ನವದೆಹಲಿ: ಕೋವಿಡ್(COVID) 3 ನೇ ಅಲೆ ಆತಂಕದ ನಡುವೆಯೇ, ದೇಶದಲ್ಲಿ ಕೊರೊನಾ ರೂಪಾಂತರಗಳ 31,124 ಕೇಸ್ಗಳು ಪತ್ತೆಯಾಗಿವೆ ಎಂದು ಭಾರತೀಯ ಸಾರ್ಸ್ ಕೋವ್-2 ಜೀನೋಮಿಕ್ ಕನ್ಸೋರ್ಟಿಯಂ (INSACOG) ಹೇಳಿದೆ.
4,227 ಆಲ್ಫಾ ರೂಪಾಂತರ, 219 ಬೀಟಾ ರೂಪಾಂತರಗಳು, 2 ಗಾಮಾ ರೂಪಾಂತರಗಳು, 21,192 ಡೆಲ್ಟಾ ರೂಪಾಂತರಗಳು ಮತ್ತು 5,417 - ಬಿ .1.1617.1 ಮತ್ತು ಬಿ .1.617.3 ಅನ್ನು ಜಿನೊಮಿಕ್‌ನಿಂದ ಪತ್ತೆ ಮಾಡಲಾಗಿದೆ ಎಂದು 'ಈಟಿವಿ ಭಾರತ'ಕ್ಕೆ INSACOG ನ ಅಂಕಿ-ಅಂಶಗಳು ತಿಳಿಸಿವೆ.
ಭಾರತದಲ್ಲಿ ಡೆಲ್ಟಾ ರೂಪಾಂತರವು ಭಾರಿ ಆತಂಕ ಮೂಡಿಸಿದೆ. ಡೆಲ್ಟಾದ ಭಾಗವಾಗಿರುವ AY.12 ಅನೇಕ ರಾಜ್ಯಗಳಲ್ಲಿ ಕಾಣಿಸಿಕೊಂಡಿದೆ. ಆದರೆ, ಕೆಲ ತಜ್ಞರು ಡೆಲ್ಟಾ ಮತ್ತು AY.12 ಎರಡೂ ಒಂದೇ ಎಂದು ಶಂಕೆ ವ್ಯಕ್ತಪಡಿಸುತ್ತಿದ್ದಾರೆ.
ಡೆಲ್ಟಾ ರೂಪಾಂತರವು ಕೇವಲ ಭಾರತದಲ್ಲಷ್ಟೇ ಅಲ್ಲದೆ, ವಿಶ್ವದಾದ್ಯಂತ ವ್ಯಾಪಿಸುತ್ತಿದೆ. ಅಮೆರಿಕ, ಇಸ್ರೇಲ್ನಲ್ಲಿ ವ್ಯಾಪಕವಾಗಿ ಈ ವೈರಸ್ ಹರಡಿದೆ. ಇಸ್ರೇಲ್ನಲ್ಲಿ ಶೇಕಡಾ 60 ರಷ್ಟು ಜನರಿಗೆ ಸಂಪೂರ್ಣ ವ್ಯಾಕ್ಸಿನೇಷನ್ ಹಾಕಲಾಗಿದೆ. ಚೀನಾ, ಕೊರಿಯಾಗಳಲ್ಲೂ ಈ ವೈರಸ್ ಹರಡಿದೆ.
AY.12 ಇಸ್ರೇಲ್ನಲ್ಲಿ ಹೆಚ್ಚಾಗಿ ಹರಡಿದ್ದು, ಡೆಲ್ಟಾದಲ್ಲಿ ವರ್ಗೀಕರಿಸಲ್ಪಟ್ಟ ಅಂಶಗಳಲ್ಲಿ ಇದು ಒಂದಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಇದನ್ನೂ ಓದಿ: ಕೋವಿಡ್ನಿಂದ ಪೋಷಕರನ್ನು ಕಳೆದುಕೊಂಡ ಮಕ್ಕಳನ್ನು ಕಂಡರೆ ಹೃದಯ ಕಲಕುತ್ತದೆ: ಸುಪ್ರೀಂಕೋರ್ಟ್
ಕೋವಿಡ್ ರೂಪಾಂತರಗಳಿಂದ ರಕ್ಷಿಸಿಕೊಳ್ಳಲು ಪ್ರತಿಯೊಬ್ಬರೂ ಲಸಿಕೆ ಪಡೆದುಕೊಳ್ಳಬೇಕು ಎಂದು ತಜ್ಞರು ಹೇಳಿದ್ದಾರೆ.
