ನವದೆಹಲಿ: ಪಾಕಿಸ್ತಾನದ ಫೆಡರಲ್ ಇನ್ವೆಸ್ಟಿಗೇಟಿವ್ ಏಜೆನ್ಸಿ (ಎಫ್‌ಐಎ), 26/11 ಮುಂಬೈ ಭಯೋತ್ಪಾದಕ ದಾಳಿಯಲ್ಲಿ ಭಾಗಿಯಾಗಿದ್ದ ಹಲವಾರು ಪಾಕಿಸ್ತಾನಿ ಪ್ರಜೆಗಳ ಪಟ್ಟಿಯನ್ನು ನವೀಕರಿಸಿದೆ. 'ಮೋಸ್ಟ್ ವಾಂಟೆಡ್ / ಹೈ ಪ್ರೊಫೈಲ್ ಭಯೋತ್ಪಾದಕರ ಹೆಸರನ್ನು ತನ್ನ ಪರಿಷ್ಕೃತ ಪುಸ್ತಕ'ದಲ್ಲಿ ಪಟ್ಟಿ ಮಾಡಿದೆ. ಭೀಕರ ಭಯೋತ್ಪಾದಕ ದಳಿಗೆ ಸಂಚುರೂಪಿಸಿದ್ದ ಮಾಸ್ಟರ್ ಮೈಂಡ್ ಮತ್ತು ಇತರೆ ಪ್ರಮುಖರನ್ನು ಬಿಟ್ಟುಬಿಟ್ಟಿದೆ ಎಂದು ಭಾರತ ಆರೋಪಿಸಿದೆ.
ಮುಂಬೈ ಭಯೋತ್ಪಾದಕ ದಾಳಿಯ ಸಂಚುಕೋರರು ಮತ್ತು ಅವರನ್ನ ಸುಗಮವಾಗಿ ಸಾಗಿಸುವ ಬಗೆಗಿನ ಅಗತ್ಯವಾದ ಎಲ್ಲ ಮಾಹಿತಿ ಮತ್ತು ಪುರಾವೆಗಳನ್ನು ಪಾಕಿಸ್ತಾನ ಹೊಂದಿದೆ. ಇದು ಗಂಭೀರ ಕಾಳಜಿಯ ವಿಷಯವಾಗಿದೆ. ಜಗತ್ತಿನ 15 ದೇಶಗಳಿಂದ 166 ಸಂತ್ರಸ್ತರ ಕುಟುಂಬಗಳು ಇದಕ್ಕೆ ತುತ್ತಾಗಿವೆ ಎಂದು ವಿದೇಶಾಂಗ ಸಚಿವಾಲಯದ ವಕ್ತಾರ ಅನುರಾಗ್ ಶ್ರೀವಾಸ್ತವ ಮಾಧ್ಯಮಗೋಷ್ಠಿಯಲ್ಲಿ ಪಾಕ್ ವಿರುದ್ಧ ಕಿಡಿಕಾರಿದ್ದರು.
ಪಾಕಿಸ್ತಾನದ ಫೆಡರಲ್ ಇನ್ವೆಸ್ಟಿಗೇಟಿವ್ ಏಜೆನ್ಸಿ (ಎಫ್‌ಐಎ) 26/11 ಮುಂಬೈ ಭಯೋತ್ಪಾದಕ ದಾಳಿಯಲ್ಲಿ ಭಾಗಿಯಾಗಿರುವ ಹಲವು ಪಾಕಿಸ್ತಾನಿ ಪ್ರಜೆಗಳ ಪಟ್ಟಿ ನವೀಕರಿಸಿದೆ. 'ಮೋಸ್ಟ್ ವಾಂಟೆಡ್ / ಹೈ ಪ್ರೊಫೈಲ್ ಭಯೋತ್ಪಾದಕರ ಪುಸ್ತಕ' ಬಿಡುಗಡೆ ಮಾಡಿದ್ದ ಬಗ್ಗೆ ಪಾಕಿಸ್ತಾನದ ಮಾಧ್ಯಮ ವರದಿಗಳನ್ನು ನಾವು ನೋಡಿದ್ದೇವೆ ಎಂದರು.
26/11 ದಾಳಿಯನ್ನು ನಡೆಸಲು ಬಳಸಿದ ದೋಣಿಗಳ ಸಿಬ್ಬಂದಿ ಸೇರಿದಂತೆ ಪಾಕಿಸ್ತಾನ ಮೂಲದ ಯುಎನ್-ಗೊತ್ತುಪಡಿಸಿದ ಭಯೋತ್ಪಾದಕ ಸಂಘಟಕ ಲಷ್ಕರ್-ಎ-ತೈಬಾದ ಆಯ್ದ ಕೆಲವು ಸದಸ್ಯರನ್ನೂ ಈ ಪಟ್ಟಿಯು ಒಳಗೊಂಡಿದೆ. ಈ ಕೃತ್ಯದ ಮಾಸ್ಟರ್ ಮೈಂಡ್ ಮತ್ತು ಪ್ರಮುಖ ಸಂಚುಕೋರರನ್ನು ಸ್ಪಷ್ಟವಾಗಿ ಪಟ್ಟಿಯಿಂದ ಹೊರಗಿಟ್ಟದ್ದು ಭೀಕರ ಭಯೋತ್ಪಾದಕ ದಾಳಿ ಎಂದು ಹೇಳಿದರು.
26/11 ಭಯೋತ್ಪಾದಕ ದಾಳಿಯನ್ನು ಪಾಕಿಸ್ತಾನದ ನೆಲದಿಂದ ಯೋಜಿಸಿ, ಕಾರ್ಯಗತಗೊಳಿಸಲಾಯಿತು ಎಂಬುದು ಸತ್ಯ. ಪಾಕಿಸ್ತಾನ ಮೂಲದ ಮುಂಬೈ ಭಯೋತ್ಪಾದಕ ದಾಳಿಯ ಸಂಚುಕೋರರು ಮತ್ತು ಸುಗಮಕಾರರ ಬಗ್ಗೆ ಪಾಕಿಸ್ತಾನವು ಅಗತ್ಯವಿರುವ ಎಲ್ಲಾ ಮಾಹಿತಿ ಮತ್ತು ಪುರಾವೆಗಳನ್ನು ಹೊಂದಿದೆ ಎಂದು ಪಟ್ಟಿ ಸ್ಪಷ್ಟಪಡಿಸುತ್ತದೆ. ಮುಂಬೈ ಭಯೋತ್ಪಾದಕ ದಾಳಿಯ ವಿಚಾರಣೆಯಲ್ಲಿ ತನ್ನ ಅಂತಾರಾಷ್ಟ್ರೀಯ ಕಟ್ಟುಪಾಡುಗಳನ್ನು ನಿರ್ವಹಿಸುವಲ್ಲಿ ಪಾಕಿಸ್ತಾನ ಸರ್ಕಾರ ತನ್ನ ಅಸ್ಪಷ್ಟತೆ ತೋರಬೇಕು. ಕುತಂತ್ರಗಳನ್ನು ತ್ಯಜಿಸುವಂತೆ ಭಾರತ ಪದೇ ಪದೇ ಕೇಳುತ್ತಾ ಬಂದಿದೆ ಎಂದರು.
