ಬರುತ್ತದೆ ಎಂದು ತಿಳಿಸಿದೆ. ಇದಕ್ಕೆ ಸಂಬಂಧಿಸಿದಂತೆ ಕೈಸರ್ ಪರ್ಮನೆಂಟೆ ದಕ್ಷಿಣ ಕ್ಯಾಪಿಫೋರ್ನಿಯಾದ ಸಂಶೋಧನೆ ಮತ್ತು ಮೌಲ್ಯಮಾಪನ ವಿಭಾಗ ಈ ಅಧ್ಯಯನ ನಡೆಸಿದೆ. ವಿಶೇಷವೆಂದರೆ ಲಸಿಕೆಗಳ ಪರಿಣಾಮಕಾರತ್ವದ ಬಗ್ಗೆ ಮಾತ್ರ ನಾವು ಸಂಶೋಧನೆ ನಡೆಸಿರುವುದಾಗಿ ಅದು ಹೇಳಿಕೊಂಡಿದೆ.
