ನವದೆಹಲಿ: ಇಂದು ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯಲ್ಲಿ ಯಾವುದೇ ಬದಲಾವಣೆ ಕಂಡುಬಂದಿಲ್ಲ. ಆದರೆ ಭಾರತದಲ್ಲಿ ಕಳೆದ 11 ದಿನಗಳಲ್ಲಿ 8 ಬಾರಿ ತೈಲ ದರ ಏರಿಕೆ ಮಾಡಲಾಗಿದೆ.
ಕಳೆದ ಎಂಟು ದಿನಗಳಲ್ಲಿ ಪೆಟ್ರೋಲ್ 1 ರೂಪಾಯಿ ಮತ್ತು ಡೀಸೆಲ್ 2 ರೂಪಾಯಿ 15 ಪೈಸೆ ಹೆಚ್ಚಳವಾಗಿದ್ದು, 11 ದಿನಗಳಲ್ಲಿ 8 ಬಾರಿ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏರಿಕೆಯಾಗಿದೆ. ಭಾನುವಾರದಂದು ಪ್ರತಿ ಲೀಟರ್ ಪೆಟ್ರೋಲ್ ಮೇಲೆ 24 ರಿಂದ 30 ಪೈಸೆ ಹಾಗೂ ಡೀಸೆಲ್ ಮೇಲೆ 28 ರಿಂದ 36 ಪೈಸೆಯನ್ನು ತೈಲ ಕಂಪನಿಗಳು ಹೆಚ್ಚಿಸಿದ್ದವು. ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಸದ್ಯಕ್ಕೆ ಲೀಟರ್ ಪೆಟ್ರೋಲ್ಗೆ 102.39 ರೂ. ಬೆಲೆಯಿದ್ದು, ಡೀಸೆಲ್ಗೆ 90.77 ರೂ. ಇದೆ.
ಮುಂಬೈನಲ್ಲಿ ಪೆಟ್ರೋಲ್ ಬೆಲೆ ಸದ್ಯಕ್ಕೆ ಪ್ರತಿ ಲೀಟರ್‌ಗೆ 108.43 ರೂ. ರಷ್ಟಿದ್ದು, ಡೀಸೆಲ್ ದರ 98.48 ರೂ. ಇದೆ. ಬೆಂಗಳೂರಿನಲ್ಲಿ ಲೀಟರ್ ಪೆಟ್ರೋಲ್ ಬೆಲೆ 105.95 ಯಿದ್ದು, ಡೀಸೆಲ್ ದರ 96.34 ರೂ. ಇದೆ. ಆದರೆ, ಚಿಲ್ಲರೆ ದರಗಳು ರಾಜ್ಯದ ಸ್ಥಳೀಯ ತೆರಿಗೆಗಳ ಮಟ್ಟವನ್ನು ಅವಲಂಬಿಸಿ ಬದಲಾಗುತ್ತಿರುತ್ತವೆ.
ಜಾಗತಿಕವಾಗಿ ಕಚ್ಚಾತೈಲ ಬೆಲೆಯಲ್ಲಿ ಸಹ ಯಾವುದೇ ವ್ಯತ್ಯಾಸ ಕಂಡು ಬಂದಿಲ್ಲ. ಮೊದಲು ಬ್ಯಾರೆಲ್‌ಗೆ 80 ಡಾಲರ್‌ಗಿಂತ ಅಧಿಕವಿತ್ತು. ಆದರೆ ಸೆಪ್ಟೆಂಬರ್ 5 ರ ಬಳಿಕ ಪ್ರತಿ ಬ್ಯಾರೆಲ್ ಬೆಲೆ 79 ಯುಎಸ್ ಡಾಲರ್‌ ಇದೆ.
