ಮಾಲೀಕ ಮನೆ ಬಿಟ್ಟು ಪರಾರಿ: ಐದು ದಿನ ಆಹಾರವಿಲ್ಲದೇ ಮೂಕಪ್ರಾಣಿಗಳ ರೋದನೆ

ಮನೆಯ ಮಾಲೀಕ ಮನೆ ಬಿಟ್ಟು ಹೋದ ಕಾರಣ ಆಹಾರ ನೀಡುವವರಿಲ್ಲದೇ 5 ದಿನಗಳಿಂದ ಹಸಿದು ಬಳಲಿ ಬೆಂಡಾಗಿದ್ದ ಪ್ರಾಣಿ ಪಕ್ಷಿಗಳಿಗೆ ಸ್ವಯಂಸೇವಕ ಸಂಘವೊಂದು ಆಹಾರ ನೀರು ನೀಡಿ, ಪ್ರಾಣಿಪ್ರಿಯರ ಮನೆಗೆ ಬಿಟ್ಟಿದೆ.

ಮಲಪ್ಪುರಂ(ಕೇರಳ): ವ್ಯಕ್ತಿಯೋರ್ವ ಮನೆ ಬಿಟ್ಟು ಓಡಿ ಹೋದ ಕಾರಣ ಆತ ಸಾಕಿದ್ದ ಮೂಕಪ್ರಾಣಿಗಳೆಲ್ಲವೂ ಹಸಿವಿನಿಂದ ನರಳಾಡಿದ ಘಟನೆ ಪೆರಿಂತಲ್​ಮಲ್​ಮನ್ನನ ತಜ್​ಕೋಡ್​ನಲ್ಲಿ ನಡೆದಿದೆ. ವಿಷಯ ತಿಳಿದು ಸ್ಥಳಕ್ಕಾಮಿಸಿದ ಸ್ವಯಂಸೇವಕರ ಸಂಘವೊಂದು ಪ್ರಾಣಿಗಳ ಹಸಿವು ನೀಗಿಸಿ ಅವುಗಳನ್ನು ರಕ್ಷಿಸಿದೆ.

ಅಲಪ್ಪುಳಾದ ಮನ್ನಾರ್ ಮೂಲದ ವ್ಯಕ್ತಿಯೊಬ್ಬ ಮೂರು ನಾಯಿಗಳು, ಒಂದು ಕರು, ಕತ್ತೆ ಹಾಗೂ ಅದರ ಮರಿ ಪಕ್ಷಿಗಳನ್ನು ಸಾಕಿದ್ದರು. ಆದರೆ ಈತ ನಾಲ್ಕು ಮದುವೆಯಾಗಿದ್ದು, ಈತನ ವಿರುದ್ಧ ಹಲವು ಕೇಸ್​ಗಳು ಸಹ ದಾಖಲಾಗಿದ್ದವು. ಇದೀಗ ಇದ್ದಕ್ಕಿಂದತೆ ಮನೆ ಖಾಲಿಮಾಡಿಕೊಂಡು ಊರು ಬಿಟ್ಟಿದ್ದಾನೆ. ಮಾಲೀಕನಿಲ್ಲದೇ ಆಹಾರ ನೀಡಲು ಯಾರು ಇಲ್ಲದೇ ಆತ ಸಾಕಿದ್ದ ಈ ಪ್ರಾಣಿಗಳು ಹಸಿವಿನಿಂದ ಬಳಲುತ್ತಿದ್ದವು.

ಘಟನೆಯ ಬಗ್ಗೆ ತಿಳಿದ ಅಬ್ದುಲ್ ಮಜೀದ್ ಎಂಬುವವರ ನೇತೃತ್ವದ ಸ್ವಯಂಸೇವಕ ಗುಂಪಿನ ಸದಸ್ಯರು ಈ ಪ್ರಾಣಿಗಳಿದ್ದ ಸ್ಥಳಕ್ಕೆ ಧಾವಿಸಿ, 5 ದಿನಗಳಿಂದ ಹಸಿದಿದ್ದ ಪ್ರಾಣಿಗಳು, ಪಕ್ಷಿಗಳಿಗೆ ಆಹಾರ ನೀಡಿ ಕುಡಿಯುವ ನೀರು ನೀಡಿದರು. ಇದರ ಬೆನ್ನಲ್ಲೇ ಪೊಲೀಸರ ಅನುಮತಿಯೊಂದಿಗೆ ಪ್ರಾಣಿಗಳನ್ನು ಆನಂದ್ ಎಂಬ ಪ್ರಾಣಿ ಪ್ರೇಮಿ ಮನೆಗೆ ಬಿಡಲಾಯ್ತು.